વિદ્યાર્થીઓ પર લાઠીચાર્જ સામે વિપક્ષનો હલ્લાબોલ, PM આવાસ સામે રાહુલ-પ્રિયંકા ગાંધી ધરણા પર બેઠા
વિદ્યાર્થીઓ પર દિલ્હી પોલીસે કરેલા લાઠીચાર્જના વિરોધમાં મંગળવારે (21 જુલાઈ, 2026) ના રોજ કોંગ્રેસના નેતાઓએ પ્રધાનમંત્રી નરેન્દ્ર મોદીના નિવાસસ્થાન સુધી વિરોધ કૂચ કરી હતી.
- NEET પેપર લીકના વિરોધમાં કોંગ્રેસે દેખાવો કર્યા.
- વિદ્યાર્થીઓ પરના લાઠીચાર્જ સામે PM આવાસ ઘેર્યું.
- ખડગે, રાહુલ ગાંધી સહિતના નેતાઓએ ધરણાં કર્યા.
Congress Protest Against Lathi Charge: NEET પરીક્ષાના પેપર લીકના વિરોધમાં સોમવારે (20 જુલાઈ, 2026) કોકરોચ જનતા પાર્ટી (CJP) ની સંસદ કૂચ દરમિયાન વિદ્યાર્થીઓ પર દિલ્હી પોલીસે કરેલા લાઠીચાર્જના વિરોધમાં મંગળવારે (21 જુલાઈ, 2026) ના રોજ કોંગ્રેસના નેતાઓએ પ્રધાનમંત્રી નરેન્દ્ર મોદીના નિવાસસ્થાન સુધી વિરોધ કૂચ કરી હતી. કોંગ્રેસ પાર્ટી પ્રધાનમંત્રી મોદી અને કેન્દ્રીય શિક્ષણ પ્રધાન ધર્મેન્દ્ર પ્રધાનના રાજીનામાની માંગ કરી રહી છે. મલ્લિકાર્જુન ખડગે અને વિરોધ પક્ષના નેતા રાહુલ ગાંધી સહિતના આગેવાનો 7 લોક કલ્યાણ માર્ગ સ્થિત PM આવાસ નજીક ધરણા પર બેસી ગયા છે.
#WATCH | Delhi: Congress leaders including party president Mallikarjun Kharge, Lok Sabha LoP Rahul Gandhi, Priyanka Gandhi Vadra, KC Venugopal, Pawan Khera and others are holding a protest demanding the resignations of Prime Minister and Education Minister Dharmendra Pradhan. pic.twitter.com/bmWWpPNpOc
— ANI (@ANI) July 21, 2026
કોંગ્રેસના નેતાઓ પ્રધાનમંત્રીના નિવાસસ્થાનની બહાર ધરણા કરી રહ્યા છે. "પ્રધાનમંત્રી રાજીનામું આપો" ના નારા લગાવી રહ્યા છે. આ દરમિયાન, કોંગ્રેસના મહાસચિવ કેસી વેણુગોપાલ લોક કલ્યાણ માર્ગ પર પ્રધાનમંત્રીના નિવાસસ્થાનની બહાર જમીન પર સૂઈ વિરોધ કરી રહ્યા છે.
વિરોધ કરનારાઓમાં કયા નેતાઓનો સમાવેશ થાય છે?
વિરોધ પ્રદર્શનમાં ભાગ લેનારા કોંગ્રેસના નેતાઓમાં લોકસભામાં વિપક્ષના નેતા રાહુલ ગાંધી, કોંગ્રેસના રાષ્ટ્રીય અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગે, સાંસદ પ્રિયંકા ગાંધી, કોંગ્રેસના મહાસચિવ કેસી વેણુગોપાલ, કર્ણાટકના મુખ્યમંત્રી ડીકે શિવકુમાર, પંજાબ કોંગ્રેસ પ્રચાર સમિતિના અધ્યક્ષ ચરણજીત સિંહ ચન્ની, રણદીપ સુરજેવાલા, પવન ખેરા અને અન્ય ઘણા કોંગ્રેસ સાંસદો અને મોટી સંખ્યામાં કાર્યકરોનો સમાવેશ થાય છે. આ વિરોધ કૂચ જંતર-મંતર સુધી ચાલુ રહેશે. હાલમાં, વિપક્ષી નેતાઓ લોક કલ્યાણ માર્ગ પર ધરણા કરી રહ્યા છે. કૂચ દરમિયાન કોંગ્રેસના સાંસદોની અટકાયત કરવામાં આવી રહી છે.
પ્રધાનમંત્રીના નિવાસસ્થાનની બહાર સુરક્ષા વધારી
કોંગ્રેસના નેતાઓ અને કાર્યકરો દ્વારા વિરોધ પ્રદર્શન અને ધરણા બાદ વડા પ્રધાન નિવાસસ્થાનની બહાર સુરક્ષા વધારી દેવામાં આવી છે. કોંગ્રેસના નેતાઓએ શરૂઆતમાં બપોરે સંસદ ભવનથી વડા પ્રધાન નિવાસસ્થાન સુધી કૂચ કરવાની ચર્ચા કરી હતી, પરંતુ જ્યારે દિલ્હી પોલીસને આ વાતની જાણ થઈ ત્યારે રણનીતિ બદલી નાખવામાં આવી.
ટોપ સ્ટોરી
ટ્રેન્ડિંગ સમાચાર
