ગુંડાની શાન ઠેકાણે આવી! ચિરાગ ગોટીના રિકન્સ્ટ્રક્શનમાં ઉમટ્યો જનઆક્રોશ, પોલીસે માંડ જીવ બચાવ્યો

સુરતના કુખ્યાત ચિરાગ ગોટીનું પોલીસ રિકન્સ્ટ્રક્શન દરમિયાન લોકોએ સરઘસ કાઢ્યું. ડ્રગ્સ પ્લાન્ટ કરવાના કેસમાં પકડાયેલા ગુંડા પર રોષે ભરાયેલા લોકોએ ટપલી દાવ કર્યો અને શર્ટ ફાડી નાખ્યો.

Chirag Goti Surat

Source : abp asmita

Show Quick Read

Key points generated by AI, verified by newsroom

• ચિરાગ ગોટીને ઘટનાસ્થળે લઈ જતા લોકોનો રોષ ફાટી નીકળ્યો.
• પોતાના ભાગીદારને ફસાવવા ડ્રગ્સ પ્લાન્ટ કરવાનું ષડયંત્ર રચ્યું.
• નેપાળ ભાગી ગયા બાદ સુરત કોર્ટમાં આત્મસમર્પણ કર્યું.
• સ્થાનિકોએ 'તાલિબાની' ત્રાસમાંથી મુક્તિ મળતા ન્યાયની આશા.

Chirag Goti Surat: સુરત શહેરના સિંગણપોર વિસ્તારમાં સોમવાર, 16 ફેબ્રુઆરી 2026 ના રોજ ત્યારે હિંસક દ્રશ્યો સર્જાયા જ્યારે સુરત એસઓજી (SOG) પોલીસ કુખ્યાત ગુનેગાર ચિરાગ ગોટીને રિકન્સ્ટ્રક્શન માટે ઘટનાસ્થળે લઈ ગઈ હતી. ભાગીદારની કારમાં ડ્રગ્સ પ્લાન્ટ કરવાના ગંભીર ષડયંત્ર અને નિર્દોષોને 'તાલિબાની' સજા આપી ત્રાસ ગુજારનાર ચિરાગ ગોટી સામે લોકોનો આક્રોશ ફાટી નીકળ્યો હતો. રિકન્સ્ટ્રક્શન પ્રક્રિયા દરમિયાન હજારો સ્થાનિકો રોડ પર ઉતરી આવ્યા હતા અને પોલીસ સુરક્ષા વચ્ચે જ ચિરાગ ગોટી પર હુમલો કરી તેનો શર્ટ ફાડી નાખ્યો હતો. પોલીસે ભારે જહેમત બાદ ભીડના ચુંગાલમાંથી માથાભારે શખ્સને બચાવી સુરક્ષિત સ્થળે ખસેડ્યો હતો.

ડ્રગ્સ પ્લાન્ટ કરવાનું ઘૃણાસ્પદ ષડયંત્ર અને નેપાળ સુધીની ફરાર

આ ઘટનાની તપાસમાં ચોંકાવનારો ભાંડો ફૂટ્યો છે. આશરે 10 મહિના પહેલા સિંગણપોર પોલીસે ઓઈલના વેપારી અલ્પેશ મિયાણીને 7.87 લાખ રૂપિયાના ડ્રગ્સ સાથે પકડ્યો હતો. જોકે, ઊંડી તપાસમાં બહાર આવ્યું કે ચિરાગ ગોટીએ પોતાના ભાગીદાર અલ્પેશ સાથેની અંગત અદાવતમાં તેને ફસાવવા માટે જ તેની કારમાં ડ્રગ્સ મૂક્યું હતું અને પોતે જ બાતમીદાર બની પોલીસને જાણ કરી હતી. ગુનો નોંધાતા જ શાતિર ચિરાગ પોલીસને થાપ આપી નેપાળ ભાગી ગયો હતો અને ત્યાં અલગ અલગ હોટલોમાં રોકાઈને ધરપકડ ટાળતો રહ્યો હતો. અંતે દબાણ વધતા તેણે સુરત કોર્ટમાં સરન્ડર કર્યું હતું.

લોકોમાં ફાંસીની માંગ અને પોલીસ ચોપડે 6 થી વધુ ગુના

ચિરાગ ગોટીની ધરપકડથી આખા વિસ્તારમાં ન્યાયની આશા જાગી છે. રિકન્સ્ટ્રક્શન વખતે લોકોના હાથમાં બેનરો અને પોસ્ટરો હતા જેમાં ચિરાગને ફાંસીની સજા આપવાની માંગણી કરવામાં આવી હતી. સામાન્ય રીતે ગુનેગારોનો ખોફ હોય છે, પરંતુ અહીં લોકોએ નિર્ભય બનીને તેની ધરપકડ પર ખુશી વ્યક્ત કરી હતી. પોલીસ રેકોર્ડ મુજબ, ચિરાગ ગોટી સામે અત્યાર સુધીમાં ખંડણી, ધમકી અને મારામારી સહિતના 6 થી વધુ ગંભીર ગુનાઓ નોંધાયેલા છે.

તાલિબાની ત્રાસથી મુક્તિ મળતા સ્થાનિકોમાં ન્યાયનો વિશ્વાસ

ભોગ બનનાર પરિવારો અને સ્થાનિક રહીશોએ પોલીસને જણાવ્યું કે ચિરાગ ગોટી નિર્દોષ લોકોને ડરાવી ધમકાવીને વસૂલાત કરતો હતો. તેની 'તાલિબાની' પદ્ધતિથી આખો વિસ્તાર ભયના ઓથાર હેઠળ હતો. રિકન્સ્ટ્રક્શન વખતે થયેલી ધક્કા મુક્કી અને લોકોના રોષને જોતા સુરત પોલીસે આગામી સમયમાં વધુ કડક કાયદાકીય કાર્યવાહી અને પાસા (PASA) હેઠળની દરખાસ્તની દિશામાં પણ તપાસ તેજ કરી છે.