પાકિસ્તાનની નિતી મુદે વાત કરતા કશ્મીરી મુસ્લિમ મામલે ઓવૈસીએ સરકાર પાસે કરી આ મોટી માંગણી

Operation Sindoor: જમ્મુ-કાશ્મીરના પહલગામમાં થયેલા આતંકી હુમલા બાદ AIMIMના વડા અસદુદ્દીન ઓવૈસીએ કાશ્મીરી મુસ્લિમોનું સમર્થન કર્યું છે. તેમણે પીએમ મોદી પાસે એક મોટી માંગણી કરી છે.

ઓવેસીએ કરી આ મોટી માંગણી

Source : ANI

Pahalgam Terror Attack: જમ્મુ અને કાશ્મીરના પહેલગામમાં 22 એપ્રિલે થયેલા આતંકવાદી હુમલામાં 26 પ્રવાસીઓના મોત થયા હતા. આ અમાનવીય હુમલા પછી, કાશ્મીરમાં રહેતા મુસ્લિમોએ આ ઘટનાનો ખુલ્લેઆમ વિરોધ કર્યો અને વિવિધ સ્થળોએ મીણબત્તી માર્ચ કાઢી. હવે AIMIM ચીફ અસદુદ્દીન ઓવૈસીએ કાશ્મીરી મુસ્લિમોને ટેકો આપ્યો છે અને કહ્યું છે કે વડા પ્રધાન નરેન્દ્ર મોદી અને ગૃહમંત્રી અમિત શાહ માટે કાશ્મીરી મુસ્લિમોને અપનાવવાનો આ આ યોગ્ય સમય છે.

સમાચાર એજન્સી પીટીઆઈને આપેલા ઇન્ટરવ્યુમાં ઓવૈસીએ કહ્યું, "કાશ્મીરી મુસ્લિમોએ પહેલગામ હુમલાની ખુલ્લેઆમ નિંદા કરી છે. હકીકતમાં, આ સરકાર, વડા પ્રધાન મોદી અને ગૃહ પ્રધાન અમિત શાહ માટે એક ખાસ અવસર છે. તેમણે આ અવસરનો યોગ્ય રીતે ઉપયોગ કરવો જોઈએ. પાકિસ્તાનનો વિરોધ કરવો મહત્વપૂર્ણ છે, પરંતુ કાશ્મીરીઓને પણ સ્વીકારવા જોઈએ."               

ઓવૈસીએ સરકાર પાસે આ મોટી કરી  માંગણી

ઓવૈસીએ આગ્રહ રાખ્યો કે કાશ્મીરીઓને તેમના બંધારણીય અધિકારો મળવા જોઈએ. તેમણે કહ્યું, "કાશ્મીરી વિદ્યાર્થીઓ દેશના વિવિધ ભાગોમાં અભ્યાસ કરવા આવે છે, તેમના પર કોઈપણ પ્રકારનો હુમલો ન થવો જોઈએ. આ વિદ્યાર્થીઓને માર મારવામાં આવ્યો હોય તેવી ઘણી ઘટનાઓ પ્રકાશમાં આવી છે. આપણે આ તક ગુમાવવી જોઈએ નહીં." તેમણે સરકારને અપીલ કરી કે કાશ્મીરીઓને તેમના હાલ પર ન છોડો.

ભારત-પાકિસ્તાન યુદ્ધવિરામ પર AIMIM વડાની પ્રતિક્રિયા

AIMIM વડાએ એમ પણ કહ્યું, "જ્યારે દેશની વાત આવે છે, ત્યારે અમે હંમેશા સરકાર સાથે રહીશું. આપણી સેનાએ બહાદુરી બતાવી છે, પરંતુ વડા પ્રધાન દ્વારા યુદ્ધવિરામની જાહેરાત કરવી જોઈતી હતી. શું આપણે એવું માની લેવું જોઈએ કે આતંકવાદીઓ ફરીથી ભારત પર હુમલો નહીં કરે? તેઓ આજે પણ હુમલાની તૈયારી કરી રહ્યા હશે. તો  વડા પ્રધાન નરેન્દ્ર મોદી છે, તો પછી ડોનાલ્ડ ટ્રમ્પે યુદ્ધવિરામની જાહેરાત કેમ કરી?"

મંત્રી વિજય શાહના વિવાદાસ્પદ નિવેદન પર ઓવૈસીએ શું કહ્યું?

અસદુદ્દીન ઓવૈસીએ કર્નલ સોફિયા કુરેશી પર મંત્રી વિજય શાહના વિવાદાસ્પદ નિવેદનની પણ કડક નિંદા કરી. તેમણે કહ્યું કે ભાજપ સરકારે તેમને મંત્રીમંડળમાંથી દૂર કરવા જોઈએ અને તેમની સામે કાનૂની કાર્યવાહી કરીને જેલમાં મોકલવા જોઈએ.