Vande Mataram: પશ્ચિમ બંગાળના મદરેસામાં હવે વંદે માતરમ ફરજિયાત, સુવેન્દુ સરકારનો મોટો નિર્ણય

Vande Mataram: હાલમાં કાયદામાં રાષ્ટ્રધ્વજ, બંધારણ અથવા રાષ્ટ્રગીતના અપમાન માટે સજા, દંડ અથવા બંને સહિતની જોગવાઈ છે

(તસવીર- એબીપી લાઇવ)

Source : એબીપી અસ્મિતા

Show Quick Read

Key points generated by AI, verified by newsroom

• રાજ્યના તમામ મદરેસામાં 'વંદે માતરમ' ગાવાનું ફરજિયાત કરાયું.
• સરકારી સહાયિત અને બિન-સહાયિત મદરેસાઓને આદેશ લાગુ.
• 'વંદે માતરમ' ને રાષ્ટ્રગીત 'જન ગણ મન' સમાન દરજ્જો.
• અનાદર કરનાર સામે કડક કાનૂની કાર્યવાહી થશે.

Vande Mataram: પશ્ચિમ બંગાળ સરકારે રાજ્યના તમામ મદરેસામાં "વંદે માતરમ" ગાવાનું ફરજિયાત બનાવ્યું છે. આ અંગેનો આદેશ મદરેસા શિક્ષણ નિયામક દ્વારા 19 મે, 2026 ના રોજ જારી કરવામાં આવ્યો હતો. આદેશમાં જણાવાયું છે કે, અગાઉ જાહેર કરાયેલી તમામ સૂચનાઓ અને પ્રથાઓને રદ કરીને વર્ગો શરૂ થાય તે પહેલાં પ્રાર્થના દરમિયાન "વંદે માતરમ" ગાવાનું હવે ફરજિયાત રહેશે.

આ આદેશ રાજ્યમાં તમામ સરકારી સંચાલિત મોડેલ મદરેસા (અંગ્રેજી માધ્યમ), માન્ય સરકારી સહાયિત મદરેસા માન્ય MSK, માન્ય SSK અને માન્ય બિન-સહાયિત મદરેસાઓને લાગુ પડે છે. આદેશમાં જણાવાયું છે કે તેનો તાત્કાલિક અસરથી અમલ કરવામાં આવે.

મદરેસા શિક્ષણ નિયામક દ્વારા જાહેર કરાયેલા આ આદેશની એક નકલ તમામ જિલ્લા મેજિસ્ટ્રેટ, જિલ્લા શિક્ષણ અધિકારીઓ, પશ્ચિમ બંગાળ મદરેસા શિક્ષણ બોર્ડ અને અન્ય સંબંધિત વિભાગોને મોકલવામાં આવી છે. આદેશમાં એમ પણ કહેવામાં આવ્યું છે કે સક્ષમ અધિકારીની મંજૂરી પછી તે જારી કરવામાં આવ્યો છે.

'જન ગણ મન' ને સમાન દરજ્જો... 
પશ્ચિમ બંગાળ અને આસામમાં તાજેતરમાં મળેલા પ્રચંડ વિજય બાદ નરેન્દ્ર મોદીના નેતૃત્વ હેઠળના કેન્દ્રીય મંત્રીમંડળે રાષ્ટ્રીય ગીત 'વંદે માતરમ' ને રાષ્ટ્રગીત 'જન ગણ મન' ને સમાન દરજ્જો આપવાનો નિર્ણય લીધો. અધિકારીઓના જણાવ્યા અનુસાર, આનો ઉદ્દેશ્ય 'વંદે માતરમ' ને રાષ્ટ્રગીત જેવા જ કાનૂની દાયરામાં લાવવાનો છે. એકવાર અમલમાં મૂકાયા પછી, 'વંદે માતરમ' ગાતી વખતે કોઈપણ પ્રકારનો અનાદર અથવા અવરોધને દખલપાત્ર ગુનો ગણવામાં આવશે.

હાલમાં કાયદામાં રાષ્ટ્રધ્વજ, બંધારણ અથવા રાષ્ટ્રગીતના અપમાન માટે સજા, દંડ અથવા બંને સહિતની જોગવાઈ છે. પ્રસ્તાવિત સુધારાથી આ જોગવાઈઓ વંદે માતરમ સુધી વિસ્તરશે, જેનો અર્થ એ થાય કે તેનું ઉલ્લંઘન પણ સમાન કાનૂની પરિણામોમાં પરિણમી શકે છે.

વર્તમાન નિયમો હેઠળ, જે કોઈ પણ વ્યક્તિ ઇરાદાપૂર્વક રાષ્ટ્રગીત ગાવામાં અવરોધ ઉભો કરે છે તેને ત્રણ વર્ષ સુધીની કેદ, દંડ અથવા બંને થઈ શકે છે. વારંવાર ગુનો કરનારને ઓછામાં ઓછી એક વર્ષની જેલની સજા થઈ શકે છે.

                                                         

આ પણ વાંચો

5 દેશ, 5 દિવસ અને ભારત માટે 'ગેમચેન્જર' ડીલ, PM મોદીની યાત્રાથી ભારતને શું થયું હાંસલ ?

રાહુલ ગાંધીએ PM મોદીને કહ્યા 'દેશદ્રોહી' તો મહેબૂબા મુફ્તીએ કહ્યું - ‘બીજેપીએ વાવેલા બીજ...’