Mahakumbh 2025: મહાકુંભ શરૂ થઈ ગયો છે અને તેના માટે મોટી સંખ્યામાં ભક્તો પ્રયાગરાજમાં આવી રહ્યા છે. 144 વર્ષ પછી યોજાઈ રહેલા આ પવિત્ર મહાકુંભમાં દેશભરમાંથી શ્રદ્ધાળુઓ આવી રહ્યા છે, ઉપરાંત વિદેશમાંથી પણ લાખો શ્રદ્ધાળુઓ પહોંચી રહ્યા છે. મહાકુંભના ઘણા વીડિયો અને ફોટા પણ સોશિયલ મીડિયા પર વાયરલ થઈ રહ્યા છે. આ દરમિયાન, એક વીડિયો પણ વાયરલ થઈ રહ્યો છે જેમાં કેટલીક વિદેશી મહિલાઓ ‘મહિષાસુર મર્દિની સ્તોત્ર’નો પાઠ કરતા જોવા મળી કહ્યા છે.
વિદેશી મહિલાઓએ ‘મહિષાસુર મર્દિની સ્તોત્ર’નો કર્યો પાઠ
સમાચાર એજન્સી ANI એ તેના સોશિયલ મીડિયા પ્લેટફોર્મ X પર એક વીડિયો પોસ્ટ કર્યો છે. વીડિયોમાં જોવા મળે છે કે કેટલાક વિદેશી ભક્તોનું એક જૂથ એકસાથે ઊભું છે. મહિલાઓ 'જય જગદીશ હરે' ભજન ગાતા જોવા મળે છે. બધી સ્ત્રીઓના ચહેરા પર એક અલગ જ પ્રકારની ખુશી દેખાય છે અને તેઓ એ જ ખુશીથી ભજન ગાઈ રહી છે. તેને સ્તોત્રો પણ ખૂબ સારી રીતે યાદ છે. વીડિયો શેર કરતા ANI એ કેપ્શનમાં લખ્યું, 'મહાકુંભ 2025 માં ભાગ લેવા આવેલા વિદેશી ભક્તોનું એક જૂથ 'ઓમ જય જગદીશ હરે' ગાતા જોવા મળ્યું હતું.
મહાકુંભ દરમિયાન સામાન્ય લોકો પુણ્યની પ્રાપ્તિ અને પાપોથી મુક્તિની કામના સાથે ડૂબકી લગાવે છે. એવું માનવામાં આવે છે કે કુંભમાં સ્નાન કર્યા પછી, ઋષિઓ અને સંતોને આધ્યાત્મિક જ્ઞાન પ્રાપ્ત થાય છે. એટલા માટે નાગા સાધુઓની દીક્ષા પણ મહાકુંભ દરમિયાન થાય છે. મહાકુંભમાં સ્નાન કર્યા પછી સામાન્ય લોકો શુદ્ધ થાય છે, જ્યારે નાગા સાધુ શુદ્ધિકરણ પછી ગંગામાં સ્નાન કરે છે અને પોતાની દીક્ષા પૂર્ણ કરે છે.
Mahakumbh 2025: મહાકુંભથી અર્થવ્યવસ્થાને થશે ફાયદો, CAITનો દાવો- '2 લાખ કરોડ રૂપિયાનો થશે બિઝનેસ'