Weather Update: યૂપી, દિલ્લી સહિત આ રાજ્યોમાં ભારે પવન સાથે વરસાદની ચેતવણી, કશ્મીરમાં ભૂસ્ખલન
Weather Update: હવામાન વિભાગની આગાહી મુજબ યૂપી સહિત આ રાજ્યોમાં ભારે પવન સાથે વરસાદની આગાહી
Weather Update:હવામાન વિભાગે શનિવારે હરિયાણા, પશ્ચિમ ઉત્તર પ્રદેશ અને દિલ્હી-એનસીઆર વિસ્તારોમાં ભારે પવન સાથે વરસાદ અને કરા પડવાની ચેતવણી પણ આપી છે. આ માટે હવામાન વિભાગે રેડ એલર્ટ જાહેર કર્યું છે. આ ઉપરાંત ઉત્તરાખંડ, હિમાચલ, પંજાબ, રાજસ્થાન, પૂર્વી મધ્યપ્રદેશ, છત્તીસગઢ, ઓડિશા અને દરિયાકાંઠાના આંધ્રપ્રદેશના વિસ્તારમાં ધૂળભરી આંધીની ચેતવણી આપવામાં આવી છે.
શુક્રવારે સવારે દિલ્હી-એનસીઆર ક્ષેત્ર સહિત સમગ્ર ઉત્તર ભારતમાં ભારે વરસાદ અને વાવાઝોડા સાથે ભારે વરસાદ પડ્યો, જેમાં ઓછામાં ઓછા આઠ લોકો માર્યા ગયા. એકલા રાજધાનીમાં ચાર લોકોના મોત થયા.
યૂપી દિલ્લી સહિતના વિસ્તારમાં વરસાગના કારણએ 236 સ્થળોએ વૃક્ષો ધરાશાયી થયા હતા અને 2૦૦ ફ્લાઇટ્સ મોડી પડી હતી. સવારે 5 વાગ્યાથી 8 વાગ્યા સુધીના માત્ર ત્રણ કલાકમાં 77.0 મીમી વરસાદ નોંધાયો હતો. 1901 થી 2025 સુધી મે મહિનામાં 24 કલાકનો આ બીજો સૌથી વધુ વરસાદ છે. અગાઉ, 20 મે, 2021ના રોજ 119,3 મીમી વરસાદ નોંધાયો હતો, જે એક સર્વકાલીન રેકોર્ડ પણ છે. વરસાદને કારણે થયેલા ભૂસ્ખલનને કારણે જમ્મુ-શ્રીનગર રાષ્ટ્રીય ધોરીમાર્ગ બંધ થઈ ગયો હતો.
જમ્મુ-શ્રીનગર રાષ્ટ્રીય ધોરીમાર્ગ બંધ
હવામાન વિભાગે આગાહી કરી છે કે, શનિવારે પણ ભારે પવન અને ગાજવીજ સાથે વરસાદ પડી શકે છે. 20 થી 40 કિમી પ્રતિ કલાકની ઝડપે ભારે પવન ફૂંકાય તેવી શક્યતા છે. વરિષ્ઠ હવામાનશાસ્ત્રી આર.કે. જેનામણીએ જણાવ્યું હતું કે, અરબી સમુદ્ર અને બંગાળની ખાડીમાંથી આવતા ભેજ અને પવનના મિશ્રણને કારણે વાવાઝોડા સાથે વરસાદની સ્થિતિ સર્જાઈ છે.
સ્કાયમેટ વેધરના હવામાનશાસ્ત્રી મહેશ પાલાવતના જણાવ્યા અનુસાર, છેલ્લા કેટલાક દિવસોમાં દિવસનું તાપમાન 40 ડિગ્રી સેલ્સિયસને વટાવી ગયું હોવાથી, ભેજનું સ્તર ઝડપથી વધ્યું છે, જેના કારણે આ સ્થિતિ પણ સર્જાઇ છે. આ એક નોર્મલ મોનસૂન એક્ટિવીટી કહી શકાય . આ એક સામાન્ય પૂર્વ-ચોમાસાની લાક્ષણિકતા છે.
ઉત્તર ભારતમાં છ મે સુધી વાવાઝોડા સાથે વરસાદ પડવાની આગાહી..દિલ્લી, યૂપી, બિહાર, રાજસ્થાન સહિત કેટલાક રાજ્યો માટે હવામાન વિભાગે એલર્ટ જાહેર કર્યું છે. અમુક સ્થળોએ કરા સાથે વરસાદ વરસી શકે છે .
ઉત્તરાખંડના હરિદ્વારમાં ભારે વરસાદથી દુર્ઘટના સર્જાઇ છે. રસ્તા પર વૃક્ષ ધરાશાયી થતાં એક કારને નુકસાન થયું છે. ..આ તરફ હરિયાણાના ચરખી દાદરીમાં પડેલા વરસાદથી . યાર્ડમાં ખુલ્લામાં રાખવામાં આવેલું હજારો ક્વિન્ટલ અનાજ પલળી ગયું છે.
યૂપીના એટામાં બે સગી બહેનો પર વીજળી પડતાં એકનું મૃત્યું થયું છે..તો બીજી બહેન ગંભીર રીતે દાઝી ગઇ હતી. આ તરફ દિલ્લીના વસંત કુંજમાં એક વૃક્ષ જમીનદોસ્ત થતાં કેટલાક વાહનોને નુકસાન છે
જમ્મુ-કશ્મીરના રામબનમાં ભારે વરસાદના કારણે ભૂસ્ખલન થયુ છે. ચંબા સેરીમાં જમ્મુ-શ્રીનગર નેશનલ હાઇવે બંધ થયો. હિમાચલ પ્રદેશના કેટલાક વિસ્તારોમાં તેજ હવા સાથે વરસાદ વરસ્યો છે. શિમલામાં પણ વૃક્ષો ધરાશાયી થયા રસ્તા બ્લોક થયા છે.
ટોપ સ્ટોરી
ટ્રેન્ડિંગ સમાચાર
