Rahul Gandhi LS Speech: ટ્રેડ ડીલથી લઈ બજેટ સુધી, રાહુલ ગાંધીએ સરકાર પર કર્યા આકરા પ્રહારો
સદમાં લાંબા સમય સુધી વિરોધ ચાલ્યા બાદ રાહુલ ગાંધીએ આજે લોકસભામાં બજેટ 2026 પર ચર્ચામાં ભાગ લીધો. કોંગ્રેસના સાંસદ અને લોકસભામાં વિપક્ષના નેતા રાહુલ ગાંધીએ માર્શલ આર્ટનો ઉલ્લેખ કર્યો.
Rahul gandhi lok sabha Speech: સંસદમાં લાંબા સમય સુધી વિરોધ ચાલ્યા બાદ રાહુલ ગાંધીએ આજે લોકસભામાં બજેટ 2026 પર ચર્ચામાં ભાગ લીધો. કોંગ્રેસના સાંસદ અને લોકસભામાં વિપક્ષના નેતા રાહુલ ગાંધીએ માર્શલ આર્ટનો ઉલ્લેખ કર્યો. માર્શલ આર્ટ વિશે વાત કરતા રાહુલ ગાંધીએ કહ્યું, માર્શલ આર્ટમાં સામેવાળાને ગ્રિપમાં લેવામાં આવે છે. ગ્રિપમાં આવ્યા પછી ચોપમાં જાય છે. પહેલા ગ્રિપ લીધી અને પછી ચોપમાં જઈને પકડી લીધા. આખું ફોકસ ગ્રિપ પર રહે છે. આ કરતા જ્યારે માણસના હાથમાં ચોપ આવી જાય છે, ગ્રેપલિંગમાં જે હુમલો કરે છે તેની આંખમાં દેખાઈ જાય છે. તેને લાગે છે કે મેં કબજો કરી લીધો. કામ ગ્રિપથી શરૂ થાય છે, ગ્રિપ રાજનીતિમાં હોય છે ક્યાં કોણે ગ્રિપ લઈ રાખી છે, ઈજા ક્યાં થઈ છે લોકોને ખબર નથી હોતી.
આજે લોકસભામાં બજેટ 2026 પર ચર્ચામાં ભાગ દરમિયાન રાહુલ ગાંધીએ બજેટને લઈ સરકાર પર આકરા પ્રહાર કર્યા છે. બજેટમાં AI કે ડેટા વિશે કંઈ નથી, જે આજના સમયમાં ખૂબ જ મહત્વપૂર્ણ છે. ટ્રેડ ડીલને લઈને પણ રાહુલ ગાંધીએ આકરા પ્રહારો કરતા કહ્યું, શું અમેરિકા નક્કી કરશે કે આપણે તેલ ક્યાંથી ખરીદીએ?
કેન્દ્રીય બજેટ અને નાણા મંત્રાલય દ્વારા રજૂ કરાયેલા આર્થિક સર્વેનો ઉલ્લેખ કરતા તેમણે કહ્યું, "હું આર્થિક સર્વે જોઈ રહ્યો હતો. મેં બે મુદ્દા જોયા. પ્રથમ, આપણે એવી દુનિયામાં રહીએ છીએ જ્યાં ભૂ-રાજકીય હરીફાઈ વધી રહી છે. એટલે કે, યુએસ-આધારિત સિસ્ટમને પડકારવામાં આવી રહી છે. હવે રશિયા અને ચીન તેને ફરીથી પડકાર આપી રહ્યા છે. બીજું, આપણે એવી દુનિયામાં રહીએ છીએ જ્યાં ઊર્જા અને નાણાંને શસ્ત્ર બનાવવામાં આવ્યા છે."
દેશના 1.4 અબજ લોકો સામેના પડકારો અલગ છે
રાહુલ ગાંધીએ કહ્યું કે આપણે સ્થિરતાની દુનિયાથી અસ્થિરતાની દુનિયા તરફ આગળ વધી રહ્યા છીએ. વડા પ્રધાન અને NSAએ થોડા સમય પહેલા ચોંકાવનારી રીતે કહ્યું હતું કે યુદ્ધનો સમય પૂરો થઈ ગયો છે. પરંતુ યુક્રેનમાં સંઘર્ષ ચાલુ છે અને ઈરાનમાં સંઘર્ષ ચાલુ છે. આનો અર્થ એ છે કે આપણે સ્થિરતાથી અસ્થિરતા તરફ આગળ વધી રહ્યા છીએ. અન્ય અનેક વૈશ્વિક મુદ્દાઓનો ઉલ્લેખ કરતા, રાહુલે કહ્યું કે આજે ભારતના 1.4 અબજ લોકો સામેના પડકારો તદ્દન અલગ છે.
બજેટમાં ડેટા સાથે સંબંધિત કંઈ નથી- રાહુલ ગાંધી
રાહુલ ગાંધીએ કહ્યું કે AI થી એક ખતરનાક દુનિયા દેખાઈ રહી છે. ભારતના 1.4 અબજ લોકો એક નવા પડકારનો સામનો કરી રહ્યા છે. ડોલરનો ઉપયોગ હથિયાર તરીકે થઈ રહ્યો છે. ઉર્જાને પણ હથિયાર બનાવવામાં આવી રહ્યું છે. બજેટમાં આ આવશ્યક બાબતો માટે જોગવાઈઓનો અભાવ છે. બજેટમાં ડેટા સાથે સંબંધિત કંઈ નથી. તેમણે કહ્યું કે જો અમેરિકા સુપરપાવર રહેવા માંગે છે અને ડોલરનું વર્ચસ્વ જાળવી રાખવા માંગે છે, તો ભારતીય ડેટા તેમાં મહત્વપૂર્ણ ભૂમિકા ભજવે છે. આ આપણી તાકાત છે. ડેટા નિર્ણાયક છે. આ સોદામાં શું થયું ? જો આપણે રાષ્ટ્રપતિ ટ્રમ્પ સાથે વાટાઘાટો કરીએ તો પહેલો વિષય ડેટા હશે. આપણે કહીશું, "જો તમે ડોલરનું રક્ષણ કરવા માંગતા હોય તો આપણા હિતો સર્વોપરી છે. બીજો સોદો ઉર્જા સુરક્ષા વિશે હશે અને ત્રીજો મુદ્દો કૃષિ મત આધાર વિશે હશે. આપણે ખેડૂતોની સુરક્ષા સુનિશ્ચિત કરીશું. રાહુલ ગાંધીએ કહ્યું કે આપણે પાકિસ્તાનની બરાબર નથી. આપણે ડેટા સુરક્ષા સુનિશ્ચિત કરીએ છીએ. અમેરિકા ફક્ત ભારતનો ડેટા ઇચ્છે છે. તેમને ડોલર બચાવવા માટે ડેટાની જરૂર છે.
ટોપ સ્ટોરી
ટ્રેન્ડિંગ સમાચાર
