પિરિયડ લિવ પર થયેલી અરજીને સુપ્રીમ કોર્ટે ફગાવી, જાણો CJIએ કેમ સુનાવણીનો કર્યો ઇન્કાર
સુપ્રીમ કોર્ટે વિદ્યાર્થીનીઓ અને વર્કિગ મહિલાઓ માટે પિરિયડ લિવ માંગતી અરજી પર સુનાવણી કરવાનો ઇનકાર કર્યો છે. CJI સૂર્ય કાંતે કહ્યું કે, આવી અરજીઓ મહિલાઓને નબળી પાડવાનું વાતાવરણ બનાવી શકે છે.
"સરકાર પાસે જાઓ..." સુપ્રીમ કોર્ટે દેશભરની વિદ્યાર્થીનીઓ અને કામ કરતી મહિલાઓ પિરિયડ લિવની રજા માંગતી અરજી પર સુનાવણી કરવાનો ઇનકાર કરી દીધો છે. આ મામલો મુખ્ય ન્યાયાધીશ સૂર્યકાંતની અધ્યક્ષતાવાળી બેંચ સમક્ષ ઉઠાવવામાં આવ્યો હતો. આ અરજી શૈલેન્દ્ર મણિ ત્રિપાઠી દ્વારા દાખલ કરવામાં આવી હતી. સુનાવણી દરમિયાન, મુખ્ય ન્યાયાધીશ સૂર્યકાંતે કહ્યું, "આવી અરજીઓ ક્યારેક મહિલાઓને નબળા અને કમતર તરીકે દર્શાવવાનું વાતાવરણ બનાવે છે. આવી અરજીઓ નોકરી આપનાર કંપનીઓમાં પણ એક અલગ જ વલણ પેદા કરે છે.
મહિલાઓને જવાબદાર હોદ્દા આપવામાં અનિચ્છા થશે...
અરજીની સુનાવણી દરમિયાન, CJI સૂર્ય કાંતે એમ પણ નોંધ્યું હતું કે, જો આવી વ્યવસ્થા ફરજિયાત બનાવવામાં આવે, તો નોકરીદાતાઓ મહિલાઓને જવાબદાર હોદ્દા આપવામાં અચકાશે. એક ઉદાહરણ આપતા, તેમણે કહ્યું કે ન્યાયિક સેવામાં પણ, મહિલાઓને નિયમિત ટ્રાયલ જેવા મહત્વપૂર્ણ કાર્યો સોંપવામાં ટાળી શકાય છે, જે તેમની કારકિર્દી પર અસર કરી શકે છે.
શું નોકરીદાતાઓ આનાથી ખુશ થશે?
ન્યાયાધીશ જોયમલ્યા બાગચીએ આ મુદ્દાના આર્થિક અને વ્યવહારુ પાસાઓ તરફ પણ ધ્યાન દોરતા પૂછ્યું, "બિઝનેસ મોડેલ વિશે વિચારો. શું નોકરીદાતાઓ આનાથી ખુશ થશે?" અરજદારનું પ્રતિનિધિત્વ કરતા વકીલે દલીલ કરી હતી કે, કેરળ, કર્ણાટક અને ઓડિશા જેવા રાજ્યોમાં, કેટલીક સંસ્થાઓ પિરિયડ લિવની છૂટ આપે છે, તેથી તેનો દેશભરમાં અમલ કરી શકાય છે.
આ એક નીતિગત નિર્ણય છે, તમારે સરકારનો સંપર્ક કરવો જોઈએ.
જોકે, બેન્ચે જણાવ્યું હતું કે, આ એક નીતિગત નિર્ણય છે અને તેના પર નિર્ણય લેવાની જવાબદારી સરકારની છે. કોર્ટે અરજદારને કહ્યું કે, આ સરકારને વિચાર કરવાનો વિષય છે. તમારે સરકારનો સંપર્ક કરવો જોઈએ. આ આધારે, બેન્ચે અરજી પર વિચાર કરવાનો ઇનકાર કર્યો હતો. સુપ્રીમ કોર્ટ દેશભરની તમામ કામ કરતી મહિલાઓ અને વિદ્યાર્થીનીઓને માસિક ધર્મ સંબંધિત સમસ્યાઓ માટે રજા માંગતી અરજી પર સુનાવણી કરી રહી હતી. અરજદાર શૈલેન્દ્ર મણિ ત્રિપાઠીએ દલીલ કરી હતી કે, મેટરનિટી લિવ મળે છે, પરંતુ માસિક ધર્મ માટે નહીં. કેટલાક રાજ્યો અને કંપનીઓએ પહેલાથી જ દર મહિને બે દિવસની રજાની જોગવાઈ કરી છે. કોર્ટે બધા રાજ્યોને આવા નિયમો લાગુ કરવાનો નિર્દેશ આપવો જોઈએ
ટોપ સ્ટોરી
ટ્રેન્ડિંગ સમાચાર
