રાજકોટમાં વાલીઓ માટે લાલબત્તી સમાન કિસ્સો, સ્કૂલવાનના ડ્રાઈવરે વિદ્યાર્થિની સાથે દુષ્કર્મ આચર્યું
રાજકોટમાં માતા-પિતા માટે લાલબત્તી સમાન કિસ્સો સામે આવ્યો છે. ધોરણ 9માં અભ્યાસ કરતી બાળકી પર સ્કૂલવાન ચાલકે વાનમાં જ દુષ્કર્મ ગુજાર્યાની ચકચાર મચાવતી ઘટના સામે આવી છે.
રાજકોટમાં માતા-પિતા માટે લાલબત્તી સમાન કિસ્સો સામે આવ્યો છે. ધોરણ 9માં અભ્યાસ કરતી બાળકી પર સ્કૂલવાન ચાલકે વાનમાં જ દુષ્કર્મ ગુજાર્યાની ચકચાર મચાવતી ઘટના સામે આવી છે. આ વાન ચાલકે એક નહીં બે વાર દુષ્કર્મ કર્યાનું પણ સામે આવ્યું છે. 14 વર્ષની દીકરીની માતાએ આ અંગે માલવિયાનગર પોલીસ સ્ટેશનમાં આ અંગેની ફરિયાદ નોંધાવી હતી. જે બાદ માલવિયા પોલીસે 35 વર્ષના રમેશ ખરા નામના સ્કૂલવાન ચાલકની ધરપકડ કરી લીધી છે. ધોરણ નવમાં અભ્યાસ કરતી વિદ્યાર્થિની પર સ્કૂલવાન ચાલક રમેશ ખરાએ દુષ્કર્મ કર્યાનો આરોપ લાગ્યો છે.
પોલીસ તપાસમાં ખુલાસો થયો કે આરોપી રમેશે વિદ્યાર્થિનીના ફોન નંબર મેળવીને સગીરા સાથે વોટ્સએપ પર વાતચીત કરતો હતો. બે દિવસ અગાઉ અમીન માર્ગ નજીક અવાવરૂ વિસ્તારમાં લઈ જઈ સ્કૂલવાનના ડ્રાઈવર રમેશે વિદ્યાર્થિની સાથે દુષ્કર્મ આચર્યુ હતું. સગીરાના પરિવારજનોની ફરિયાદના આધારે માલવીયાનગર પોલીસે આરોપી રમેશ ખરાની ધરપકડ કરી હતી. 14 વર્ષીય સગીરા એકાદ વર્ષથી આરોપીની સ્કૂલવાનમાં જતી હતી. પોલીસે દુષ્કર્મ,પોક્સો, છેડતી સહિતની કલમ હેઠળ ફરિયાદ નોંધી હતી. આરોપીએ સગીરાના ફોન નંબર મેળવી વાતો કરતો હતો. બે દિવસ પૂર્વે અમીન માર્ગ નજીક અવાવરું વિસ્તારમાં લઈ જઈ પીડિતાની મરજી વિરુદ્ધ દુષ્કર્મ આચર્યું હોવાનો આરોપ છે. આરોપી રમેશ ખરાને 12 વર્ષની દીકરી હોવાનું ખુલ્યું છે.
રાજકોટમાં બીજી એક ઘટનામાં સ્કૂલ બસચાલકે વિદ્યાર્થીની પર દુષ્કર્મ આચર્યું હતું. વીંછિયામાં વિદ્યાર્થિની સાથે સ્કૂલ બસ ચાલકે દુષ્કર્મ આચર્યાનો આરોપ લાગ્યો છે. 50 વર્ષના સ્કૂલબસ ડ્રાઈવરે 5 વર્ષની બાળકીને બે-બે વાર પીંખીને દુષ્કર્મ આચર્યું હોવાની ફરિયાદ નોંધાતા ખળભળાટ મચી ગયો છે. હેવાને 13 અને 20 જાન્યુઆરીના રોજ એટલે આઠ દિવસના ગાળામાં 2 વખત બાળકીને પોતાની હવસનો શિકાર બનાવી હતી. સ્કૂલેથી ઘરે મૂકવા જતી વખતે રસ્તામાં વાડી વિસ્તારમાં લઈ જઈને બે-બે વાર દુષ્કર્મ આચર્યું હતું. વાલીની ફરિયાદ બાદ પોલીસે તુરંત સ્કૂલ બસના ડ્રાઈવર કાળુ છાવેની ધરપકડ કરી હતી. વિંછીયા પંથકમાં રહેતી 5 વર્ષની બાળકી દરરોજ સ્કૂલવાનમાં શાળાએ જતી હતી. છેલ્લા થોડા દિવસોથી બાળકી અચાનક ઉદાસ રહેવા લાગી હતી. જ્યારે બાળકીએ રડતા-રડતા શાળાએ જવાનો સ્પષ્ટ ઇનકાર કરી દીધો, ત્યારે પરિવારજનોને શંકા ગઈ હતી. વાલીઓએ જ્યારે પ્રેમથી પૂછપરછ કરી ત્યારે માસૂમ બાળકીએ સ્કૂલવાન ચાલકની કરતૂતો જણાવી હતી.
ટોપ સ્ટોરી
ટ્રેન્ડિંગ સમાચાર
