Local Body Election 2026: રાજકોટ મહાનગરપાલિકાના 18 વોર્ડમાં ભાજપના 72 ઉમેદવાર જાહેર, જાણો કોને મળી ટિકિટ
ભારતીય જનતા પાર્ટીએ હવે લાંબી રાહ જોવડાવ્યા બાદ રાજકોટ મહાનગરપાલિકાના 18 વોર્ડમાં 72 ઉમેદવારોના નામની જાહેરાત કરી છે.
- રાજકોટ મનપાના 18 વોર્ડમાં 72 ઉમેદવારોની જાહેરાત થઈ.
- પૂર્વ મેયર પ્રદીપ ડવ સહિત અનેક દિગ્ગજોને મળી ટિકિટ.
- રાજકોટ મનપા ચૂંટણી માટે ભાજપ સક્રિય બન્યું.
રાજકોટ : સ્થાનિક સ્વરાજની ચૂંટણીને લઈ ગુજરાતમાં ભારતીય જનતા પાર્ટી દ્વારા તબક્કાવાર ઉમેદવારો જાહેર કરવામાં આવી રહ્યા છે. ત્યારે ભારતીય જનતા પાર્ટીએ હવે લાંબી રાહ જોવડાવ્યા બાદ રાજકોટ મહાનગરપાલિકાના 18 વોર્ડમાં 72 ઉમેદવારોના નામની જાહેરાત કરી છે. રાજકોટ મહાનગરપાલિકામાં કુલ 18 વોર્ડમાં 72 બેઠકો પર ઉમેદવાર જાહેર કર્યા છે.
ભારતીય જનતા પાર્ટી દ્વારા તબક્કાવાર નગરપાલિકા, મહાનગરપાલિકા, તાલુકા અને જિલ્લા પંચાયતની બેઠકો માટે પોતાના ઉમેદવારોની જાહેરાત કરી રહ્યું છે. હવે રાજકોટ મનપાના ઉમેદવારોના નામની જાહેરાત કરી છે.
સ્થાનિક સ્વરાજ્યની ચૂંટણી અંતર્ગત પ્રદેશ અધ્યક્ષ શ્રી @iJagdishBJP ના અધ્યક્ષસ્થાને મળેલી પ્રદેશ ચૂંટણી સમિતિની બેઠકમાં રાજકોટ મહાનગરપાલિકાના ઉમેદવારોની પસંદગી કરવામાં આવી.
વિજય ભવ: #કમળ_ખીલશે_વિકાસ_જીતશે pic.twitter.com/chrqgsQBIn— Dr Madhav Dave (@BJPDrMadhavDave) April 10, 2026
પૂર્વ મેયર પ્રદીપ ડવને ટિકિટ આપવામાં આવી છે. નરેન્દ્રસિંહ જાડેજાને વોર્ડ નંબર 3 માંથી ટિકિટ મળી છે. ઘનશ્યામ હેરમાને વોર્ડ નંબર-10માંથી ટિકિટ આપવામાં આવી છે. વોર્ડ નંબર -12માંથી કિશન ટિલવાને ટિકિટ મળી છે.
ભારતીય જનતા પાર્ટીએ વોર્ડ નંબર-1માં અંજના મુરઝરીયા અને સેજલ ચૌધરીને ટિકિટ આપી છે. વોર્ડ-1માં જયરાજસિંહ જાડેજા અને પરેશ ઠાકરને ટિકિટ આપવામાં આવી છે. વોર્ડ-2માં દક્ષાબેન વાઘેલા, મીનાબા જાડેજાને ટિકિટ આપવામાં આવી છે.
આ સિવાય વોર્ડ નંબર-2માં શૈલેષ વસાણી અને ધૈર્ય પારેખને ટિકિટ આપવામાં આવી છે. વોર્ડ-3માં અલ્પા દવે અને હીના બેલાણીને ટિકિટ આપવામાં આવી છે. વોર્ડ-3માં અજય મજેઠીયા અને નરેન્દ્રસિંહ જાડેજાને ટિકિટ આપવામાં આવી છે. વોર્ડ-4માં કંકુબેન ઉધરેજા અને રાજેશ્વરી માલવિયાને ટિકિટ આપવામાં આવી છે.
રાજકોટ મનપામાં વોર્ડ નંબર-4માં ભરતભાઈ લિંબાસિયા અને કાળુભાઈ કુંગસિયાને ટિકિટ આપવામાં આવી છે. વોર્ડ નંબર-5માં રસીલાબેન સાકરીયા અને સ્મીતાબેન ગોહિલને ટિકિટ આપવામાં આવી છે. વોર્ડ નંબર -5માં સંજય ચાવડા અને દિલીપ લુણાગરીયાને ટિકિટ આપવામાં આવી છે. વોર્ડ નંબર -6માં ધર્મિષ્ઠાબેન પરમાર અને પૂનમબેન મોરવડિયાને ટિકિટ આપવામાં આવી છે. વોર્ડ નંબર -6માં અનિલ ચૌહાણ અને પરેશ પીપળીયાને ટિકિટ આપવામાં આવી છે.
આ પહેલા જિલ્લા પંચાયત અને તાલુકા પંચાયતના ઉમેદવારો કર્યા હતા જાહેર
રાજકોટ જિલ્લા પંચાયતની 33 બેઠકો અને ગોંડલ, જેતપુર, લોધિકા સહિતની તાલુકા પંચાયતોના તમામ ઉમેદવારોની જાહેરાત કરવામાં આવી છે. ગુજરાત પ્રદેશ અધ્યક્ષ જગદીશ વિશ્વકર્માના અધ્યક્ષસ્થાને મળેલી પ્રદેશ ચૂંટણી સમિતિની બેઠકમાં થયેલી વિસ્તૃત ચર્ચા બાદ આ યાદીને આખરી ઓપ આપવામાં આવ્યો છે.
ઉમેદવારોના નામની જાહેરાત સાથે જ રાજકોટ જિલ્લામાં રાજકીય માહોલ ગરમાયો છે. પક્ષના કાર્યકરોમાં ભારે ઉત્સાહ જોવા મળી રહ્યો છે. ભાજપે જ્ઞાતિ અને વિસ્તારના સમીકરણો ધ્યાને રાખીને સક્ષમ ઉમેદવારોની પસંદગી કરી હોવાનું રાજકીય વિશ્લેષકો કહી રહ્યા છે.
ટોપ સ્ટોરી
ટ્રેન્ડિંગ સમાચાર
