Rajkot: ગોંડલ-આટકોટ રોડ પર કાર પુલ નીચે ખાબકી, બાળક સહિત 3 લોકો જીવતા ભડથું
રાજકોટ જિલ્લાના ગોંડલ-આટકોટ રોડ પર એક ગોજારી અકસ્માતની ઘટના બની છે. કારના ચાલકે સ્ટેયરિંગ પરથી કાબુ ગુમાવતા કાર બેકાબૂ થઈ પુલ પરથી નીચે ખાબકી હતી.
રાજકોટ: રાજકોટ જિલ્લાના ગોંડલ-આટકોટ રોડ પર એક ગોજારી અકસ્માતની ઘટના બની છે. કારના ચાલકે સ્ટેયરિંગ પરથી કાબુ ગુમાવતા કાર બેકાબૂ થઈ પુલ પરથી નીચે ખાબકી હતી. કાર પલટી માર્યા બાદ આ કારમાં અચાનક જ આગ લાગી ગઈ હતી. થોડીવારમાં કાર આગના ગોળામાં ફેરવાઈ ગઈ હતી. આ કારમાં આગ લાગવાની ઘટના બનતા તેમાં સવાર 3 લોકો ગાડીમાંથી બહાર નીકળે તે પહેલા જ જીવતા ભડથું થયા હતા. આ કાર અકસ્માતની ઘટનામાં એક બાળક સહિત 3 લોકોએ જીવ ગુમાવ્યા છે.
આ ઘટનામાં એક બાળક સહિત કુલ 3 લોકોના મૃત્યુ
આ અકસ્માતની ઘટના અંગેની જાણ થતા જ સ્થાનિક ફાયર બ્રિગેડની ટીમ ઘટના સ્થળે પહોંચી હતી. ફાયર બ્રિગેડે પાણીનો મારો ચલાવીને આગને કાબૂમાં લીધી હતી. આ ઘટનામાં એક બાળક સહિત કુલ 3 લોકોના મૃત્યુ થયાં છે. ગોંડલ પોલીસે સમગ્ર ઘટનામાં અકસ્માતે મોતનો ગુનો નોંધીને વધુ તપાસ હાથ ધરી હતી.
કાર અનિયંત્રિત થઈને પુલ નીચે ખાબકી
મોટા માંડવા અને મોટા દડવા ગામ વચ્ચે કાર અનિયંત્રિત થઈને પુલ નીચે ખાબકી હતી. કાર પુલ નીચે પટકાતાની સાથે જ તેમાં ભીષણ આગ લાગી ગઈ હતી. કાર પુલ નીચે ખાબકતા તેમાં સવાર ત્રણ મુસાફરો બહાર નિકળી શક્યા નહીં અને જીવતા ભડથું થઈ ગયા હતા. હ્યુન્ડાઈ ઓરા કાર ગોંડલ-આટકોટ હાઈવે પરથી પસાર થઈ રહી હતી ત્યારે ચાલકે સ્ટિયરિંગ પરથી કાબૂ ગુમાવ્યો હતો. કાર અંદાજે 6 ફૂટ ઊંચા પુલ પરથી નીચે ખાબકી હતી. કાર નીચે ખાબકતા સાથે જ તેમાં શોર્ટ સર્કિટ અથવા તો ફ્યુલ લીકેજને કારણે ભીષણ આગ ફાટી નીકળી હતી.
હજુ સુધી આ અકસ્માતનું કારણ સ્પષ્ટ નથી થયું
આ ગમખ્વાર અકસ્માત પાછળનું કારણ હજુ સ્પષ્ટ નથી. વહેલી સવારના ગાઢ ધુમ્મસને કારણે ઓછી વિઝિબિલિટી હોવાની અથવા તો ચાલકને ઊંઘ આવી ગઈ હોવાની શક્યતા વ્યક્ત કરવામાં આવી રહી છે. ગોંડલ પોલીસે ઘટનાસ્થળે પંચનામું કર્યું હતું અને કારના નંબર તેમજ એન્જિન નંબરના આધારે મૃતકોની ઓળખ અને માલિકની શોધખોળ શરુ કરી હતી. હાલ તો આ અકસ્માતની ઘટનાથી સમગ્ર ગોંડલ પંથકમાં શોકનું મોજું ફરી વળ્યું છે.
ટોપ સ્ટોરી
ટ્રેન્ડિંગ સમાચાર
