AI Summit protest: AI સમિટમાં વિરોધ પર પોલીસની કાર્યવાહી, ઈન્ડિયન યૂથ કોંગ્રેસ અધ્યક્ષની ધરપકડ

AI Summit protest: ગયા અઠવાડિયે ભારત મંડપમ ખાતે આયોજિત ઈન્ડિયા એઆઈ ઈમ્પેક્ટ સમિટ દરમિયાન શર્ટલેસ વિરોધ પ્રદર્શનના સંદર્ભમાં આ ધરપકડ કરવામાં આવી હતી

દિલ્હી પોલીસે ઈન્ડિયન યુથ કોંગ્રેસ(IYC) ના રાષ્ટ્રીય અધ્યક્ષ ઉદય ભાનુ ચિબની ધરપકડ કરી

Source : PTI

AI Summit protest:  દિલ્હી પોલીસે ઈન્ડિયન યુથ કોંગ્રેસ(IYC) ના રાષ્ટ્રીય અધ્યક્ષ ઉદય ભાનુ ચિબની ધરપકડ કરી છે. સૂત્રોના જણાવ્યા અનુસાર, ગયા અઠવાડિયે ભારત મંડપમ ખાતે આયોજિત ઈન્ડિયા એઆઈ ઈમ્પેક્ટ સમિટ દરમિયાન શર્ટલેસ વિરોધ પ્રદર્શનના સંદર્ભમાં આ ધરપકડ કરવામાં આવી હતી. પોલીસે સવારે 4:30 વાગ્યે ઉદય ભાનુની અટકાયત કરી હતી અને હવે તેમની ઔપચારિક ધરપકડ કરી છે. સૂત્રોએ જણાવ્યું હતું કે પોલીસ તેમને આજે સવારે 10 વાગ્યા પછી કોર્ટમાં રજૂ કરી શકે છે.

Youth Congress Chief Uday Bhanu Chib arrested over AI summit protest, Cong calls move 'dictatorial'

Read @ANI Story |https://t.co/my3NIGfwtb#YouthCongress #UdayBhanu #AiSummitprotest pic.twitter.com/aVOq5s0lTh

— ANI Digital (@ani_digital) February 24, 2026

શર્ટલેસ વિરોધમાં કુલ આઠ ધરપકડ કરવામાં આવી છે

આ કેસ ત્યારે ચર્ચામાં આવ્યો જ્યારે આઈવાયસીના કાર્યકરોએ એઆઈ સમિટ દરમિયાન શર્ટલેસ વિરોધ કર્યો હતો. વિરોધીઓએ સરકારી નીતિઓ અને એઆઈ સંબંધિત મુદ્દાઓ સામે સૂત્રોચ્ચાર કર્યા હતા અને સ્થળ પર હોબાળો મચાવ્યો હતો. પોલીસે સાર્વજનિક શાંતિ ભંગ કરવાના આરોપો અને અન્ય કલમો હેઠળ કેસ નોંધ્યો હતો. આ કેસમાં ઉદય ભાનુ છિબ સહિત કુલ આઠ લોકોની ધરપકડ કરવામાં આવી છે. પોલીસે તેમની રાતોરાત પૂછપરછ કરી હતી અને આરોપ લગાવ્યો હતો કે ઉદય ભાનુએ તપાસમાં સંપૂર્ણ સહયોગ આપ્યો ન હતો.

#WATCH | Delhi | On the arrest of IYC Chief Uday Bhanu Chib, Congress leader Pawan Khera says, "This is a matter of shame that they have a problem with someone staging a protest peacefully. The dictator will put those in jail who show him the mirror. Have all the terrorists… pic.twitter.com/58gUyAzy3Y

— ANI (@ANI) February 24, 2026

ધરપકડ પર કોંગ્રેસની પ્રતિક્રિયા કેવી હતી?

કોંગ્રેસના સાંસદ શશિકાંત સેન્થિલે જણાવ્યું હતું કે, "બેરોજગારી અને પેપર લીક જેવા મુદ્દાઓથી યુવાનો પ્રભાવિત થયા હોવા છતાં તેમને સરકાર તરફથી કોઈ જવાબ મળી રહ્યો ન હતો, જેના કારણે AI સમિટમાં વિરોધ પ્રદર્શન કરવામાં આવ્યું. અમારા જેવા સાંસદોએ પણ જ્યારે મુદ્દાઓ ઉઠાવ્યા ત્યારે, તેમને કોઈ જવાબ મળ્યો નહીં. યુવાનોને લાગ્યું કે 'કૉમ્પોમાઈઝ' PM પાસેથી કોઈ આશા નથી. આ ખૂબ જ નાનો વિરોધ હતો, જ્યારે લાખો યુવાનો બેરોજગાર છે. યુવા કોંગ્રેસના કાર્યકરો આ પૃષ્ઠભૂમિમાંથી આવે છે. તેઓએ બહાદુરી બતાવી, ભલે તેઓ જાણતા હતા કે અહીં કેવા પ્રકારની સરકાર છે."

કાવતરું હોવાની શંકા

દિલ્હી પોલીસે હજુ સુધી સત્તાવાર નિવેદન બહાર પાડ્યું નથી, પરંતુ સૂત્રોના જણાવ્યા અનુસાર, તપાસમાં "મોટા કાવતરા"ની આશંકા વ્યક્ત કરવામાં આવી રહી છે. પોલીસનું કહેવું છે કે વિરોધ પાછળ એક સંગઠિત યોજના હતી અને યુવા કોંગ્રેસના ટોચના નેતાઓ તેમાં સામેલ હતા. ઉદય ભાનુ ચિબને તિલક માર્ગ પોલીસ સ્ટેશનમાં અટકાયતમાં લેવામાં આવ્યા હતા, જ્યાં તેમની ધરપકડ કરવામાં આવી હતી.

સૂત્રોના જણાવ્યા અનુસાર, દિલ્હી પોલીસની તપાસમાં એવા પુરાવા મળી આવ્યા છે જે દર્શાવે છે કે ઉદય ભાનુ AI સમિટ દરમિયાન શર્ટલેસ વિરોધના કાવતરા અને આયોજનમાં સામેલ હતા.

પોલીસનું કહેવું છે કે આ મામલાના મૂળ સુધી પહોંચવા માટે ઉદય ભાનુની સંપૂર્ણ પૂછપરછ જરૂરી છે, જેના માટે તેમની અટકાયત જરૂરી છે. આ કેસમાં અત્યાર સુધી ધરપકડ કરાયેલા તમામ સાત આરોપીઓ યુથ કોંગ્રેસ સાથે સંકળાયેલા છે. પોલીસ સૂત્રોના જણાવ્યા અનુસાર, ઉદય ભાનુ અને ધરપકડ કરાયેલા તમામ આરોપીઓની સામ-સામે પૂછપરછ કરવામાં આવશે. આનાથી સ્પષ્ટ થશે કે સમગ્ર આયોજન ક્યારે, ક્યાં અને કેવી રીતે કરવામાં આવ્યું હતું. ગઈકાલે દિલ્હી પોલીસે ઉદય ભાનુની અટકાયત કરી હતી અને તિલક માર્ગ પોલીસ સ્ટેશનમાં લગભગ 20 કલાકની પૂછપરછ બાદ આજે સવારે 4:30 વાગ્યે તેમની ધરપકડ કરવામાં આવી હતી.