સુરત: શહેરમાં ફરી ભ્રષ્ટાચારની ગંધ આવી રહી છે. સ્માર્ટ સિટીનો 3.34 કિમી સીસી રોડનો 10% હિસ્સો જ 'ગાયબ' થયો હોવાની વાત સામે આવી રહી છે. આ ઉપરાંત 21.28% કામ ખરાબ હોવાની પણ ચર્ચા છે, છતાં પણ કોન્ટ્રાક્ટરને ફુલ પેમેન્ટ આપવામાં આવ્યું અને બીજા પ્રોજેક્ટોની લ્હાણી પણ કરવામાં આવી. મોટા વરાછામાં બનેલા સીસી રોડની કામગીરીમાં ક્ષતિનો RTIમાં ખુલાસો થયો છે. આનો રેલો છેક ગાંધીનગર પહોંચ્યો છે. શહેરી વિકાસ વિભાગે કોર્પોરેશન પાસે આ અંગે ખુલાસો માગ્યો છે. સીસી રોડનું 21.28% કામ ખરાબ હોવાનું SVNITના રિપોર્ટમાં સામે આવ્યું છે. આ પ્રોડેક્ટમાં 35 કરોડ ચૂકવાયા પણ કામગીરી સાવ હલકી કક્ષાની થઈ હોવાની વાત સામે આવી છે. ગ્રીન ડિઝાઈન & એન્જિનિયરીંગ તેમજ જે.પી. સ્ટ્રક્ચરને બ્લેક લિસ્ટ કરવા માગ ઉઠી છે.
સીએમ ભુપેન્દ્ર પટેલના હસ્તે મેંગો ફેસ્ટિવલનું ઉદ્ઘાટન, દેશભરની કેરીઓનો સ્વાદ એક જ જગ્યાએ ચાખવા મળશે
Mango Festival: રાજ્યના પાટનગર ગાંધીનગર ખાતે નેશનલ મેંગો ફેસ્ટિવલ 2022નું આયોજન કરવામાં આવ્યું છે. જેમાં દેશના ખુણે ખુણેથી અનેક પ્રકારની કેરીઓ એક જ જગ્યાએ ચાખવા મળશે. આ પ્રસંગે સીએમ ભુપેન્દ્ર પટેલ મેંગો ફેસ્ટિવલ ખાતે પહોંચ્યા છે. મુખ્યમંત્રીએ મેંગો ફેસ્ટિવલનું ઉદ્ઘાટન કરાવ્યું. દેશભરમાં ઉત્પાદિત થતી કેરીઓનું પ્રદર્શન યોજવામાં આવ્યું છે. આજથી ત્રણ દિવસ મેંગો ફેસ્ટિવલ ચાલશે. મળતી માહિતી પ્રમાણે અહીં 50 સ્ટોલ ઉભા કરવામાં આવ્યા છે. જેમાં 100 પ્રકારની કેરીઓની જાતો જોવા મળશે.
દેશના અલગ અલગ રાજ્યોની કેરીઓ અને તેની ખાસિયત અને કિંમત
તમિલનાડુતોતાપુરીડીડીકલ જિલ્લામાં ઉત્પાદન.50 રૂપિયે કિલો.
આંધ્રપ્રદેશબદામ દામાચુ વિસ્તાર100 રૂપિયે કિલો.
કેરલા.કેરલા હાફૂસપાલેકટ 2 ડઝન 800 ભાવ
કર્ણાટકબદામ હાફૂસ800 2 ડઝન
રાજસ્થાનબાસવાડારાજસ્થાન કેસરદશેરીલગડામલ્લિકા150 રૂપિયે કિલો
બિહારજરદાલુંમોતિહારી130 રૂપિયે કિલો
પશ્ચિમ બંગાળહિંમસાગરમલ્લા200 રૂપિયે કિલો.
ઉત્તર પ્રદેશદશહરીલખનૌવ55 થી 60 રૂપિયા
રાજ્યમાં પવનગતિમાં વધારો થશે
Pre Monsoon Activity: રાજ્યમાં છેલ્લા ઘણા દિવસથી વાતાવરણમાં પલટો જોવા મળી રહ્યો છે. કેટલીક જગ્યાઓ તો વરસાદ પણ પડ્યો છે, જેના કારણે લોકોને અસહ્ય ગરમીમાંથી રાહત મળી છે. તો આજે અમદાવાદમાં સવારથી જ વાદળછાયુ વાતાવરણ જોવા મળી રહ્યું છે. હવામાન વિભાગની આગાહી પ્રમાણે તારીખ ૨૭, ૨૮ અને ૨૯ના રોજ રાજ્યમાં પવનગતિમાં વધારો થશે. હવામાન વિભાગ દ્વારા પ્રિ મોનશુન એક્ટિવિટી શરૂ થવાની આગાહી કરવામાં આવી છે. સવારથી જ વાદળોના કારણે ગરમીથી લોકોને રાહત મળી છે. તપામાનમા ૩ ડિગ્રી જેટલો ઘટાડો થયો છે.