Railway Rules: ટિકિટ હશે તો પણ દંડ થશે! નેપાળ-બાંગ્લાદેશ બોર્ડરની ટ્રેનોમાં હવે ઓરિજિનલ ID વિના 'નો-એન્ટ્રી'
મુસાફરો સાવધાન: રેલ્વે બોર્ડનો નવો પરિપત્ર જાહેર; સરહદી વિસ્તારોમાં રિઝર્વડ કોચમાં ઓરિજિનલ ઓળખપત્ર બતાવવું ફરજિયાત, અન્યથા 'વગર ટિકિટ' ગણીને ફટકારાશે દંડ.
Indian Railways New Rules 2026: જો તમે આગામી દિવસોમાં ટ્રેન દ્વારા મુસાફરી કરવાનું વિચારી રહ્યા હોવ, ખાસ કરીને દેશના સરહદી વિસ્તારોમાં, તો આ સમાચાર તમારા માટે ચેતવણી સમાન છે. 'ભારતીય રેલ્વે' (Indian Railways) એ રાષ્ટ્રીય સુરક્ષાને ધ્યાનમાં રાખીને અને ગેરકાયદેસર મુસાફરી અટકાવવા માટે એક મોટો નિર્ણય લીધો છે. હવે બાંગ્લાદેશ અને નેપાળને અડીને આવેલા બોર્ડર વિસ્તારોમાં દોડતી ટ્રેનોમાં 'રિઝર્વડ ટિકિટ' (Reserved Ticket) પર મુસાફરી કરવી પહેલા જેટલી સરળ રહેશે નહીં.
રેલ્વે મંત્રાલયે આ રૂટ પર 'આઈડી વેરિફિકેશન' (ID Verification) ફરજિયાત અને કડક બનાવી દીધું છે. રેલ્વે બોર્ડે 4 February, 2026 ના રોજ તમામ ઝોનલ રેલ્વેને એક કડક પરિપત્ર પાઠવ્યો છે. આ નવા નિયમ મુજબ, રિઝર્વડ ક્લાસ (સ્લીપર કે એસી) માં મુસાફરી કરતા ગ્રુપમાંથી ઓછામાં ઓછા એક મુસાફરે પોતાનું 'ઓરિજિનલ આઈડી' (Original ID) બતાવવું ફરજિયાત રહેશે.
જો મુસાફર ચેકિંગ દરમિયાન આઈડી બતાવવામાં નિષ્ફળ જશે, તો તેમની પાસે કન્ફર્મ ટિકિટ હોવા છતાં આખા ગ્રુપને 'વગર ટિકિટ' (Ticketless) મુસાફરી કરતા ગણવામાં આવશે. આવા કિસ્સામાં રેલ્વે એક્ટ મુજબ તેમની સામે દંડનીય કાર્યવાહી કરવામાં આવશે અને જરૂર પડ્યે મુસાફરી અટકાવી પણ શકાય છે.
તારીખ 6 February, 2026 ના રોજ જાહેર કરાયેલા અન્ય એક સર્ક્યુલરમાં સ્પષ્ટતા કરવામાં આવી છે કે આ નિયમોનું પાલન 'આંતરરાષ્ટ્રીય સરહદી વિસ્તારો' (International Border Areas) માં સૌથી વધુ કડક રીતે કરાવવું. આમાં મુખ્યત્વે ભારત-નેપાળ અને ભારત-બાંગ્લાદેશ બોર્ડરને જોડતા રેલ્વે સ્ટેશનો અને રૂટનો સમાવેશ થાય છે. આ પગલાંનો મુખ્ય ઉદ્દેશ્ય ઘૂસણખોરી, નકલી ટિકિટો અને સુરક્ષાના જોખમોને ડામવાનો છે.
માત્ર સામાન્ય મુસાફરો જ નહીં, પરંતુ વરિષ્ઠ નાગરિકો, વિદ્યાર્થીઓ કે અન્ય 'સ્પેશિયલ ક્વોટા' (Special Quota) હેઠળ ટિકિટ બુક કરાવનારાઓએ પણ ચેકિંગ દરમિયાન સાવચેત રહેવું પડશે. તેમણે પોતાની પાત્રતા સાબિત કરતા અસલ દસ્તાવેજો રજૂ કરવા પડશે, માત્ર ઝેરોક્સ કે ફોટો કોપી ચાલશે નહીં.
યાત્રા દરમિયાન કોઈપણ મુશ્કેલીથી બચવા માટે મુસાફરોએ નીચેનામાંથી કોઈ એક ઓરિજિનલ આઈડી સાથે રાખવું જરૂરી છે. જેમાં આધાર કાર્ડ (Aadhaar Card), વોટર આઈડી (Voter ID), પાસપોર્ટ (Passport), પાન કાર્ડ (PAN Card), ડ્રાઇવિંગ લાયસન્સ, કેન્દ્ર કે રાજ્ય સરકારનું આઈડી, રાષ્ટ્રીયકૃત બેંકની ફોટો પાસબુક અથવા વિદ્યાર્થીઓ માટે સ્કૂલ/કોલેજનું માન્ય આઈડી કાર્ડ માન્ય ગણાશે.
ટોપ સ્ટોરી
ટ્રેન્ડિંગ સમાચાર
