India weather forecast tomorrow: ભારતીય હવામાન વિભાગ (IMD) એ દેશભરના હવામાનને લઈને ફરી એકવાર ગંભીર ચેતવણી જારી કરી છે. ઉત્તરથી લઈને દક્ષિણ ભારત સુધી હાલમાં ચોમાસું સંપૂર્ણપણે સક્રિય છે. IMD ના નવા અપડેટ મુજબ, આવતીકાલે એટલે કે 18 ઓગસ્ટના રોજ દિલ્હીથી શરૂ કરીને ઉત્તર પ્રદેશ, બિહાર, મધ્યપ્રદેશ અને રાજસ્થાન સહિતના 25 રાજ્યો અને કેન્દ્રશાસિત પ્રદેશોમાં ભારે વરસાદની આશંકા છે. આ વિસ્તારોમાં વાવાઝોડા સાથે 65 કિલોમીટર પ્રતિ કલાકની ઝડપે તોફાની પવન ફૂંકાઈ શકે છે. સાથે જ કેટલાક વિસ્તારોમાં વીજળી પડવાની અને પહાડી રાજ્યોમાં ભૂસ્ખલનની પણ ચેતવણી અપાઈ છે.
આ 25 રાજ્યોમાં ભારે વરસાદનું એલર્ટ
આવતીકાલે દિલ્હી, પૂર્વ ઉત્તર પ્રદેશ, બિહાર, પૂર્વ રાજસ્થાન, પૂર્વ મધ્ય પ્રદેશ, છત્તીસગઢ, હરિયાણા, પંજાબ, હિમાચલ પ્રદેશ, ઝારખંડ, જમ્મુ-કાશ્મીર, લદ્દાખ, અરુણાચલ પ્રદેશ, પશ્ચિમ બંગાળ, ઓડિશા, તમિલનાડુ, આંધ્ર પ્રદેશ, તેલંગાણા, આસામ, મેઘાલય, નાગાલેન્ડ, મણિપુર, ત્રિપુરા, સિક્કિમ અને આંદામાન-નિકોબાર ટાપુઓમાં ભારે વરસાદ પડવાની આગાહી છે.
રાજ્યો મુજબ હવામાનની વિગતવાર માહિતી:
દિલ્હી (હળવા વરસાદની ચેતવણી)
દિલ્હીમાં 18 ઓગસ્ટે સવારના સમયે હળવો વરસાદ પડી શકે છે. થોડા સમયના વરસાદ બાદ વાદળો છવાયેલા રહેશે. બપોરે ફરી વરસાદની ઝાપટાં પડી શકે છે, પરંતુ સાંજ સુધીમાં આકાશ સાફ થઈ જવાની શક્યતા છે.
ઉત્તર પ્રદેશ (ગાજવીજ સાથે ભારે વરસાદ)
યુપીના ગૌતમ બુદ્ધ નગર, અયોધ્યા, આગ્રા, અલીગઢ, ગોરખપુર, કાનપુર, ઝાંસી સહિતના ડઝનબંધ જિલ્લાઓમાં ભારે વરસાદની ચેતવણી છે. રાજધાની લખનૌમાં વાવાઝોડા સાથે વરસાદની આગાહી છે. અહીં પવનની ઝડપ 20 kmph સુધી રહી શકે છે.
બિહાર (વાવાઝોડા સાથે વરસાદ)
બિહારના પટના, ભાગલપુર, મુઝફ્ફરપુર, ગયા અને દરભંગા સહિતના વિસ્તારોમાં વાવાઝોડાની ચેતવણી આપવામાં આવી છે. કેટલાક વિસ્તારોમાં 50 kmph ની ઝડપે પવન ફૂંકાઈ શકે છે.
રાજસ્થાન (હળવોથી ભારે વરસાદ)
રાજસ્થાનના ફલોદી, ચુરુ, અજમેર, ભીલવાડા જેવા વિસ્તારોમાં હળવાથી ભારે વરસાદ પડશે. પવનની ઝડપ 45 થી 50 kmph રહી શકે છે. જોકે, રાજધાની જયપુરમાં વરસાદની શક્યતા નહિવત્ છે.
મધ્યપ્રદેશ (14 જિલ્લાઓમાં પૂરનું એલર્ટ)
પૂર્વ મધ્યપ્રદેશ માટે ભારે વરસાદની ચેતવણી છે. જબલપુર, સાગર, કટની સહિતના 14 જિલ્લાઓના અમુક વિસ્તારોમાં પૂર જેવી સ્થિતિ સર્જાઈ શકે છે. ભોપાલમાં પણ વરસાદનું એલર્ટ છે.
આ પણ વાંચોઃ આવતીકાલે ગુજરાત સહિત 19 રાજ્યોમાં અતિભારે વરસાદ ખાબકશે, IMD એ રેડ-ઓરેન્જ એલર્ટ આપ્યું
ઉત્તરાખંડ અને હિમાચલ પ્રદેશ (તોફાન અને ભૂસ્ખલનની ચેતવણી)
ઉત્તરાખંડના નૈનિતાલ, હરિદ્વાર, ઋષિકેશ સહિતના વિસ્તારોમાં ગાજવીજ સાથે ભારે વરસાદ અને તોફાનની ચેતવણી છે. જ્યારે હિમાચલ પ્રદેશના શિમલા, મંડી, કાંગડા સહિતના વિસ્તારોમાં પવન સાથે વરસાદ પડવાની સંભાવના છે. પહાડી વિસ્તારો હોવાથી અહી ભૂસ્ખલનનો ખતરો છે.
છત્તીસગઢ અને ઝારખંડ
છત્તીસગઢના બિલાસપુર અને કોરબા સહિતના વિસ્તારોમાં મુશળધાર વરસાદને પગલે પૂર જેવી સ્થિતિનું એલર્ટ છે. જ્યારે ઝારખંડના રાંચી, ધનબાદ સહિતના વિસ્તારોમાં 55 kmph ની ઝડપે ધૂળની ડમરીઓ અને તોફાન આવવાની ચેતવણી છે.
પશ્ચિમ બંગાળ (માછીમારો માટે ચેતવણી)
બંગાળની ખાડીમાં લો-પ્રેશર સર્જાવાને કારણે હાવડા, પૂર્વ મિદનાપુર સહિતના વિસ્તારોમાં ભારે વરસાદ અને વાવાઝોડાની આગાહી છે. દરિયાકાંઠાના વિસ્તારોમાં 55 થી 65 kmph ની ઝડપે પવન ફૂંકાશે. માછીમારોને દરિયામાં ન જવાની અને ખેડૂતોને પાક સાચવવાની ખાસ સલાહ આપવામાં આવી છે.
આ પણ વાંચોઃ Gujarat Weather Update: આગામી 7 દિવસ વરસાદની આગાહી, આ 6 જિલ્લામાં ભારે એલર્ટ