મમતા બેનર્જીને મોટો ઝટકો: તૃણમૂલના 19 સાંસદો ભાજપના સંપર્કમાં? જુઓ બળવાખોરોનું લિસ્ટ

tmc rebel mps list: બળવાખોર જૂથે લોકસભા સ્પીકરને પત્ર સોંપી NDAને સમર્થન જાહેર કર્યું; શત્રુઘ્ન સિંહા, સયાની ઘોષ અને યુસુફ પઠાણના નામથી મમતા છાવણીમાં ખળભળાટ.

tmc rebel mps list kakoli ghosh sayani ghosh shatrughan sinha nda

Source : file

Show Quick Read

Key points generated by AI, verified by newsroom

• TMC ના 19 સાંસદોએ NDA ને સમર્થન આપી બળવો કર્યો.
• શત્રુઘ્ન સિંહા, યુસુફ પઠાણ સહિત દિગ્ગજો બળવાખોર સાંસદોમાં.
• TMC એ બળવાખોરોને નૈતિકતા વિહોણા કહી સ્વાર્થી ગણાવ્યા.
• TMC એ ભાજપ પર બળવો કરાવવાનો સીધો આરોપ.

tmc rebel mps list: પશ્ચિમ બંગાળના રાજકારણમાંથી આ સમયના સૌથી મોટા અને ચોંકાવનારા સમાચાર સામે આવી રહ્યા છે. મુખ્યમંત્રી મમતા બેનર્જીની તૃણમૂલ કોંગ્રેસ (TMC) માં બહુ મોટું ગાબડું પડ્યું છે અને પક્ષના 19 સાંસદોએ હાઈકમાન્ડ સામે ખુલ્લો બળવો પોકાર્યો છે. આ બળવાખોર સાંસદોએ લોકસભાના અધ્યક્ષ ઓમ બિરલાને એક પત્ર લખીને ભાજપની આગેવાની હેઠળના NDA ગઠબંધનને પોતાનું સમર્થન જાહેર કરી દીધું છે. આ યાદી સામે આવતાં જ બંગાળથી લઈને દિલ્હી સુધી રાજકીય ગરમાવો આવી ગયો છે, કારણ કે આ લિસ્ટમાં શત્રુઘ્ન સિંહા, સયાની ઘોષ અને પૂર્વ ક્રિકેટર યુસુફ પઠાણ જેવા પક્ષના દિગ્ગજ અને લોકપ્રિય ચહેરાઓ સામેલ છે.

સામે આવેલી વિગતો મુજબ, આ બળવાનું નેતૃત્વ કાકોલી ઘોષ દસ્તીદાર કરી રહ્યા છે અને તેમની સાથે આશરે 20 જેટલા સાંસદોનું સમર્થન હોવાનો દાવો કરાયો છે. જાહેર થયેલી બળવાખોર સાંસદોની યાદીમાં કાકોલી ઘોષ (બારાસત), જગદીશ ચંદ્ર બાસુનિયા (કૂચ બિહાર) અને ખલીલુર રહેમાન (જંગીપુર) ના નામ મુખ્ય છે. આ સિવાય મમતા બેનર્જીની મુશ્કેલી વધારતા આ જૂથમાં બહેરામપુરના સાંસદ યુસુફ પઠાણ, અબુ તાહિર ખાન (મુર્શિદાબાદ), પાર્થ ભૌમિક (બેરકપોર), બાપી હલદર (મથુરાપુર), સયાની ઘોષ (કોલકાતા દક્ષિણ), મિતાલી બેગ (આરામબાગ), દીપક અધિકારી (ઘાટલ), કાલીપદા સોરેન (બાંકુરા), ડો. શર્મિલા સરકાર (બર્ધમાન પૂર્વ), શત્રુઘ્ન સિંહા (આસનસોલ), અસيت કુમાર મલ (બોલપુર), શતાબ્દી રોય (બીરભૂમ) અને રચના બેનર્જી (હુગલી) નો પણ સમાવેશ થાય છે.

બીજી તરફ, આ આકસ્મિક બળવાને પગલે તૃણમૂલ કોંગ્રેસ પણ એક્શન મોડમાં આવી ગઈ છે. TMCના વરિષ્ઠ નેતાઓ કલ્યાણ બેનર્જી અને કીર્તિ આઝાદે પ્રેસ કોન્ફરન્સ કરીને આ તમામ બળવાખોર સાંસદો પર આકરા પ્રહારો કર્યા છે. તેમણે આક્ષેપ કર્યો કે આ નેતાઓમાં રાજકીય નૈતિકતાનો સદંતર અભાવ છે અને મુશ્કેલ સમયમાં પક્ષના ગ્રાઉન્ડ વર્કર્સને અધવચ્ચે છોડીને તેઓ પોતાના સ્વાર્થ માટે ભાજપ સાથે સેટિંગ કરી રહ્યા છે. કલ્યાણ બેનર્જીએ ખુલ્લો પડકાર ફેંકતા કહ્યું કે, "જો આ સાંસદોમાં હિંમત હોય તો તેઓ સીધા જ ભાજપમાં કેમ નથી જોડાઈ જતા? પરંતુ ભાજપ પણ તેમને સ્વીકારશે નહીં." તેમણે પૂર્વ રાજ્યસભા સાંસદ સુખેન્દુ શેખર રોયનું ઉદાહરણ આપતા કહ્યું કે તેમણે પક્ષ સામે નારાજગી હોવા છતાં પહેલા રાજીનામું આપીને નૈતિકતા બતાવી હતી, બળવાખોરોએ પણ એવું જ કરવું જોઈએ.

આ પણ વાંચોઃ સોનિયા ગાંધીની મમતા બેનર્જીને ઓફર: ટીએમસીને કોંગ્રેસમાં ભેળવી દો, કોંગ્રેસના એક ફોનથી ખળભળાટ

TMC નેતાઓએ બળવાખોરો દ્વારા મોકલવામાં આવેલા કથિત પત્રની સત્યતા સામે પણ સવાલો ઉઠાવ્યા છે અને પૂછ્યું છે કે જો આટલો મોટો નિર્ણય લેવાયો હોય તો આ પત્રને હજુ સુધી મીડિયા સમક્ષ જાહેર કેમ નથી કરાયો? તેમણે દાવો કર્યો કે આ બળવાખોર સાંસદો ભાજપના નેતા સુવેન્દુ અધિકારીની હાજરીમાં કેન્દ્રીય મંત્રી ભૂપેન્દ્ર યાદવને મળ્યા હતા, જેનાથી તેમના ઇરાદા બિલકુલ સ્પષ્ટ થઈ જાય છે. એટલું જ નહીં, કલ્યાણ બેનર્જીએ એવો પણ ગંભીર આક્ષેપ લગાવ્યો કે દેશના ગૃહમંત્રી અમિત શાહે પોતે સાંસદ યુસુફ પઠાણનો સંપર્ક કર્યો હતો અને આ આખી રમત વિપક્ષને નબળો પાડવા માટે ભાજપ રમી રહી છે. જોકે, તેમણે છેલ્લે સ્પષ્ટ કર્યું કે આ પક્ષપલટાથી TMC ને કોઈ જ ફરક નહીં પડે, કારણ કે જનતા અને કાર્યકરો આજે પણ મમતા બેનર્જી સાથે મજબૂતીથી ઉભા છે.