MP Accident: ભયંકર અકસ્માત, બ્રીજ પર સ્પીડમાં આવતો બાઇક સવાર 60 ફૂટની ઉંચાઇથી ઘરની છત ખાબક્યો, જુઓ વીડિયો

મઘ્યપ્રદેશના બુરહાનપુરમાં એક વિચિત્ર અને ભયંકર અકસ્માત સર્જાયો હતો.ઓવરબ્રીજ પરથી આવતો બાઇક સવાર સીધો જ બ્રીજ નીચે કોઇના ઘર પર ખાબક્યો હતો.

મધ્યપ્રદેશમાં ભયંકર અકસ્માત

MP Accident:મધ્યપ્રદેશના બુરહાનપુર જિલ્લાના નેપાનગર રેલ્વે સ્ટેશન ઓવરબ્રિજ પર એક વિચિત્ર અકસ્માત થયો. આગળના વ્હીલમાં યાંત્રિક ખામીને કારણે બાઇક પર સવાર બે યુવકો પુલના ડિવાઇડર સાથે અથડાયા હતા. ટક્કર બાદ બાઇકની પેસેન્જર સીટ પર બેઠેલો એક વ્યક્તિ 60 ફૂટ ઊંચા પુલ પરથી પડી ગયો અને બ્રિજની નીચે સ્થિત ઘરની છત પર પડ્યો. યુવકને  સામાન્ય ઈજાઓ થઈ છે. અકસ્માત બાદ જોરદાર ધડાકો સંભળાયો હતો અને ઘટનાસ્થળે લોકોના ટોળા ઉમટી પડ્યા હતા. બીજા ઘરની છત પર પડેલા એક વ્યક્તિનો વીડિયો હાલ વાયરલ થયો છે.

લોકલ 18 સાથે વાત કરતા ઘરના માલિક કૈલાશ પઢારિયાએ જણાવ્યું કે, તેઓ તેમના ઘરે ચા પી રહ્યાં હતા ત્યારે ઓવરબ્રિજ પર અકસ્માત સર્જાયો હતો. તેણે પોતાના ઘરની છત પરથી જોરદાર અવાજ સાંભળ્યો. તેણે કહ્યું, "ઘરના બધા લોકો બહાર ગયા અને જોયું કે યુવક છત પર હતો." જોરદાર ધડાકા સાંભળીને લોકો છત પરથી પડી ગયેલા યુવકને બચાવવા ઘર તરફ આવવા લાગ્યા. સ્થળ પર હાજર લોકોએ ધાબા પર ચડીને યુવકને નીચે ઉતાર્યો અને સારવાર માટે નેપાનગરના સામુહિક આરોગ્ય કેન્દ્રમાં લઈ જવાયો હતો.                                                     

ઘાયલનું નામ વિજય મહાજન જણાવવામાં આવી રહ્યું છે. તે બલવાડા ગામનો રહેવાસી છે. તે તેના મિત્ર અજય ચોકસે સાથે બાઇક પર ઘરે જઈ રહ્યો હતો. તે બાઇક ચલાવી રહ્યો હતો, જ્યારે ઉડીને છત પર પડનારનું નામ વિજય મહાજન હતું. અહેવાલો અનુસાર, અકસ્માત મંગળવારે સાંજે 5:00 વાગ્યે થયો હોવાનું કહેવાય છે. અજય ચૌકસેને હાથ અને કમરના ભાગે ઈજાઓ થઈ હતી. નેપાનગર રેલવે ઓવરબ્રિજની ઉંચાઈ લગભગ 60 ફૂટ છે.

બ્રિજની નીચે લાગેલા વીજળીના તાર સાથે યુવક ન અથડાતા  મોટી દુર્ઘટના ટળી હતી. લોકોનું માનવું છે કે, જો સરકારી અધિકારીઓએ  ઓવરબ્રિજની રેલિંગ બનાવી હોત તો  આ અકસ્માત ટાળી શકાયો હોત. આ વિસ્તારના રહીશોએ જવાબદાર અધિકારીઓ  પુલ પર રેલિંગ લગાવવાની માંગણી કરી છે. જેથી  ભવિષ્યમાં આવા અકસ્માતોને ટાળી શકાય.