ભારતમાં ઝડપથી ફેલાઈ રહ્યો છે HMPV વાયરસ, કર્ણાટક-ગુજરાત બાદ હવે ચેન્નાઈમાં બે નવા કેસ
ભારતમાં HMPVનો પગપેસારો વધ્યો; ચેન્નાઈની બે હોસ્પિટલોમાં નવા કેસ નોંધાયા.
HMPV virus update: ચીનમાં હાહાકાર મચાવનાર હ્યુમન મેટાપ્યુમોવાયરસ (HMPV) હવે ભારતમાં પણ ઝડપથી ફેલાઈ રહ્યો છે. અત્યાર સુધી કર્ણાટકમાંથી બે અને ગુજરાતમાંથી એક કેસ નોંધાયા બાદ, હવે ચેન્નાઈમાં પણ HMPVના બે નવા કેસ સામે આવ્યા છે.
આ નવા કેસ તમિલનાડુના ચેન્નાઈ શહેરની બે અલગ-અલગ હોસ્પિટલોમાં નોંધાયા છે. જો કે, હાલમાં આ કેસો અંગે વધુ માહિતી ઉપલબ્ધ નથી.
ટ્રેન્ડિંગ
આ ઘટના બાદ, રાજ્યના આરોગ્ય વિભાગના અધિકારીઓએ HMPVના ફેલાવાને રોકવા માટે તાત્કાલિક પગલાં લીધા છે. તેઓએ HMPVને તપાસવા માટે લેવાતા પરીક્ષણો અને તેના ચેપને રોકવા માટે લેવામાં આવતી સાવચેતીઓ અંગે ચર્ચા કરવા માટે એક તાકીદની બેઠક યોજી હતી.
આમ, HMPV વાયરસ ભારતમાં પોતાનો પગપેસારો વધારી રહ્યો છે, જેના કારણે આરોગ્ય વિભાગની ચિંતામાં વધારો થયો છે અને તેને નિયંત્રિત કરવાના પ્રયત્નો શરૂ કરી દેવામાં આવ્યા છે.
મેટાન્યુમોવાઈરસ (HMPV) વિશે જાણવા જેવી બાબતો
- મેટાન્યુમોવાઈરસ (HMPV) અન્ય શ્વસન વાયરસ જેવો જ વાયરસ છે.
- વર્ષ ૨૦૦૧થી આ વાઈરસની ઓળખ થયેલ છે.
- આ વાઈરસ શિયાળાની ઋતુ દરમિયાન ખાસ કરીને નાના બાળકો અને વૃદ્ધોમાં દેખાય છે અને તેના લક્ષણોમાં સામાન્ય શરદી અને ફલુનો સમાવેશ થાય છે.
મેટાન્યુમોવાઈરસ (HMPV)ના લક્ષણો દેખાય તો શું કરવું (Do's) ?
- જ્યારે ઉધરસ અથવા છીંક આવે ત્યારે મોઢું અને નાકને રૂમાલ અથવા ટિસ્યુથી ઢાંકવું.
- નિયમિત રીતે હાથ સાબુ અને પાણીથી ધોવાં કે સેનેટાઈઝરનો ઉપયોગ કરવો.
- ભીડભાડવાળા સ્થળોથી દૂ૨ રહેવું અને ફલૂથી પીડિત વ્યક્તિઓથી ઓછામાં ઓછું એક હાથનું અંતર રાખવું.ટ
- તાવ, ઉધરસ કે છીંક આવે છે તો જાહેર સ્થળો પર જવાનું ટાળવું.
- વધુ પાણી પીવું અને પૌષ્ટિક ખોરાક ખાવો.
- પ્રબળ પ્રતિરોધક શક્તિ માટે પૂરતી ઊંઘ લેવી.
- બીમારીઓ ફેલાતી અટકાવવા માટે યોગ્ય વેન્ટિલેશન વાળા વાતાવરણમાં રહેવું.
- શ્વસનને લગતા લક્ષણો જણાય તો ઘરમાં જ રહેવું, બીજાઓ સાથે સંપર્ક મર્યાદિત કરવો અને તાત્કાલિક નજીકના સરકારી દવાખાનાનો સંપર્ક કરવો.
મેટાન્યુમોવાઈરસ (HMPV)ના ચેપની સ્થિતિમાં શું ના કરવું (Don'ts):
- આવશ્યક ના હોય તો આંખ, નાક કે મોઢાને સ્પર્શ ક૨વો નહિ.
- ચેપ ગ્રસ્ત વ્યક્તિએ વ્યક્તિગત ચીજવસ્તુઓ જેમ કે ટુવાલ, રૂમાલ અથવા અન્ય વાસણો બીજા વ્યક્તિના સંપર્કમાં કે ઉપયોગમાં ના આવે તેનું ધ્યાન રાખવું.
- જાતે દવા લેવાનું ટાળવું, લક્ષણોમાં વધારો દેખાય તો આરોગ્ય કર્મચારીનો સંપર્ક કરવો.
આ પણ વાંચો...
HMPV Virus Cases: ચીનનો HMPV વાયરસ ભારત સહિત આ દેશોમાં ફેલાયો! જુઓ સંપૂર્ણ યાદી