રેલીઓની શરૂઆત 7 માર્ચથી કોલકાતનાં બ્રિગેડ મેદાન પર રેલીથી થશે. અન્ય રેલીઓ માટે પણ હાલમાં સ્થળ અને સમય નક્કી નથી. જ્યારે ગૃહમંત્રી અમિત શાહ અને ભાજપ અધ્યક્ષ જે પી નડ્ડા બંગાળમાં 50-50 રેલીઓને સંબોધિત કરશે. જણાવીએ કે, હાલમાં કોંગ્રેસ અને લેફ્ટની બ્રિગેડ રેલી મેદાનમાં મોટી રેલી થઈ હતી. આ રેલીમાં આવેલ ભીડે બધાનું ધ્યાન ખેંચ્યું હતું.
રવિવારના રોજ પીએમ કોલકાતામાં મોટી રેલી કરશે
બંગાળમાં પ્રથમ વખત ભગવો લહેરાવા માટે ભાજપે કમર કસી લીધી છે. આજે યોગી માલદા જઈ રહ્યા છે તો રવિવારે પીએમ કોલકાતામાં મોટી રેલી કરવાના છે. સાત માર્ચથી પીએમ કોલકાતામાં બ્રિગેડ ગ્રાઉન્ડમાં મોટી રેલી કરશે. ભાજપ આ રેલી દ્વારા સમગ્ર રાજ્યમાં પોતાના મેસેજ પહોંચાડવા માગે છે.
ભાજપના નેતા અને કાર્યકર્તા આ રેલીને સુપરહિટ બનાવવામાં લાગી ગયા છે. ભાજપનો ટાર્ગેટ બ્રિેગડ ગ્રાઉન્ડમાં અંદાજે 10 લાખ લોકોને લાવવાનો છે. ભાજપ આ રેલીને સફળ બનાવવા માટે ડોર ટૂ ડોર કેમ્પેન ચલાવી રહ્યા છે. જણાવીએ કે, બંગાળમાં જાણીતું છે કે જેનું બ્રિગેડ ગ્રાઉન્ડ એનું જ બંગાળ.