Mahua Assembly Election Result 2025: બિહારની મહુઆ બેઠક પર તેજ પ્રતાપ યાદવ અને મુકેશ રોશન વચ્ચે કાંટાની ટક્કર જોવા મળી રહી છે. તેજ પ્રતાપ બીજી ટર્મ જીતશે કે નહીં તે જોવાનું બાકી છે. આજે સવારે 8 વાગ્યે બિહારની 243 વિધાનસભા બેઠકો માટે મતગણતરી શરૂ થતાં જ રાજકીય ગતિવિધિઓ તેજ થઈ ગઈ. 38 જિલ્લાઓના 46 મતગણતરી કેન્દ્રો પર મતગણતરી આગળ વધતાં, શરૂઆતના વલણો બહાર આવવા લાગ્યા. આ શરૂઆતના આંકડા સ્પષ્ટપણે દર્શાવે છે કે સ્પર્ધા અત્યંત નજીકની રહેશે, દરેક બેઠક પર ઉત્તેજના પ્રવર્તી રહી છે.
મહુઆ બેઠક પર તેજ પ્રતાપ યાદવ સામે જોરદાર ટક્કર જામી છે, જેમાં જેજેડી નેતા આરજેડીથી પાછળ છે. બિહારની મહુઆ બેઠક પર તેજ પ્રતાપ યાદવ અને મુકેશ રોશન વચ્ચે કાંટાની ટક્કર જોવા મળી રહી છે. તેજ પ્રતાપ બીજી ટર્મ જીતશે કે નહીં તે જોવાનું બાકી છે.
તેજ પ્રતાપ યાદવે નિરીક્ષણ કર્યુંજનશક્તિ જનતા દળના વડા અને મહુઆ બેઠકના ઉમેદવાર તેજ પ્રતાપ યાદવે રાજનારાયણ કોલેજમાં બનેલા સ્ટ્રોંગ રૂમનું નિરીક્ષણ કર્યું.
તેજ પ્રતાપ યાદવને કેંદ્ર સરકારે Y પ્લસ સુરક્ષા આપી
સૂત્રો પાસેથી મળેલી જાણકારી છે કે આ સુરક્ષા VIP પ્રોટોકોલ હેઠળ પૂરી પાડવામાં આવી છે. સૂત્રોના જણાવ્યા મુજબ કે સુરક્ષા એજન્સીઓએ તેજ પ્રતાપ યાદવની સુરક્ષા અંગે એક ચોક્કસ અહેવાલ રજૂ કર્યો હતો, જેના પગલે કેન્દ્ર સરકારે તેમની સુરક્ષા વધારવાનો નિર્ણય લીધો હતો. તેજ પ્રતાપ યાદવની Y+ સુરક્ષા બાદ તેમની સુરક્ષા માટે સેન્ટ્રલ રિઝર્વ પોલીસ ફોર્સના જવાનો તૈનાત કરવામાં આવશે. તપાસ એજન્સી દ્વારા ગૃહ મંત્રાલયને તેજ પ્રતાપ યાદવની સુરક્ષા અંગે જાણ કરવામાં આવી હતી. તેજ પ્રતાપે પોતે ચૂંટણી દરમિયાન તેમની સુરક્ષા અંગે ચિંતા વ્યક્ત કરી હતી અને મંત્રાલય પાસેથી સુરક્ષાની વિનંતી કરી હતી. તેજ પ્રતાપની વિનંતીને ધ્યાનમાં રાખીને ગૃહ મંત્રાલયે તેમને Y પ્લસ શ્રેણીની સુરક્ષા આપી હતી. હવે, તેજ પ્રતાપ યાદવને ચારે બાજુથી CRPF કર્મચારીઓ દ્વારા સુરક્ષા પૂરી પાડવામાં આવશે. આ સમાચારે રાજકીય વર્તુળોમાં ચર્ચા જગાવી છે.
તેજ પ્રતાપ યાદવ 2025 ની બિહાર ચૂંટણીમાં સક્રિય રીતે ભાગ લઈ રહ્યા છે. તેમણે પોતાની પાર્ટી વતી 40 થી વધુ ઉમેદવારો ઉભા રાખ્યા છે. તેઓ પોતે મહુઆ મતવિસ્તારમાંથી ચૂંટણી લડી રહ્યા છે. આ દરમિયાન, તેઓ જોરશોરથી પ્રચાર કરતા જોવા મળ્યા છે.
રાજ્યની 243 વિધાનસભા બેઠકો માટે ચૂંટણી બે તબક્કામાં યોજાઈ રહી છે. પ્રથમ તબક્કામાં 121 બેઠકો માટે મતદાન 6 નવેમ્બરના રોજ પૂર્ણ થયું હતું, હવે બીજા તબક્કામાં માટે 122 બેઠકો માટે 11 નવેમ્બરના રોજ મતદાન થશે. બિહાર ચૂંટણીમાં પરિણામ 14 નવેમ્બરના દિવસે આવશે.