ઇન્ડિયા ગઠબંધનની બેઠકમાં ઉદ્ધવ ઠાકરે જૂથ સામેલ થશે કે નહીં? જાણો શું છે મોટું અપડેટ?

shiv sena ubt india alliance: દિલ્હીમાં યોજાનારી બેઠકમાં ઉદ્ધવ, આદિત્ય અને સંજય રાઉત વીડિયો કોન્ફરન્સથી જોડાશે; રાઉતે કહ્યું- "અમને નવો મિત્ર મળી ગયો છે."

will uddhav thackeray faction participate in india alliance meeting delhi

Source : PTI

Show Quick Read

Key points generated by AI, verified by newsroom

• ઉદ્ધવ જૂથના નેતાઓ વીડિયો કોન્ફરન્સથી બેઠકમાં જોડાશે.
• DMK ગઠબંધનથી દૂર; રાઉત નવા મિત્રનો દાવો કરે છે.
• DMK એ કોંગ્રેસ પર દગો કરવાનો ગંભીર આરોપ મૂક્યો.

shiv sena ubt india alliance: આગામી 8 જૂન (સોમવારે) દિલ્હીમાં વિપક્ષી દળોના 'ઇન્ડિયા' ગઠબંધનની એક મોટી અને મહત્વની બેઠક યોજાવા જઈ રહી છે. આ બેઠકમાં શિવસેના (ઉદ્ધવ ઠાકરે જૂથ) ભાગ લેશે કે નહીં, તે અંગે મોટો ખુલાસો થયો છે. અહેવાલો મુજબ, ઉદ્ધવ ઠાકરે, આદિત્ય ઠાકરે અને સંજય રાઉત દિલ્હી રૂબરૂ જવાને બદલે વીડિયો કોન્ફરન્સથી આ બેઠકમાં હાજરી આપશે. જ્યારે બીજી તરફ DMK એ આ બેઠકથી છેડો ફાડ્યો છે, જેના પર સંજય રાઉતે પ્રતિક્રિયા આપતા કહ્યું છે કે ગઠબંધનમાં કોઈ ભાગલા નથી પડ્યા, ડીએમકે ગઈ તો અમને બીજો નવો મિત્ર મળી ગયો છે.

સુપ્રિયા સુલે રૂબરૂ હાજરી આપશે

આ મહત્વની બેઠકમાં ઉદ્ધવ બાળાસાહેબ ઠાકરે (UBT) ની શિવસેના વ્યક્તિગત રીતે એટલે કે દિલ્હી જઈને હાજર નહીં રહે. તેઓ ઓનલાઈન માધ્યમથી બેઠકનો હિસ્સો બનશે. જોકે, મહારાષ્ટ્રમાંથી રાષ્ટ્રવાદી કોંગ્રેસ પાર્ટી (શરદ પવાર જૂથ) ના સાંસદ સુપ્રિયા સુલે ખાસ દિલ્હી જઈને આ બેઠકમાં રૂબરૂ હાજરી આપવાના છે.

ઇન્ડિયા ગઠબંધનમાં કોઈ ભાગલા નથી: સંજય રાઉત

શિવસેના UBT ના દિગ્ગજ નેતા અને રાજ્યસભાના સાંસદ સંજય રાઉતે ગઠબંધનમાં ભંગાણની વાતોને સાવ ફગાવી દીધી છે. શુક્રવારે 5 જૂનના રોજ તેમણે સ્પષ્ટ કર્યું કે, "ઇન્ડિયા ગઠબંધનમાં ભાગલા પડ્યા છે તેવું કહેવું એકદમ ખોટું છે. તમિલનાડુની ચૂંટણી પછી DMK એ અમારાથી દૂરી બનાવી લીધી છે, પણ તેના બદલામાં અમને અભિનેતા વિજયની પાર્ટી ટીવીકે (TVK) ના રૂપમાં એક નવો વૈકલ્પિક મિત્ર મળી ગયો છે. એટલે ભાગલાની કોઈ વાત જ નથી."

આ પણ વાંચોઃ મોદી સરકાર સામે મહામંથન: કાલે દિલ્હીમાં ઇન્ડિયા એલાયન્સની બેઠક, 23 પક્ષો આપશે હાજરી

DMK એ કોંગ્રેસ પર લગાવ્યો હતો દગો કરવાનો આરોપ

ઉલ્લેખનીય છે કે, વિપક્ષી ગઠબંધનને મોટો ઝટકો આપતા DMK એ તાજેતરમાં જ એવી જાહેરાત કરી હતી કે 8 જૂને દિલ્હીમાં યોજાનારી બેઠકમાં જો કોંગ્રેસ હાજર રહેશે, તો તેઓ તેમાં ભાગ લેશે નહીં. ગયા મહિને તમિલનાડુ વિધાનસભા ચૂંટણીના પરિણામો આવ્યા બાદ DMK એ કોંગ્રેસ પર પીઠમાં ખંજર ભોંકવાનો અને વિશ્વાસઘાત કરવાનો ગંભીર આરોપ લગાવ્યો હતો. આનું કારણ એ છે કે કોંગ્રેસે ચૂંટણી પછી સરકાર બનાવવા માટે ડીએમકેને બદલે અભિનેતામાંથી રાજકારણી બનેલા વિજયની નવી પાર્ટી 'તમિલગા વેત્રી કઝગમ' (TVK) ને પોતાનો ટેકો જાહેર કરી દીધો હતો.