સુવેન્દુ અધિકારીના શપથ સમારોહના મંચ પર PM મોદીએ જેના ચરણસ્પર્શ કર્યાં કોણ છે તે વ્યક્તિ?

West Bengal CM oath:: શપથ સમારોહમાં પ્રધાનમંત્રી મોદીએ એક વૃદ્ધ વ્યક્તિના ચરણ સ્પર્શ કર્યાં અને લાંબા સમય સુધી તેમની સાથે સાથે વાત કરતા રહ્યા અને તેમને ભેટી પડ્યા. ત્યારે સવાલ થવો સ્વાભાવિક છે કે, આ વૃદ્ધ વ્યક્તિ કોણ છે.

મંચ પર પીએમ મોદીએ જેના ચરણ સ્પર્શ કર્યાં તે વ્યક્તિ કોણ છે

Source : ANI

Show Quick Read

Key points generated by AI, verified by newsroom

• PM મોદીએ વૃદ્ધ કાર્યકર માખનલાલ સરકારનું સન્માન કર્યું.
• માખનલાલ સરકાર ૧૯૫૨માં શ્યામા પ્રસાદ સાથે જોડાયેલા હતા.
• ૯૮ વર્ષીય સરકાર ભાજપના સ્થાપક સભ્યોમાંના એક છે.
• તેમણે લાંબો સમય વિવિધ પક્ષ સંગઠનોમાં સેવા આપી.

West Bengal CM oath: આ પ્રસંગ હતો, સુવેન્દુ અધિકારીના શપથ ગ્રહણ સમારોહનો,   કોલકાતાના ઐતિહાસિક બ્રિગેડ પરેડ ગ્રાઉન્ડ જ્યાં  લોકોની વિશાળ ભીડ એકઠી થઈ હતી. આ દરમિયાન, સ્ટેજ પરના એક દ્રશ્યે બધાનું ધ્યાન ખેંચ્યું. પીએમ મોદીએ એક વૃદ્ધ વ્યક્તિને શાલ પહેરાવી, તેમના ચરણ  સ્પર્શ કર્યા અને તેમને ભેટી પડ્યા. વધુમાં, પીએમ લાંબા સમય સુધી વૃદ્ધ વ્યક્તિ સાથે વાત કરતા રહ્યા, તેમને ભેટી પડ્યા. પીએમ મોદીના આ હાવભાવથી દરેકના મનમાં એક પ્રશ્ન ઉભો થયો: આ વૃદ્ધ વ્યક્તિ ખરેખર કોણ છે જેના સન્માનમાં પીએમ મોદીએ  મસ્તક  નમાવ્યું હતું. તો ચાલો, આ વ્યક્તિ વિશે જાણીએ.

બંગાળમાં ભાજપના સૌથી વરિષ્ઠ કાર્યકર
બંગાળમાં ભાજપ સરકારના શપથ ગ્રહણ સમારોહ દરમિયાન, વડા પ્રધાન નરેન્દ્ર મોદીએ પશ્ચિમ બંગાળમાં ભાજપના સૌથી વરિષ્ઠ કાર્યકર્તાઓમાંના એક માખનલાલ સરકારનું સન્માન કર્યું અને તેમને ચરણ સ્પર્શ કર્યાં. 1952માં, માખનલાલ સરકારને કાશ્મીરમાં શ્યામા પ્રસાદ મુખર્જી સાથે ભારતીય ત્રિરંગો ફરકાવવાના આંદોલન દરમિયાન ધરપકડ કરવામાં આવી હતી. માખનલાલ સરકાર સ્વતંત્રતા પછીના ભારતમાં રાષ્ટ્રવાદી ચળવળમાં સામેલ શરૂઆતના પાયાના વ્યક્તિઓમાંના એક છે.

આ પણ વાંચો:પશ્ચિમ બંગાળની ભૂમિ પર ભાજપનો ઉદય, રચાયો ઇતિહાસ, હવે બંગાળના બોસ સુવેન્દુ અધિકારી

#WATCH | Kolkata | PM Modi felicitates and takes blessings of Makhanlal Sarkar, one of the most senior workers of the BJP in West Bengal.

In 1952, Makhanlal Sarkar was arrested in Kashmir while accompanying Syama Prasad Mukherjee during the movement to hoist the Indian… pic.twitter.com/gpmLISKYZ5

— ANI (@ANI) May 9, 2026

શ્યામા પ્રસાદ મુખર્જીના મિત્ર
98 વર્ષીય માખણલાલ સરકાર સિલિગુડીના રહેવાસી છે. તેઓ શ્યામા પ્રસાદ મુખર્જીના સહયોગી હતા અને તેમની અંતિમયાત્રામાં ભાગ લીધો હતો. તેમની ચળવળ દરમિયાન   રાષ્ટ્રવાદી ગીત ગાવા બદલ ધરપકડ થઇ  હતી. તેમણે કોર્ટમાં માફી માંગવાનો ઇનકાર કર્યો હતો. તેમણે કોર્ટમાં તે જ ગીત ગાયું હતું, અને ન્યાયાધીશે તેમને પ્રથમ વર્ગની ટિકિટ અને ઘરે પાછા ફરવા માટે 1૦૦ રૂપિયા આપવાનો  આદેશ આપ્યો હતો.

1980માં ભાજપની રચના થયા પછી, તેઓ પશ્ચિમ દિનાજપુર, જલપાઈગુડી અને દાર્જિલિંગ જિલ્લાના સંગઠનાત્મક સંયોજક બન્યા. માત્ર એક વર્ષમાં, તેમણે લગભગ 10 હજાર સભ્યોની નોંધણી કરવામાં મદદ કરી. 1981 થી, તેમણે સતત સાત વર્ષ સુધી જિલ્લા પ્રમુખ તરીકે સેવા આપી, જે એક અસાધારણ સિદ્ધિ છે જ્યારે ભાજપના નેતાઓ સામાન્ય રીતે બે વર્ષથી વધુ સમય સુધી સમાન સંગઠનાત્મક પદ સંભાળી શકતા ન હતા.                                               

 

આ પણ વાંચો

Suvendu Adhikari Oath Ceremony : સુવેન્દુ અધિકારી બંગાળના નવા બોસ, મુખ્યમંત્રી પદના લીધા શપથ

West Bengal CM Oath: સુવેન્દુ અધિકારીસાથે અન્ય ક્યાં નેતાઓએ મંત્રી પદના લીધા શપથ