India Pakistan nuclear war: ભારત અને પાકિસ્તાન વચ્ચે હાલમાં યુદ્ધ જેવી સ્થિતિ પ્રવર્તી રહી છે અને સરહદ પર તણાવ ચરમસીમાએ છે. પહેલગામ આતંકવાદી હુમલા બાદ ભારતે લીધેલા પગલાં અને પાકિસ્તાન દ્વારા કરવામાં આવેલા વળતા હુમલાના પ્રયાસોએ પરિસ્થિતિને વધુ ગંભીર બનાવી છે. ૭ મેના રોજ પહેલગામ હુમલાનો બદલો લેવા માટે ભારતે 'ઓપરેશન સિંદૂર' હાથ ધર્યું હતું, જેના પછી ૮ મેના રોજ પાકિસ્તાને ભારતીય પ્રદેશ પર મિસાઈલો અને ડ્રોનથી હુમલો કર્યો હતો, જેને ભારતીય હવાઈ સંરક્ષણ પ્રણાલી દ્વારા તોડી પાડવામાં આવ્યા હતા.
આ ગંભીર માહોલ વચ્ચે, એક પ્રશ્ન ઉભો થયો છે કે જો ભારત અને પાકિસ્તાન વચ્ચે પરમાણુ યુદ્ધ થાય તો કયો દેશ જીતશે? આ સવાલનો જવાબ આર્ટિફિશિયલ ઇન્ટેલિજન્સ (AI) પાસેથી મેળવવાનો પ્રયાસ કરાયો છે, અને AI એ જે આગાહી કરી છે તે ચોંકાવનારી છે.
ભારત અને પાકિસ્તાન બંને પરમાણુ શસ્ત્રોથી સંપન્ન દેશો છે અને બંને પાસે આધુનિક શસ્ત્રો છે. આવી સ્થિતિમાં, જ્યારે લોકોને AI ને પૂછ્યું કે પરમાણુ હુમલામાં બેમાંથી કયો દેશ જીતશે, ત્યારે AI નો જવાબ સાંભળીને બધા ચોંકી ગયા.
AI ની ચોંકાવનારી આગાહી
AI એ તેની આગાહીમાં સ્પષ્ટપણે કહ્યું હતું કે આ યુદ્ધમાં કોઈ જીતશે નહીં. તેના બદલે, પરમાણુ યુદ્ધ સામાન્ય લોકોને ઘણું નુકસાન પહોંચાડશે. AI એ જણાવ્યું કે જો પરમાણુ હથિયારોનો ઉપયોગ થશે તો માત્ર બે દેશો જ નહીં, પરંતુ વિશ્વના ઘણા દેશો પ્રભાવિત થશે. આનાથી લાખો લોકોનો જીવ બરબાદ થશે, આબોહવા પર મોટી અસર પડશે, અને સૌથી ગંભીર બાબત એ છે કે આનાથી બંને દેશોનું અસ્તિત્વ જોખમમાં મુકાશે. AI ની આ આગાહી પરમાણુ યુદ્ધના ભયાવહ પરિણામોની યાદ અપાવે છે.
શું ભારત અને પાકિસ્તાન વચ્ચે પરમાણુ હુમલો થઈ શકે છે?
નિષ્ણાતો માને છે કે કોઈપણ દેશ માટે પરમાણુ હુમલો એ છેલ્લો વિકલ્પ છે, જેનો ઉપયોગ ત્યારે જ થાય છે જ્યારે તેના અસ્તિત્વને ગંભીર જોખમ હોય. રશિયા અને યુક્રેન વચ્ચે છેલ્લા ૩ વર્ષથી યુદ્ધ ચાલી રહ્યું છે છતાં પરમાણુ બોમ્બનો ઉપયોગ થયો નથી. ઇઝરાયલે પણ ક્યારેય હમાસ સામે તેનો ઉપયોગ કર્યો નથી. નિષ્ણાતોનું માનવું છે કે ભારત અને પાકિસ્તાન વચ્ચે પરમાણુ હુમલો પણ છેલ્લો ઉપાય હશે, જે હાલમાં તાત્કાલિક શક્ય લાગતો નથી.
જોકે, પાકિસ્તાન તરફથી, તેના મંત્રીઓ સમયાંતરે ભારતને પરમાણુ હુમલાની ધમકી આપતા રહે છે અને કહે છે કે તેમની પાસે પરમાણુ બોમ્બ બનાવવાની ક્ષમતા છે. પરંતુ કોઈપણ દેશ માટે તેનો ઉપયોગ કરવો સરળ નથી અને તેના પરિણામો વિનાશક હોઈ શકે છે, જે AI ની આગાહીમાં પણ સ્પષ્ટ થાય છે.