ચૂંટણી પંચની મોટી જાહેરાત: 6 રાજ્યોની 8 વિધાનસભા બેઠકો પર પેટાચૂંટણીનું એલાન, જાણો ક્યારે થશે મતદાન

ગોવા, કર્ણાટક, ત્રિપુરા અને નાગાલેન્ડમાં 9 એપ્રિલે, જ્યારે ગુજરાત અને મહારાષ્ટ્રમાં 23 એપ્રિલે વોટિંગ થશે; 4 મેના રોજ 5 મોટા રાજ્યોની સાથે જ જાહેર થશે પેટાચૂંટણીના પરિણામો.

Bypolls 2026, Voting for 8 Assembly Seats Across 6 States on April 9 & 23

Source : PTI

Show Quick Read

Key points generated by AI, verified by newsroom

• 6 રાજ્યોની 8 વિધાનસભા બેઠકો માટે પેટાચૂંટણીની જાહેરાત.
• 9 એપ્રિલે ગોવા, કર્ણાટક, નાગાલેન્ડ, ત્રિપુરામાં મતદાન.
• ગુજરાત, મહારાષ્ટ્રમાં 23 એપ્રિલે પેટાચૂંટણી યોજાશે.
• 4 રાજ્યો, 1 કેન્દ્રશાસિત પ્રદેશમાં 2.19 લાખ મતદાન મથકો.

રવિવારે ચૂંટણી પંચે દેશના 5 રાજ્યોની વિધાનસભા ચૂંટણીની તારીખો જાહેર કરવાની સાથે જ અન્ય 6 રાજ્યોની ખાલી પડેલી 8 વિધાનસભા બેઠકો માટે પણ પેટાચૂંટણી (Bypolls) નો કાર્યક્રમ જાહેર કરી દીધો છે. આ 8 બેઠકો માટે 9 એપ્રિલ અને 23 એપ્રિલ એમ બે અલગ-અલગ તબક્કામાં મતદાન યોજાશે. ખાસ વાત એ છે કે આ પેટાચૂંટણીના પરિણામો પણ બાકીના રાજ્યોની ચૂંટણીના પરિણામો સાથે જ 4 મેના રોજ જાહેર કરવામાં આવશે. તારીખોની જાહેરાત થતાં જ આ તમામ બેઠકો પર આદર્શ આચારસંહિતા લાગુ થઈ ગઈ છે અને ઉમેદવારોની પસંદગી માટે રાજકીય ગરમાવો વધી ગયો છે.

આચારસંહિતા લાગુ, રાજકીય પક્ષો એક્શનમાં

સામાન્ય રીતે જ્યારે કોઈ જીતેલા ઉમેદવાર રાજીનામું આપે અથવા તેમનું અચાનક અવસાન થાય, ત્યારે તે ખાલી પડેલી બેઠક પર નવા ધારાસભ્યને ચૂંટવા માટે પેટાચૂંટણી યોજવામાં આવે છે. રવિવારની આ જાહેરાત સાથે જ તમામ સંબંધિત વિસ્તારોમાં આદર્શ આચારસંહિતા (Model Code of Conduct) લાગુ થઈ ગઈ છે. રાજકીય પક્ષોએ પણ જીત માટે પોતાની કમર કસી લીધી છે અને ચૂંટણીની તૈયારીઓનો ધમધમાટ શરૂ કરી દીધો છે. હવે આ બેઠકો પર કાંટાની ટક્કર જોવા મળશે તે નક્કી છે.

9 એપ્રિલે ક્યાં થશે મતદાન?

ચૂંટણી પંચના જણાવ્યા અનુસાર, પહેલા તબક્કામાં 9 એપ્રિલના રોજ 4 રાજ્યોમાં મતદાન થશે. જેમાં ગોવા, કર્ણાટક, નાગાલેન્ડ અને ત્રિપુરાની ખાલી પડેલી વિધાનસભા બેઠકોનો સમાવેશ થાય છે. આ માટે તમામ પક્ષો બહુ જલ્દી પોતાના ઉમેદવારોના નામની સત્તાવાર જાહેરાત કરી શકે છે.

ગુજરાત-મહારાષ્ટ્રમાં 23 એપ્રિલે વોટિંગ

બીજા તબક્કામાં એટલે કે 23 એપ્રિલના રોજ આપણા ગુજરાત અને પડોશી રાજ્ય મહારાષ્ટ્રની ખાલી પડેલી વિધાનસભા બેઠકો પર વોટિંગ યોજાશે. આ જાહેરાતથી આ બંને રાજ્યોમાં પણ રાજકીય હિલચાલ તેજ થઈ ગઈ છે. સમય ઓછો હોવાથી રાજકીય પક્ષો હવે ઉમેદવારો જાહેર કરવામાં જરાય ઢીલ નહીં રાખી શકે.

મુખ્ય ચૂંટણી કમિશનરે આપી આ મોટી માહિતી

ચૂંટણીની તારીખો જાહેર કરતા મુખ્ય ચૂંટણી કમિશનર જ્ઞાનેશ કુમારે કેટલાક મોટા આંકડાઓ અને નિયમોની માહિતી આપી હતી:

4 રાજ્યો અને 1 કેન્દ્રશાસિત પ્રદેશની (આસામ, કેરળ, પુડુચેરી, તમિલનાડુ અને પશ્ચિમ બંગાળ) ચૂંટણી માટે કુલ 2.19 લાખ જેટલા મતદાન મથકો (પોલિંગ બૂથ) ઉભા કરવામાં આવશે.

આ ચૂંટણી પ્રક્રિયા શાંતિપૂર્ણ રીતે પાર પાડવા માટે 2.5 મિલિયન (આશરે 25 લાખ) ચૂંટણી અધિકારીઓ અને કર્મચારીઓ ફરજ બજાવશે.

આ રાજ્યોમાં સરેરાશ એક મતદાન મથક પર 750 થી 900 જેટલા મતદારો મતદાન કરશે.

પારદર્શિતા લાવવા માટે એક નવો નિયમ બનાવાયો છે, જે મુજબ પ્રિસાઇડિંગ ઓફિસર દર 2 કલાકે કેટલા વોટ પડ્યા તેનો ડેટા ઓનલાઈન અપલોડ કરશે. આ ઉપરાંત, મતદાન પૂરું થયા પછી તરત જ ફાઈનલ ડેટા પણ અપલોડ કરી દેવામાં આવશે જેથી કોઈ ગેરરીતિ ન થાય.

આ પણ વાંચો

ઈરાન-ઈઝરાયલ યુદ્ધ: પેટ્રોલ-ડીઝલથી લઈને LPG સુધી... જાણો મિડલ ઈસ્ટના તણાવ વચ્ચે ભારતની શું છે તૈયારી