Priyanka Gandhi Attack BJP: લોકસભામાં બંધારણ પર ચર્ચા દરમિયાન બોલતા કોંગ્રેસ સાંસદ પ્રિયંકા ગાંધીએ શુક્રવારે (13 ડિસેમ્બર 2024) ભારતીય જનતા પાર્ટી (BJP) અને નરેન્દ્ર મોદી સરકાર પર ઉગ્ર પ્રહારો કર્યા હતા. રાજનાથ સિંહના આરોપોના જવાબમાં પ્રિયંકા ગાંધીએ કહ્યું હતું કે, "સમગ્ર જવાબદારી જવાહરલાલ નેહરુ પર નાખવામાં આવે છે, તમે વર્તમાનની વાત કેમ નથી કરતા."
પ્રિયંકા ગાંધીએ વધુમાં કહ્યું કે, "કૃષિ કાયદા શક્તિશાળી લોકો માટે બનાવવામાં આવ્યા છે. તમામ એરપોર્ટ, રોડ, રેલ્વેનું કામ એક વ્યક્તિને આપવામાં આવી રહ્યું છે. સરકાર અદાણીનો પક્ષ લઈ રહી છે. લોકો માનતા હતા કે બંધારણ તેમની સુરક્ષા કરશે. પરંતુ હવે તેમનો વિશ્વાસ ઉઠી ગયો છે."
'ભારતનું બંધારણ સંઘનું બંધારણ નથી'
તેમણે કહ્યું કે, "જો લોકસભા ચૂંટણીના પરિણામો ન આવ્યા હોત તો તેઓએ (ભાજપ) બંધારણ બદલવાનું શરૂ કરી દીધું હોત. સત્ય એ છે કે ભાજપ હવે બંધારણની વાત કરે છે કારણ કે તેમને લોકસભાની ચૂંટણીમાં ખબર પડી ગઈ છે કે લોકો તેનું રક્ષણ કરી રહ્યા છે, કદાચ તેઓ સમજી શક્યા નથી કે ભારતનું બંધારણ સંઘનું બંધારણ નથી.
' ભારતના લોકોના મનમાં આશાઓ અને સપના જોયા છે'
પ્રિયંકા ગાંધીએ કહ્યું કે અમારો સ્વતંત્રતા સંગ્રામ વિશ્વમાં અજોડ હતો કારણ કે તે સત્ય અને અહિંસા પર આધારિત હતો. લોકસભા ચૂંટણી પ્રચાર દરમિયાન બનેલી ઘટનાઓને યાદ કરતા પ્રિયંકા ગાંધીએ ભાજપ પર નિશાન સાધતા કહ્યું કે જ્યારે જાતિ ગણતરીની માંગ ઉઠી ત્યારે તેઓ ચૂપ હતા. પ્રિયંકા ગાંધીએ કહ્યું કે મેં ભારતના લોકોના મનમાં આશાઓ અને સપના જોયા છે. ઉન્નાવ બળાત્કાર પીડિતાના ઘરે જવાનો ઉલ્લેખ કરતા તેમણે કહ્યું હતું કે તેમના પિતા ઈચ્છે છે કે તેમની પુત્રીને ન્યાય મળે.