Seema Haider News: પાકિસ્તાનથી આવેલી સીમા હૈદર ભારતીય મીડિયામાં સતત હેડલાઇન્સમાં રહે છે, તેના અનેક પ્રકારના સમાચારો સામે આવી રહ્યા છે. હવે આ બધાની વચ્ચે તેની પ્રેગ્નન્સીને લઈને ચર્ચાએ જોર પકડ્યું છે. સીમાની (Seema Haider) પ્રેગનન્સીને લઇને અનેક પ્રકારના દાવા કરવામાં આવી રહ્યા છે, જેના પર હવે ખુદ સીમા હૈદરનું નિવેદન સામે આવ્યું છે. સીમા હૈદરે કહ્યું કે આ મારો અંગત મામલો છે, પરંતુ તેની સાથે તેને એક એવી વાત પણ કરી હતી, જે આ દાવાની પુષ્ટિ કરતી હોય તેવું લાગી રહ્યું છે.
ખરેખરમાં, સ્વતંત્રતા દિવસના અવસર પર સીમા હૈદરે હર ઘર તિરંગા અભિયાન હેઠળ ગ્રેટર નોઈડાના રાબુપુરામાં તેના ઘરે તિરંગો ધ્વજ પણ ફરકાવ્યો હતો, જે દરમિયાન તેને ઉગ્રતાથી ભારત માતા કી જયના નારા લગાવ્યા હતા અને રાષ્ટ્રગીત પણ ગાયું હતું. આ દરમિયાન સીમાએ નારંગી, સફેદ અને લીલા રંગની તિરંગાની સાડી પહેરી હતી, તેની સાથે તિરંગાની ચુંદડી પણ પહેરેલી હતી અને માતાની ચુંદડી તેના કપાળ પર બાંધેલી જોવા મળી હતી. સીમાએ તેની છત પર ઉભા રહીને ચાર બાળકો અને ગ્રામજનો સાથે ભારત માતા કી જયના નારા લગાવ્યા.
આ દરમિયાન સીમા અને સચિનના વકીલ એપી સિંહ પણ હાજર હતા. સીમાના વકીલે ગ્રામજનોને અપીલ કરી હતી કે જો સીમા હૈદરને તપાસ એજન્સીઓ તરફથી ક્લીનચીટ મળે છે, તો તેને ખુલ્લા દિલથી અપનાવી લો, તેને તમારી બનાવી લો, જેમ કે ભારતમાં ઘણા લોકોને આશ્રય આપવામાં આવ્યો છે.
સીમા પ્રેગનન્ટ છે કે નહીં, શું બોલી સીમા હૈદર -
તિરંગો ફરકાવ્યા બાદ સીમા હૈદરે મીડિયા સાથે વાત પણ કરી હતી. આ દરમિયાન જ્યારે પત્રકારોએ તેને તેની પ્રેગ્નન્સી વિશે સવાલ કર્યો ત્યારે સીમા હૈદરે કહ્યું કે "હું એ કહેવા માંગતી નથી કે તે ગર્ભવતી છે કે નહીં. આ મારી અંગત બાબત છે. હું બધાને કહેવા પણ માંગતી નથી. જો હું બોલીશ તો નજર લાગી જાય છે." તેના વિશે કોઈ વાત ન થવી જોઈએ. આ મારી અંગત બાબત છે."