ટોલ પ્લાઝા પર રોકડ વ્યવહાર થશે બંધ: સરકારના નવા નિયમોથી મુસાફરીમાં આવશે મોટો બદલાવ
હાઈવે પર ટોલ પ્લાઝા પર રોકડ વ્યવહાર બંધ થશે. સરકાર 1 April 2026 થી નવા નિયમો લાગુ કરવા જઈ રહી છે. જાણો FASTag અને UPI પેમેન્ટ ફરજિયાત થવાથી શું બદલાશે.
New Toll Plaza Rules 2026: ભારતના રાષ્ટ્રીય ધોરીમાર્ગો પર મુસાફરી કરતા વાહનચાલકો માટે મોટા સમાચાર સામે આવી રહ્યા છે. માર્ગ પરિવહન અને ધોરીમાર્ગ મંત્રાલય દ્વારા લેવાયેલા એક મહત્વપૂર્ણ વિચારાધીન નિર્ણય મુજબ, હવે દેશના તમામ ટોલ પ્લાઝા પર રોકડ (Cash) વ્યવહારોને સંપૂર્ણપણે નાબૂદ કરવામાં આવશે. 1 April 2026 થી NHAI દેશભરના નેશનલ હાઈવે પર શત પ્રતિશત કેશલેસ સિસ્ટમ લાગુ કરવાનું આયોજન કરી રહી છે. આ ફેરફાર પાછળનો મુખ્ય ઉદ્દેશ્ય ટોલ નાકા પર થતી ટ્રાફિક જામની સમસ્યા નિવારવા અને ડિજિટલ ઇન્ડિયાને વધુ મજબૂત બનાવવાનો છે.
શા માટે લેવાયો આ કડક નિર્ણય?
વર્તમાન સમયમાં ટોલ પ્લાઝા પર રોકડ ચુકવણીને કારણે અનેક સમસ્યાઓ ઉભી થાય છે. પ્લાઝા સ્તરના મૂલ્યાંકન મુજબ, કેશ પેમેન્ટને લીધે ટ્રાફિકની ગતિ ધીમી પડે છે અને પીક ટ્રાફિક અવર્સ દરમિયાન વાહનોની લાંબી લાઈનો લાગે છે. આ ઉપરાંત, છૂટા પૈસાની બાબતે વાહનચાલકો અને ટોલ કર્મચારીઓ વચ્ચે વારંવાર વિવાદો સર્જાય છે. આ તમામ મુશ્કેલીઓનો અંત લાવવા માટે સરકાર હવે માત્ર FASTag અને UPI દ્વારા જ પેમેન્ટ સ્વીકારવાની દિશામાં આગળ વધી રહી છે.
ડિજિટલ ચુકવણીથી મુસાફરી બનશે વધુ સરળ
હાલમાં દેશમાં 98% થી વધુ વાહનોમાં RFID enabled FASTag ટેકનોલોજીનો ઉપયોગ થઈ રહ્યો છે, જેનાથી ટોલ વસૂલાતની પદ્ધતિમાં ક્રાંતિકારી ફેરફાર આવ્યો છે. સરકારના જણાવ્યા મુજબ, નવા નિયમો લાગુ થયા બાદ:
- લેન કાર્યક્ષમતામાં નોંધપાત્ર સુધારો થશે.
- ટોલ નાકા પર રાહ જોવાનો સમય (Waiting Time) ઘટશે.
- દરેક વ્યવહારમાં પારદર્શિતા આવશે.
- દેશભરના 1,150 થી વધુ ટોલ પ્લાઝા પર ટ્રાફિક મેનેજમેન્ટ શ્રેષ્ઠ બનશે.
UPI અને FASTag: હવે તમારી પાસે હશે આ વિકલ્પો
નવા નિયમો મુજબ, જે વાહનચાલકો પાસે FASTag માં બેલેન્સ નહીં હોય અથવા ટેકનિકલ સમસ્યા હશે, તેમણે UPI (Unified Payments Interface) દ્વારા તાત્કાલિક ડિજિટલ ચુકવણી કરવાની રહેશે. આ સુવિધાને કારણે મુસાફરોને સીમલેસ અને કોન્ટેક્ટલેસ મુસાફરીનો અનુભવ મળશે. મંત્રાલય દ્વારા જારી કરાયેલ પ્રકાશન અનુસાર, આ પગલું 'મુસાફરીની સરળતા' (Ease of Travel) ને પ્રાથમિકતા આપીને લેવામાં આવ્યું છે.
જો તમે હજુ પણ તમારા વાહન પર FASTag નથી લગાવ્યું અથવા UPI નો ઉપયોગ નથી કરતા, તો 1 April 2026 પહેલા આ તૈયારી કરી લેવી અનિવાર્ય છે. અન્યથા, રાષ્ટ્રીય ધોરીમાર્ગ પર મુસાફરી કરતી વખતે તમારે મુશ્કેલીનો સામનો કરવો પડી શકે છે.
ટોપ સ્ટોરી
ટ્રેન્ડિંગ સમાચાર
