કોલકાતામાં 'જય શ્રી રામ' બોલો અને ડોક્ટરની ફીમાં 500 રૂપિયાનું ડિસ્કાઉન્ટ મેળવો! કાર્ડિયોલોજિસ્ટની ઓફરથી મચ્યો ખળભળાટ

પશ્ચિમ બંગાળના ચૂંટણી માહોલ વચ્ચે ખાનગી હોસ્પિટલના ડૉક્ટરે પોતાની ક્લિનિકમાં શરૂ કરી અનોખી ઓફર; મેડિકલ પ્રોફેશન સાથે ધાર્મિક નારાને જોડવા અંગે લોકોમાં છેડાઈ નવી ચર્ચા.

kolkata doctor jai shri ram discount political row bengal

Source : X/Ians

Show Quick Read

Key points generated by AI, verified by newsroom

• કોલકાતાના કાર્ડિયોલોજિસ્ટે 'જય શ્રી રામ' બોલવા પર ફીમાં ડિસ્કાઉન્ટ આપ્યું.
• દર્દીઓની ફી 2000 થી ઘટાડી 1500, હવે 1000 રૂપિયા લેવાશે.
• ડૉક્ટરનો દાવો: રાજકીય નહીં, અંગત પહેલ, દર્દીઓને મદદ કરવાનો હેતુ.
• ચૂંટણી સમયે આ જાહેરાતથી રાજકીય અને નૈતિક ચર્ચા શરૂ.

Jai Shri Ram Discount: પશ્ચિમ બંગાળમાં અત્યારે ચૂંટણીનો માહોલ ગરમાયો છે, ત્યારે કોલકાતાના એક જાણીતા કાર્ડિયોલોજિસ્ટ (હૃદયરોગના નિષ્ણાત) પોતાની એક અનોખી ઓફરને લઈને વિવાદોમાં આવી ગયા છે. આ ડૉક્ટરે એવી જાહેરાત કરી છે કે જો દર્દી તેમની ખાનગી ક્લિનિકમાં આવીને "જય શ્રી રામ" બોલશે, તો તેમને કન્સલ્ટેશન ફીમાં સીધું 500 રૂપિયાનું ડિસ્કાઉન્ટ આપવામાં આવશે. આ જાહેરાતનું પોસ્ટર સોશિયલ મીડિયા પર વાયરલ થતાં જ ભારે રાજકીય અને નૈતિક ચર્ચાઓ શરૂ થઈ ગઈ છે. મુખ્ય સવાલ એ ઊભો થયો છે કે શું તબીબી સેવાઓ જેવી પવિત્ર ફરજને કોઈ ધાર્મિક કે રાજકીય નારા સાથે જોડવી યોગ્ય છે કે નહીં?

શું છે આખી ઓફર અને વિવાદ?

આ વિવાદની શરૂઆત કોલકાતાની એક મોટી ખાનગી હોસ્પિટલ સાથે જોડાયેલા ડૉ. પી.કે. હાજરાની જાહેરાતથી થઈ છે. તેમણે બાલીગંજ ફાંડી વિસ્તારમાં આવેલી પોતાની પ્રાઇવેટ ચેમ્બરમાં આ નવી સ્કીમ શરૂ કરી છે. તેમના ક્લિનિકમાં લગાવવામાં આવેલા પોસ્ટર મુજબ, જો કોઈ દર્દી ચેકઅપ કરાવવા આવે અને "જય શ્રી રામ" બોલે, તો તેને ફીમાં છૂટ મળશે. અગાઉ ડૉક્ટરની કન્સલ્ટેશન ફી 2000 રૂપિયા હતી, જે ઘટાડીને તેમણે 1500 રૂપિયા કરી હતી, અને હવે આ નારો બોલનાર દર્દી પાસેથી તેઓ માત્ર 1000 રૂપિયા જ વસૂલશે.

Kolkata, West Bengal: A doctor has posted on social media stating that any individual visiting him for a consultation and saying 'Jai Shri Ram' will receive an instant discount of ₹500

Doctor P.K. Hazra says, "... I have been observing free patient care for a long time, and I… pic.twitter.com/n7oJahLFWD

— IANS (@ians_india) April 14, 2026

ડૉક્ટરે પોતાના બચાવમાં શું કહ્યું?

પોતાના આ નિર્ણય પર સ્પષ્ટતા કરતા ડૉ. હાજરાએ કહ્યું કે, આ તેમની અંગત પહેલ છે અને તેની પાછળ કોઈ સીધો રાજકીય હેતુ નથી. જોકે, તેમણે એમ પણ સ્વીકાર્યું કે માનસિક રીતે તેમનો ઝુકાવ ભાજપ તરફ રહ્યો છે. તેમણે કહ્યું કે, "હું લાંબા સમયથી દર્દીઓની મફત સારવાર પણ કરું છું. આમાં કોઈ અનૈતિકતા કે રાજકારણ નથી, આ સંપૂર્ણપણે એક સેવાનો જ ભાગ છે. મેં લોકોને ચૂંટણી પહેલા મદદ કરવાના આશયથી જ મારી ફી 2000 રૂપિયાથી ઘટાડીને 1500 રૂપિયા કરી હતી, અને હવે આ ઓફર હેઠળ હું માત્ર 1000 રૂપિયા લઈશ."

આ ઉપરાંત તેમણે બંગાળની આરોગ્ય વ્યવસ્થાની કથળતી હાલત વિશે પણ ચિંતા વ્યક્ત કરી. તેમણે કહ્યું કે, "એક ડૉક્ટર તરીકે મને ઘણીવાર દર્દીઓ પૂછે છે કે સારી સારવાર માટે અમારે બીજા રાજ્યોમાં કેમ જવું પડે છે? જ્યારે હું બંગાળના લોકોને સારવાર માટે આસામ, ઓડિશા કે સાઉથ ઈન્ડિયા જતા જોઉં છું ત્યારે મને બહુ ખરાબ લાગે છે. આપણે ત્યાં બહારથી કોઈ દર્દીઓ નથી આવતા. આ ટ્રેન્ડ બદલવાની સખત જરૂર છે, અને એટલે જ હું આ નવો વિચાર લઈને આવ્યો છું."

ચૂંટણી ટાણે રાજકીય ગરમાવો વધ્યો

બંગાળમાં અત્યારે ચૂંટણીનો માહોલ છે, એટલે સ્વાભાવિક રીતે આ જાહેરાતે મોટો વિવાદ ઊભો કર્યો છે. કેટલાક ટીકાકારો મેડિકલ પ્રોફેશનને આવા ધાર્મિક નારા સાથે જોડવા સામે નૈતિકતાના સવાલો ઉઠાવી રહ્યા છે. તો બીજી તરફ, કેટલાક સમર્થકોનું કહેવું છે કે આ તેમની ખાનગી ક્લિનિક છે, એટલે તેઓ પોતાની મરજી મુજબ ફી લઈ શકે છે અથવા છૂટ આપી શકે છે. હાલ સોશિયલ મીડિયા પર આ મુદ્દે લોકો બે ભાગમાં વહેંચાઈ ગયા છે અને આ મામલો સ્થાનિક સ્તરેથી હવે મોટા રાજકીય સંઘર્ષમાં ફેરવાઈ રહ્યો છે.

આ પણ વાંચો

RJD થી શરૂઆત, JDU માં મંત્રી અને હવે સીધા મુખ્યમંત્રી! જાણો બિહારના નવા CM સમ્રાટ ચૌધરીની રોમાંચક રાજકીય સફર