આ વચ્ચે રાજ્યના મુખ્યમંત્રી મમતા બેનર્જીએ ભાજપ પર બંગાળમાં હિંસા ફેલાવવા અને તેમની સરકારને પાડવાનું ષડયંત્ર રચવાનો આરોપ લગાવ્યો હતો. બેનર્જીએ કહ્યું કે, તે કોઇને પણ તેમની સરકાર તોડવા નહી દે.
માનવામાં આવી રહ્યું છે કે આ અગાઉ પશ્વિમ બંગાળમાં કાયદો અને વ્યવસ્થાની બગડતી સ્થિતિને લઇને એડવાઇઝરી જાહેર કર્યાના એક દિવસ બાદ ગૃહમંત્રી અમિત શાહે સોમવારે આંતરિક સુરક્ષા મામલા પર ઉચ્ચસ્તરિય બેઠક કરી હતી. બેઠકમાં રાષ્ટ્રીય સુરક્ષા સલાહકાર અજિત ડોભાલ પણ હાજર રહ્યા હતા.
શાહ સાથે મુલાકાત બાદ રાજ્યપાલ ત્રિપાઠીએ પત્રકારોને કહ્યું કે, મેં વડાપ્રધાન મોદી અને અમિત શાહને બંગાળની સ્થિતિની જાણકારી આપી હતી. હું વિસ્તૃત જાણકારી આપી શકુ નહીં. બંગાળમાં રાષ્ટ્રપતિ શાસન લગાવવાની સંભાવનાઓ અંગે પૂછતા તેમણે કહ્યું કે, બેઠક દરમિયાન એવી કોઇ વાતચીત થઇ નથી.