આ અંગે નોંધાયેલી ફરિયાદના કેસમાં સુરત જિલ્લા એલ.સી.બી અને એસ.ઓ.જી એ સંયુક્ત કામગીરી કરી 2 આરોપીને ઝડપી લીધા છે. પોલીસે નવસારીના પારડી ગામના અમિત સંજય હળપતિ અને હિતેશ શંકર હળપતિની ધરપકડ કરી છે.
બારડોલી તાલુકાના એક ગામની યુવતી સાથે બનેલી ગેંગરેપ ની ઘટનામાં પરિણીત પ્રેમી અને તેના ચાર મિત્રોએ સામૂહિક બળાત્કાર ગુજાર્યો હતો. ગુરુવારે રાત્રે મહુવાના મહુડી ગામે આ ઘટના બની હતી. પરિણીત પ્રેમી સાથે બાઈક પર બેસીને સગીરા ફરવા ગઈ હતી. પ્રેમી તેને એક બંગલીમાં લઈ ગયો હતો અને તેની સાથે શારિરિક સંબંધો બાંધ્યા પછી સગીરાને મધ્ય રાત્રીએ પરિણીત પ્રેમીએ અન્ય 4 મિત્રો ના હવાલે કરી હતી. આ ચારેયે યુવતી પર સામૂહિક બળાત્કાર ગુજાર્યો હતો. બળાત્કાર પછી પરિણીત પ્રેમી સહિત ચારેય મિત્રો ફરાર થઈ ગયા હતા. આ કેસમાં યુવતીએ મોડી રાત્રે બારડોલી પોલીસ મથકે ફરિયાદ પછી પોલીસે બે આરોપીને ઝડપી લીધા છે.