નવી દિલ્લી:લોકસભા ચૂંટણી 2024ના ચૂંટણી પરિણામો બાદ હવે ભાજપ સાથે ગઠબંધન કરીને એનડીએ સરકાર બનાવવા જઈ રહી છે. આવી સ્થિતિમાં પીએમ મોદી ત્રીજી વખત વડાપ્રધાન તરીકે શપથ લેશે. રાષ્ટ્રપતિ ભવનમાં પીએમ મોદીના શપથ ગ્રહણ સમારોહની તૈયારીઓ પણ ચાલી રહી છે. PM મોદીનો શપથ ગ્રહણ સમારોહ 8 જૂને યોજાય તેવી શક્યતા છે. આ સાથે જ પીએમના શપથ ગ્રહણ સમારોહમાં ઘણા પડોશી દેશોના ટોચના નેતાઓને પણ આમંત્રણ આપવામાં આવ્યું છે.
પડોશી દેશોના આ ટોચના નેતાઓ સામેલ થશે
પીએમ મોદીનો શપથ ગ્રહણ સમારોહ આ વખતે ખાસ રહેશે. PM નરેન્દ્ર મોદી સતત ત્રીજી વખત ભારતના વડાપ્રધાન તરીકે શપથ લેવા જઈ રહ્યા છે. આવી સ્થિતિમાં બાંગ્લાદેશ, શ્રીલંકા, ભૂટાન, નેપાળ અને મોરેશિયસના અગ્રણી નેતાઓ તેમના શપથ ગ્રહણ સમારોહમાં હાજરી આપે તેવી શક્યતા છે.
શ્રીલંકા, બાંગ્લાદેશથી ફોન પર પીએમને અભિનંદન
શ્રીલંકાના વડાપ્રધાન રાનીલે વિક્રમસિંઘે પીએમ મોદીને ફોન કરીને ત્રીજી વખત વડાપ્રધાન તરીકે ચૂંટાવા બદલ અભિનંદન પાઠવ્યા છે. તેના પર પીએમ મોદીએ તેમને શપથ ગ્રહણ કાર્યક્રમમાં આમંત્રણ આપ્યું હતું. શ્રીલંકાના પીએમએ પણ મોદીનું આમંત્રણ સ્વીકાર્યું છે. પીએમ મોદીએ બાંગ્લાદેશના પીએમ શેખ હસીના સાથે પણ વાત કરી હતી. શપથ ગ્રહણમાં શેખ હસીની પણ હાજરી આપશે. આ સિવાય નેપાળના પીએમ પુષ્પ કમલ દહલ 'પ્રચંડ', ભૂટાનના પીએમ શેરિંગ તોબગે અને મોરેશિયસના પીએમ પ્રવિંદ જગુનાથ પણ શપથ ગ્રહણ કાર્યક્રમમાં હાજરી આપવાના છે.
ભારતની 18મી લોકસભા ચૂંટણીમાં NDA સરકાર 293 બેઠકો સાથે સરકાર બનાવવા જઈ રહી છે. ઈન્ડિયા બ્લોકે બુધવારની બેઠક બાદ નિર્ણય લીધો છે કે તે સરકાર બનાવવાનો પ્રયાસ નહીં કરે પરંતુ મજબૂત વિપક્ષ તરીકે ગૃહમાં રહેશે.