Government Alert On Medicine: ‘Meftal’ પેઇન કિલર લેવી બની શકે છે ખતરનાક, સરકારે જાહેર કર્યું એલર્ટ

Government Alert On Medicine: સરકારે કહ્યું છે કે મેફ્ટાલના વધુ પડતા સેવનથી ડ્રેસ સિન્ડ્રોમ જેવી ગંભીર એલર્જી વધી શકે છે. આ આખા શરીરને અસર કરી શકે છે જેના કારણે સમસ્યાઓ વધશે.

Government Alert On Painkiller Meftal: જો તમને માથાનો દુખાવો, શરીરમાં દુખાવો અથવા શરીરના કોઈપણ ભાગમાં દુખાવો હોય તો ડૉક્ટરની સલાહ લીધા વિના પેઈનકિલર લેવી ખતરનાક બની શકે છે. હવે ઈન્ડિયન ફાર્માકોપિયા કમિશન (આઈપીસી) એ પેઈનકિલર દવા "મેફ્ટાલ" ને લઈને ડોકટરો અને લોકોને સેફ્ટી એલર્ટ જાહેર કર્યું છે. સરકારે કહ્યું છે કે મેફ્ટાલના વધુ પડતા સેવનથી ડ્રેસ સિન્ડ્રોમ જેવી ગંભીર એલર્જી વધી શકે છે. આ આખા શરીરને અસર કરી શકે છે જેના કારણે સમસ્યાઓ વધશે.

એલર્ટ 30 નવેમ્બરના રોજ જાહેર કરવામાં આવ્યું હતું અને તેમાં કહેવામાં આવ્યું છે કે "આરોગ્ય સંભાળ વ્યાવસાયિકો અને દર્દી-ગ્રાહકોને શંકાસ્પદ દવાના ઉપયોગ સાથે સંકળાયેલ ઉપરોક્ત પ્રતિકૂળ પ્રતિક્રિયાઓ (ADRs) ની શક્યતા પર નજીકથી દેખરેખ રાખવાની સલાહ આપવામાં આવે છે."

વધુ પડતો ઉપયોગ જીવલેણ બની શકે છે

આઈપીસીએ સલાહ આપી છે કે જો મેફ્ટાલ દવાના સેવનથી કોઈ પ્રતિકૂળ અસર જોવા મળે છે, તો તેમને તરત જ તેને ખાવી બંધ કરી દેવી જોઇએ. જો કે, ડોકટરો કહે છે કે આવી પ્રતિકૂળ અસરો ખૂબ જ દુર્લભ છે.

ડૉક્ટરોના કહેવા પ્રમાણે કોઈ પણ દવાનું રિએક્શન અલગ અલગ દર્દીઓ માટે અલગ-અલગ હોય છે. કોઈપણ રીતે ડૉક્ટર દર્દીને માત્ર ખૂબ મર્યાદિત માત્રામાં Meftal લેવાનું પ્રિસ્ક્રિપ્શન આપે છે. આમ છતાં જો કોઈ વ્યક્તિ પોતાની ઈચ્છા મુજબ આ દવાનું વધુ પડતું સેવન કરે છે તો તે મુશ્કેલીમાં મુકાઈ શકે છે.

દવા પ્રિસ્ક્રિપ્શન વિના ઉપલબ્ધ છે

મેફ્ટાલ ભારતમાં મેડિકલ સ્ટોર્સ પર વ્યાપકપણે ઉપલબ્ધ છે. ખાસ વાત એ છે કે તેને ખરીદવા માટે કોઈ ડોક્ટરના પ્રિસ્ક્રિપ્શનની જરૂર નથી. આ દવા કોઈપણ મેડિકલ સ્ટોરમાંથી સરળતાથી ખરીદી શકાય છે. તેથી, શરીરમાં કોઈપણ પ્રકારની પીડાની સ્થિતિમાં લોકો મેફ્ટાલ ખરીદે છે અને તેનું સેવન કરે છે. લોકો પીરિયડના દુખાવા, માથાનો દુખાવો અને સ્નાયુ અને સાંધાના દુખાવા માટે તેનો ઉપયોગ કરે છે. જો બાળકોને વધુ તાવ આવે છે તો તેના માટે પણ ડોક્ટર મેફ્ટાલ આપે છે. તેમાં મેફેનામિક એસિડ હોય છે જેના વિવિધ ઉપયોગો છે.

આ દવાની અસર શું છે?

મેફ્ટાલનો વધુ પડતો ઉપયોગ ડ્રેસ સિન્ડ્રોમને વધારે છે. આ એક એલર્જીક પ્રતિક્રિયા છે, જે લગભગ 10 ટકા લોકોને અસર કરે છે. દવાઓથી થતી આ એલર્જી ક્યારેક ખતરનાક સાબિત થાય છે. તેમાં તાવ, ત્વચા પર ફોલ્લીઓ, લિમ્ફેડેનોપથી, રક્ત સંબંધિત સમસ્યાઓ અને કેટલીકવાર આંતરિક અવયવોને પણ અસર થાય છે. તેની અસર ખાસ કરીને બે થી આઠ અઠવાડિયામાં જોવા મળે છે. તેથી તે જીવલેણ છે.