‘પીએમ મોદી દેશભક્ત નથી પણ દેશદ્રોહી છે!’ બંગાળની ધરતી પરથી રાહુલે ગાંધીનો મોટો ધડાકો

ભારત-અમેરિકા વેપાર કરારને લઈને રાહુલ ગાંધીએ ઉઠાવ્યા ગંભીર સવાલો; કહ્યું- અમેરિકાના દબાણમાં દેશની ઉર્જા અને ડેટા સુરક્ષા જોખમમાં મૂકી, રોજગારી મુદ્દે મમતા સરકારને પણ ઘેરી.

rahul gandhi west bengal election 2026 pm modi trade deal

Source : Twitter

Show Quick Read

Key points generated by AI, verified by newsroom

• રાહુલ ગાંધીએ અમેરિકાના દબાણમાં દેશહિત સાથે બાંધછોડનો આરોપ મૂક્યો.
• ભારત-અમેરિકા વેપાર કરારથી સ્થાનિક ઉદ્યોગો અને રોજગારીને ખતરો.
• દેશનો મહત્વનો ડેટા વિદેશી હાથોમાં સોંપવો રાષ્ટ્રીય સુરક્ષા માટે જોખમી.
• ભાજપ-આરએસએસ બંધારણ અને ચૂંટણી પ્રક્રિયા સાથે છેડછાડ કરી રહ્યા છે.

West Bengal Election 2026: પશ્ચિમ બંગાળમાં ચૂંટણી પ્રચાર દરમિયાન કોંગ્રેસ નેતા રાહુલ ગાંધીએ વડાપ્રધાન નરેન્દ્ર મોદી અને કેન્દ્ર સરકાર પર અત્યાર સુધીનો સૌથી આકરો શાબ્દિક હુમલો કર્યો છે. રાહુલ ગાંધીએ સીધો આરોપ લગાવ્યો છે કે સરકારે અમેરિકાના દબાણમાં આવીને દેશના હિતો સાથે મોટી બાંધછોડ કરી છે અને પીએમ મોદી દેશભક્ત નહીં પરંતુ 'દેશદ્રોહી' છે. ભારત-અમેરિકા વચ્ચેના તાજેતરના વેપાર કરારને નિશાને લેતા તેમણે કહ્યું કે સરકારે દેશની ઉર્જા સુરક્ષા અને કિંમતી ડેટા અમેરિકાને સોંપી દીધા છે. આ એક જ રેલીમાં તેમણે બેરોજગારીના મુદ્દે બંગાળના મુખ્યમંત્રી મમતા બેનર્જીની સરકારની પણ આકરી ટીકા કરી હતી અને ભાજપ-આરએસએસ પર દેશના બંધારણને નબળું પાડવાનો ગંભીર આરોપ લગાવ્યો હતો.

અમેરિકન માલની સુનામી આવશે, સ્થાનિક ઉદ્યોગો ખતમ થશે

બંગાળમાં એક વિશાળ ચૂંટણી રેલીને સંબોધતા રાહુલ ગાંધીએ ભારત-અમેરિકા ટ્રેડ ડીલ (વેપાર કરાર) પર ગંભીર સવાલો ઉઠાવ્યા હતા. તેમણે કહ્યું કે સરકારે અમેરિકા પાસેથી આશરે 9.5 લાખ કરોડ રૂપિયાની વસ્તુઓ ખરીદવાનું વચન આપ્યું છે. આટલા મોટા પાયે કરાર થવાથી અમેરિકન માલ ભારતીય બજારોમાં સુનામીની જેમ ત્રાટકશે. જેના પરિણામે ભારતના પોતાના નાના અને મધ્યમ કદના ઉદ્યોગો પડી ભાંગશે. આની સીધી અને ગંભીર અસર દેશના ખેડૂતો અને કૃષિ ક્ષેત્ર પર પણ પડશે, જેનાથી રોજગારીની બહુ મોટી કટોકટી ઊભી થશે.

ડેટા વિદેશી હાથોમાં સોંપવો દેશ માટે ખતરનાક

રાષ્ટ્રીય સુરક્ષાનો સંવેદનશીલ મુદ્દો ઉઠાવતા રાહુલે એવો પણ દાવો કર્યો કે સરકારે દેશનો અતિ મહત્વનો ડેટા અમેરિકાના હાથમાં આપી દીધો છે. તેમણે સ્પષ્ટ કહ્યું કે આજના ડિજિટલ સમયમાં કોઈપણ દેશની અસલી તાકાત તેનો ડેટા જ હોય છે, અને તેને વિદેશી હાથોમાં સોંપવો એ ભારતની રાષ્ટ્રીય સુરક્ષા માટે બહુ મોટો ખતરો બની શકે છે.

બંગાળને ડબલ નુકસાન અને મમતા સરકાર પર પ્રહાર

આ વિદેશી કરારની બંગાળ પર પડનારી અસર વિશે વાત કરતા રાહુલ ગાંધીએ કહ્યું કે, બંગાળના સ્થાનિક ઉદ્યોગો અત્યારે પહેલાથી જ ઘણી નબળી સ્થિતિમાં છે, ત્યારે આ નવા કરારથી રાજ્યને 'ડબલ નુકસાન' સહન કરવું પડશે. આ તકે તેમણે મમતા બેનર્જી સરકાર પર પણ નિશાન સાધ્યું હતું. રાહુલે યાદ અપાવ્યું કે મુખ્યમંત્રીએ રાજ્યમાં 5 લાખ યુવાનોને નોકરી આપવાનો મોટો વાયદો કર્યો હતો, પરંતુ જમીની વાસ્તવિકતા એ છે કે રાજ્યમાં આજે 8.4 લાખ યુવાનો બેરોજગારી ભથ્થું મેળવવા માટે અરજી કરીને બેઠા છે.

ભાજપ-આરએસએસ બંધારણ સાથે છેડછાડ કરી રહ્યા છે

ભાજપ અને આરએસએસ (RSS) પર સીધો પ્રહાર કરતા રાહુલે કહ્યું કે આ બંને સંગઠનો પોતાની "દ્વેષપૂર્ણ વિચારસરણી" થી દેશના બંધારણને નબળું પાડવા માંગે છે. તેમણે ચૂંટણી પંચની મતદાર યાદી સુધારણા પ્રક્રિયા (જેને SIR કહેવાય છે) ને ગેરબંધારણીય ગણાવી હતી. રાહુલે આરોપ લગાવ્યો કે ભાજપ-આરએસએસને જ્યારે પણ મોકો મળે છે, ત્યારે તેઓ બંધારણની વિરુદ્ધ જઈને ચૂંટણી પ્રક્રિયામાં છેડછાડ કરવાનો અને ગેરરીતિ આચરવાનો પ્રયાસ કરે છે.

આ પણ વાંચો

કોલકાતામાં 'જય શ્રી રામ' બોલો અને ડોક્ટરની ફીમાં 500 રૂપિયાનું ડિસ્કાઉન્ટ મેળવો! કાર્ડિયોલોજિસ્ટની ઓફરથી મચ્યો ખળભળાટ