ઇસ્તંબુલની તસવીર ઉત્તરપ્રદેશના નવા એરપોર્ટની બતાવીને વાયરલ

BOOM એ તપાસ કરી અને જાણવા મળ્યું કે વાયરલ ફોટો તુર્કીના ઇસ્તંબુલ એરપોર્ટનો છે

એરપોર્ટનો આ ફોટો ઉત્તરપ્રદેશનો છે

Source : એબીપી અસ્મિતા

CLAIM 
એરપોર્ટની આ તસવીર ઉત્તરપ્રદેશની છે.

FACT CHECK 
BOOM ને તેની તપાસમાં જાણવા મળ્યું કે વાયરલ ફોટો તુર્કીના ઇસ્તંબુલ એરપોર્ટનો છે.

 

સોશિયલ મીડિયા પર એક એરપોર્ટની તસવીર વાયરલ થઈ રહી છે. યૂઝર્સ આને શેર કરી રહ્યા છે અને લખી રહ્યા છે કે ઉત્તરપ્રદેશ ભારતનું પહેલું રાજ્ય બન્યું છે જ્યાં 21 એરપોર્ટ છે.

BOOM એ તપાસ કરી અને જાણવા મળ્યું કે વાયરલ ફોટો તુર્કીના ઇસ્તંબુલ એરપોર્ટનો છે.

આ તસવીર ઇન્સ્ટાગ્રામ પર શેર કરતા એક યૂઝરે લખ્યું, 'ઉત્તરપ્રદેશે ઇતિહાસ રચ્યો, 21 એરપોર્ટ ધરાવતું ભારતનું પ્રથમ રાજ્ય બન્યું.'

(આર્કાઇવ લિંક)

આ ફોટો ફેસબુક પર આ જ દાવા સાથે વાયરલ થઈ રહ્યો છે.

ફેક્ટ ચેક 

બૂમએ ગૂગલ લેન્સનો ઉપયોગ કરીને તસવીરની ચકાસણી કરી અને જાણવા મળ્યું કે તે ઇસ્તંબુલ એરપોર્ટની છે.

આ ફોટો સીએન ટ્રાવેલર નામની વેબસાઇટ પર પ્રકાશિત થયો હતો, જેમાં તે ઇસ્તંબુલ એરપોર્ટનો હોવાનું કહેવામાં આવ્યું હતું.

આ આર્ટિકલ 26 નવેમ્બર 2024 ના રોજ ઇસ્તંબુલ એરપોર્ટના સત્તાવાર X એકાઉન્ટ પર શેર કરવામાં આવ્યો હતો.

4 ડિસેમ્બર, 2021 ના રોજ ઇસ્તંબુલ એરપોર્ટના ઓફિશિયલ ઇન્સ્ટાગ્રામ એકાઉન્ટ અને યુટ્યુબ ચેનલ પર શેર કરાયેલા એરપોર્ટના વિઝ્યુઅલ પણ આ વાયરલ ફોટો સાથે મેળ ખાય છે.

અન્ય ઘણા સમાચાર અહેવાલો (અહીં, અહીં, અહીં અને અહીં) માં પણ આ તસવીરને ઇસ્તંબુલ એરપોર્ટની હોવાની દર્શાવવામાં આવી છે.

ઉત્તરપ્રદેશમાં કેટલા એરપોર્ટ છે ?

આ ઉપરાંત, વાયરલ પોસ્ટમાં બીજો દાવો કરવામાં આવ્યો હતો કે ઉત્તરપ્રદેશમાં 21 એરપોર્ટ છે. જ્યારે BOOM ને જાણવા મળ્યું કે માર્ચ 2024 સુધીમાં ઉત્તરપ્રદેશમાં કુલ 14 કાર્યરત એરપોર્ટ હતા.

માર્ચ 2023 માં, રાજ્યસભામાં એરપોર્ટ અંગે એક પ્રશ્ન પૂછવામાં આવ્યો હતો, જેના જવાબમાં નાગરિક ઉડ્ડયન મંત્રાલયે માહિતી આપી હતી કે તે સમયે ઉત્તરપ્રદેશમાં કુલ 19 એરપોર્ટ છે જેમાં પ્રસ્તાવિત નોઈડા આંતરરાષ્ટ્રીય એરપોર્ટનો પણ સમાવેશ થાય છે. આ ૧૯ એરપોર્ટમાંથી ૫ એરપોર્ટ તે સમયે બંધ હતા અને એકનું નિર્માણ ચાલી રહ્યું હતું.

ટાઈમ્સ ઓફ ઈન્ડિયાના અહેવાલ મુજબ, ફેબ્રુઆરી 2024 માં ઉત્તરપ્રદેશના મુખ્યમંત્રી યોગી આદિત્યનાથે કહ્યું હતું કે રાજ્યમાં ટૂંક સમયમાં 21 એરપોર્ટ હશે. વિધાનસભા સત્રમાં સીએમ યોગીએ કહ્યું કે રાજ્યમાં જમીન, પાણી અને હવાઈ પરિવહન માળખામાં નોંધપાત્ર વધારો થયો છે. ઉત્તર પ્રદેશમાં ટૂંક સમયમાં 21 એરપોર્ટ બનશે.

21 માર્ચ, 2024 ના રોજ ટાઇમ્સ ઓફ ઇન્ડિયાના અન્ય એક અહેવાલ મુજબ, તે સમયે ઉત્તરપ્રદેશમાં કુલ 14 કાર્યરત એરપોર્ટ હતા.

ઉત્તરપ્રદેશ સરકારની રોકાણ પ્રમોશન એજન્સી, ઇન્વેસ્ટ યુપીએ 6 માર્ચ, 2025 ના રોજ તેના X હેન્ડલ પર પોસ્ટ કર્યું હતું કે યુપી ટૂંક સમયમાં 21 એરપોર્ટ ધરાવતું ભારતનું પ્રથમ રાજ્ય બનવા જઈ રહ્યું છે.

પોસ્ટમાં જણાવવામાં આવ્યું હતું કે યુપીના આઝમગઢ, અલીગઢ, મુરાદાબાદ, શ્રાવસ્તી અને ચિત્રકૂટમાં ટૂંક સમયમાં 5 નવા એરપોર્ટ શરૂ થવા જઈ રહ્યા છે. નોઈડા આંતરરાષ્ટ્રીય વિમાનમથકનું કામ પણ ઝડપી ગતિએ ચાલી રહ્યું છે, જે કનેક્ટિવિટી અને આર્થિક વિકાસને વધુ મજબૂત બનાવશે.

ભારત સરકારના ડિજિટલ મીડિયા હેન્ડલ MyGov પર 14 ફેબ્રુઆરીના રોજ એક પ્રશ્ન પૂછવામાં આવ્યો હતો કે કયું ભારતીય રાજ્ય 21 એરપોર્ટ ધરાવતું પ્રથમ રાજ્ય બનવા જઈ રહ્યું છે?

(Disclaimer: આ સમાચારનું ફેક્ટ ચેક Boomએ કર્યુ છે, એબીપી અસ્મિતાએ શક્તિ કલેક્ટિવની સાથે ભાગીદારી અંતર્ગત આ ફેક્ટ ચેકમાં કોઇપણ ફેરફાર વિના પુનઃપ્રકાશિત કર્યુ છે)