સરકારી પ્રવક્તાએ જણાવ્યું કે મુખ્યમંત્રીએ સમીક્ષા ઉપરાંત પરિવહન વિભાગની તમામ એજન્સીઓ અને ટ્રાફિક પોલીસ અધિકારીઓને આદેશ આપ્યો છે કે તેઓ નાગરિકોને નિયમો અંગે સમજાવે, સાથે જ મોટર અધિનિયમમાં સુધારેલી જોગવાઈઓનું પાલન કરવાની સલાહ આપે. તેમણે કહ્યું આ પ્રક્રિયા આગામી ત્રણ મહિના સુધી ચલાવવામાં આવશે.
ઉલ્લેખનીય છે કે મહારાષ્ટ્ર સરકારે પણ નવા નિયમો હાલમાં લાગુ કરવાનો ઇનકાર કરી દીધો છે. આ સિવાય રાજસ્થાન, મધ્યપ્રદેશ અને પશ્ચિમ બંગાળમાં નવા નિયમો લાગુ કરવામાં આવ્યા નથી. જ્યારે કેટલાક રાજ્યમાં દંડની જોગવાઈમાં સુધારો કરવામાં આવ્યો છે.