કાશ્મીરના બડગામમાં દૂર્ઘટનાઃ માર્ગ અકસ્માતમાં CRPF અને પોલીસના 10 જવાબ ઘાયલ
Jammu Kashmir Road Accident News: મંગળવારે (29 એપ્રિલ) બપોરે આ અકસ્માત થયો જ્યારે ડ્રાઇવર તીવ્ર વળાંક લઈ શક્યો નહીં અને રસ્તા પરથી ઉતરી ગયો
Jammu Kashmir Road Accident News: મધ્ય કાશ્મીરના બડગામ જિલ્લાના ખાનસાહિબમાં દૂધપથરી સ્થિત તંગનાર વિસ્તારમાં મંગળવારે (29 એપ્રિલ) એક માર્ગ અકસ્માત થયો. આ વિસ્તારમાં એક વાહન અથડાતાં ઘાયલ થયેલા દસ લોકોમાં સેન્ટ્રલ રિઝર્વ પોલીસ ફોર્સ (CRPF) ના ઓછામાં ઓછા આઠ કર્મચારીઓ અને કાશ્મીર પોલીસના બે કર્મચારીઓનો સમાવેશ થાય છે.
મંગળવારે (29 એપ્રિલ) બપોરે આ અકસ્માત થયો જ્યારે ડ્રાઇવર તીવ્ર વળાંક લઈ શક્યો નહીં અને રસ્તા પરથી ઉતરી ગયો. પોલીસ અધિકારીએ જણાવ્યું કે અકસ્માત સમયે વાહન દૂધપથરી તરફ જઈ રહ્યું હતું ત્યારે તે રસ્તા પરથી લપસી ગયું અને ઊંડી ખાડામાં પડી ગયું.
સૈનિકો સુરક્ષા તૈનાતી માટે જઈ રહ્યા હતા
પોલીસે જણાવ્યું હતું કે ઘટના પછી તરત જ બચાવ કામગીરી શરૂ કરવામાં આવી હતી અને લગભગ દસ ઘાયલ સૈનિકોને નજીકના તબીબી સુવિધામાં લઈ જવામાં આવ્યા હતા. આ સૈનિકો 22 એપ્રિલે પહેલગામમાં થયેલા હુમલા પછી સુરક્ષા માટે આ વિસ્તારમાં તૈનાત સૈનિકોની જગ્યા લઈ રહ્યા હતા.
ઘણા સૈનિકોની હાલત સ્થિર
જમ્મુ અને કાશ્મીર સરકારે મંગળવારે સવારે પ્રવાસીઓ માટે 48 પર્યટન સ્થળો બંધ કરવાનો આદેશ જારી કર્યો હતો, જેમાંથી દૂધપથરીનો પણ બંધ સ્થળોમાં સમાવેશ કરવામાં આવ્યો હતો. આ પર્યટન સ્થળ પૂંછના ગલી-મેદાન વિસ્તારની નજીક આવેલું છે, જે ઘૂસણખોરીનો મુખ્ય માર્ગ છે. ઘાયલોની સ્થિતિ અને અકસ્માતના કારણ અંગે અંતિમ માહિતીની રાહ જોવાઈ રહી છે કારણ કે મોટાભાગના જવાનોની હાલત સ્થિર હોવાનું કહેવાય છે.
ટોપ સ્ટોરી
ટ્રેન્ડિંગ સમાચાર
