Train Travel Tips: લાંબા અંતરની મુસાફરી માટે ટ્રેન એ એક સસ્તુ સાધન છે. અવારનવાર લોકો જ્યારે ટ્રેનની ટિકિટ બુક કરે છે ત્યારે પહેલાં એ વિચારે છે કે ટ્રેનનો કયો કોચ લાંબા અંતરની મુસાફરી માટે બહેતર રહેશે. ઘણીવાર લોકો પોતાના બજેટને ધ્યાનમાં રાખીને ટિકિટ બુક કરતા હોય છે. જો તમારે રાતના સમયે આરામદાયક મુસાફરી કરવી હોય તો તેના માટે સાચો કોચ પસંદ કરવો ખૂબ જ જરૂરી છે. જાણો લાંબા અંતરની મુસાફરી કરવા માટે કયો કોચ સૌથી વધુ શ્રેષ્ઠ છે.
લાંબા અંતરની મુસાફરી માટે કયો કોચ બહેતર?
ચેર કાર
- ચેર કાર એવા મુસાફરો માટે બહેતર છે જેમને દિવસના સમયે અને ઓછા અંતર માટે મુસાફરી કરવાની હોય.
- શતાબ્દી અને વંદે ભારત જેવી ટ્રેનોમાં ચેર કારની સુવિધા હોય છે.
- તેમાં તમે માત્ર બેસીને જ મુસાફરી કરી શકો છો.
- જો ઓછા અંતર માટે મુસાફરી કરવી હોય તો ચેર કાર તમારા માટે બહેતર વિકલ્પ છે.
- આનું ભાડું સામાન્ય રીતે સ્લીપર કરતાં વધુ હોય છે, કારણ કે આ એક એસી કોચ છે.
- જોકે, 3AC અને 2AC કરતાં આનું ભાડું સસ્તું હોય છે.
સ્લીપર
- જો તમારે ઓછા ખર્ચમાં લાંબા અંતરની મુસાફરી કરવી હોય તો સ્લીપર ક્લાસ તમારા માટે બહેતર છે.
- તેમાં તમે સીટ (બર્થ) સાથે ઓછા ભાડામાં મુસાફરી કરી શકો છો.
- એટલે કે આને બજેટ ફ્રેન્ડલી કોચ માનવામાં આવે છે.
- તેમાં એસીની સુવિધા હોતી નથી.
- ગરમીમાં તમને મુશ્કેલી પડી શકે છે.
- જે લોકોને ઓછા બજેટમાં મુસાફરી કરવી હોય તેમના માટે આ એક સારો ઓપ્શન છે.
3AC
જો તમારે ટ્રેન દ્વારા લાંબા અંતરની મુસાફરી કરવી હોય તો તમારા માટે 3AC ને સૌથી બહેતર વિકલ્પ માનવામાં આવે છે. તેના ઘણા ફાયદા પણ છે જેમ કે...
- એસીની સુવિધા મળવાથી ગરમી નથી લાગતી અને સાથે જ બહારની ધૂળ-માટીથી પણ રાહત મળે છે.
- મુસાફરોને બેડરોલ કિટ આપવામાં આવે છે, જેમાં ચાદર, ધાબળો, ઓશીકું જેવી સામગ્રી સામેલ હોય છે.
- એ ચોક્કસ છે કે આનું ભાડું સ્લીપર કરતાં વધુ હોય છે, પરંતુ તેમાં તમને સુવિધા પણ મળે છે.
- જો રાતની મુસાફરી દરમિયાન તમારી સાથે વૃદ્ધો અને બાળકો હોય તો આ તમારા માટે એક સારો ઓપ્શન બની શકે છે.