ઈઝરાયલ-ઈરાન યુદ્ધ: 'અમેરિકા હવે ભારત પાસે ભીખ માંગી રહ્યું છે', જાણો ઈરાનના વિદેશ મંત્રીએ આવું કેમ કહ્યું

રશિયન ક્રૂડ ઓઈલ અંગે અમેરિકાના વલણમાં અચાનક આવેલા ફેરફાર પર ઈરાનના વિદેશ મંત્રી સૈયદ અબ્બાસ અરાઘચીએ આકરો કટાક્ષ કર્યો છે. જાણો અમેરિકાએ કેમ ભારત સહિત અન્ય દેશોને છૂટ આપવી પડી.

Abbas Araghchi US India comments

Source : x/@NSTRIKE1231

Show Quick Read

Key points generated by AI, verified by newsroom

• ઈરાનના વિદેશ મંત્રીએ અમેરિકા પર રશિયન તેલ ખરીદવા ભીખ માંગવાનો આરોપ મૂક્યો.
• ઈરાનનું કહેવું છે કે અમેરિકા પહેલા ભારતને ધમકાવતું હતું, હવે પોતે મદદ માંગી રહ્યું છે.
• વૈશ્વિક તેલ અછતને પહોંચી વળવા અમેરિકાએ રશિયન તેલ ખરીદી પર છૂટછાટ આપી.
• ઈરાન દ્વારા હોર્મુઝની સામુદ્રધુની બંધ થતાં રશિયાને તેલ વેચાણમાં ફાયદો.

મધ્ય પૂર્વમાં ચાલી રહેલા યુદ્ધ વચ્ચે વૈશ્વિક તેલ બજારમાં મોટી ઉથલપાથલ જોવા મળી રહી છે. એક સમયે ભારતને રશિયા પાસેથી સસ્તું તેલ ખરીદવા પર રોક લગાવવાની ધમકીઓ આપનારું અમેરિકા હવે પોતાના જ શબ્દો ગળી રહ્યું છે. ઈરાનના વિદેશ મંત્રી સૈયદ અબ્બાસ અરાઘચીએ અમેરિકા પર સીધો પ્રહાર કરતા કહ્યું છે કે, જે વોશિંગ્ટન મહિનાઓ સુધી ભારતને ધમકાવતું હતું, તે જ આજે રશિયન તેલ ખરીદવા માટે ભારત સહિત આખી દુનિયા પાસે 'ભીખ' માંગી રહ્યું છે. વૈશ્વિક બજારમાં તેલની અછતને પહોંચી વળવા અમેરિકાએ પોતાના નિયમોમાં આપેલી 30 દિવસની છૂટ બાદ ઈરાને આ કટાક્ષ કર્યો છે.

ઈરાની વિદેશ મંત્રીનો અમેરિકા પર કટાક્ષ

ઈરાનના વિદેશ મંત્રી સૈયદ અબ્બાસ અરાઘચીએ સોશિયલ મીડિયા પ્લેટફોર્મ 'X' પર 'ફાઇનાન્સિયલ ટાઈમ્સ'નો એક અહેવાલ શેર કરીને ટ્રમ્પ વહીવટીતંત્ર પર નિશાન સાધ્યું છે. અરાઘચીએ સ્પષ્ટ શબ્દોમાં કહ્યું કે, "અમેરિકાએ ભારતને રશિયા પાસેથી તેલની આયાત બંધ કરવાની ધમકીઓ આપવામાં મહિનાઓ પસાર કરી દીધા. પરંતુ હવે, ઈરાન સાથેના માત્ર 2 અઠવાડિયાના યુદ્ધ પછી, વ્હાઇટ હાઉસ ભારત સહિતના દેશોને રશિયન ક્રૂડ ઓઈલ ખરીદવા માટે કરગરી રહ્યું છે અથવા તો ભીખ માંગી રહ્યું છે."

તેમણે યુરોપિયન દેશો પર પણ નિશાન સાધતા કહ્યું કે, યુરોપ એવી ગેરસમજમાં છે કે ઈરાન સામેના આ ગેરકાયદેસર યુદ્ધને ટેકો આપવાથી તેમને ભવિષ્યમાં રશિયા સામે અમેરિકાનું સમર્થન મળશે.

અમેરિકાના વલણમાં આ બદલાવ કેમ આવ્યો?

ઈરાની વિદેશ મંત્રીની આ ટિપ્પણી એવા સમયે આવી છે જ્યારે અમેરિકાએ રશિયન તેલ ખરીદવા પરનો પ્રતિબંધ હંગામી ધોરણે હટાવવાની જાહેરાત કરી છે. યુએસ ટ્રેઝરી સેક્રેટરી સ્કોટ બેસન્ટે તાજેતરમાં જણાવ્યું હતું કે ટ્રેઝરી ડિપાર્ટમેન્ટે રશિયન તેલની ખરીદી માટે 30 દિવસની વિશેષ છૂટ આપી છે. જોકે, આ છૂટ માત્ર એ જ રશિયન તેલને લાગુ પડશે જે હાલમાં દરિયામાં જહાજોમાં ભરેલું છે. અમેરિકાએ ભારતને પણ આ જ પ્રકારની છૂટ આપી છે.

The U.S. spent months on bullying India into ending oil imports from Russia. After two weeks of war with Iran, White House is now begging the world—incl India—to buy Russian crude.

Europe thought backing illegal war on Iran would win U.S. support against Russia.

Pathetic. pic.twitter.com/fbkrXpXa9P

— Seyed Abbas Araghchi (@araghchi) March 13, 2026

અમેરિકાનો બચાવ અને રશિયાની કમાણી

અમેરિકાના ટ્રેઝરી સેક્રેટરીએ પોતાના નિર્ણયનો બચાવ કરતા કહ્યું કે, આ પગલાંનો મુખ્ય ઉદ્દેશ્ય વૈશ્વિક ઉર્જા બજારમાં સ્થિરતા લાવવાનો અને હાલના તેલના પુરવઠાને જાળવી રાખવાનો છે. તેમણે દાવો કર્યો કે આનાથી રશિયાને કોઈ ખાસ ફાયદો નહીં થાય કારણ કે જે તેલને મંજૂરી મળી છે તે પહેલેથી જ દરિયામાં ટ્રાન્ઝિટમાં હતું.

પરંતુ, ફાઇનાન્સિયલ ટાઇમ્સના રિપોર્ટ મુજબ ચિત્ર કંઈક અલગ જ છે. રિપોર્ટ જણાવે છે કે ઈરાને વેપાર માટે મહત્વની ગણાતી 'હોર્મુઝની સામુદ્રધુની' (Strait of Hormuz) બંધ કરી દીધી છે, જેના કારણે દુનિયાભરમાં તેલની કટોકટી સર્જાઈ છે. આ કટોકટીનો સીધો ફાયદો રશિયાને થઈ રહ્યો છે. ઈરાન યુદ્ધ અને તેલ સંકટના કારણે રશિયા દરરોજ વધારાના $150 મિલિયન (આશરે ₹1389 કરોડ) ની કમાણી કરી રહ્યું છે. આ વર્તમાન યુદ્ધ રશિયાના તેલ ઉદ્યોગ માટે એક 'જીવનરેખા' સમાન બની ગયું છે.

આ પણ વાંચો

ત્રીજું વિશ્વયુદ્ધ ફાટી નીકળે તો કયા દેશો નકશામાંથી ભૂંસાઈ જશે? જુઓ વિનાશની સૌથી ભયાનક યાદી