Surat: સુરતની લાજપોર જેલમાંથી એક સનસનીખેજ ઘટના સામે આવી છે, અહીં કેદીઓને પોતાના સ્વજનો વીઆઇપી સગવડ પુરી પાડતા અને સીમકાર્ડ પહોંચાડતા હતા, આ અંગે હવે પોલીસે કાર્યવાહી કરીને કેદીઓને સીમકાર્ડ આપનારા બે સ્વજનોની ધરપકડ કરી લીધી છે.
સુરત લાજપોર જેલમાં કેદીઓને વી.આઇ.પી. સગવડ પૂરી પાડનારની પોલીસે ધરપકડ કરી લીધી છે. ગઇ 24 અને 25ની માર્ચે રાજ્યની જેલમાં થયેલા ચેકિંગમાં હવે નવી વળાંક આવ્યો છે. આ દરમિયાન રાજ્યની સુરતની લાજપોર જેલમાંથી ૧૦ મોબાઇલ ફોન મળી આવ્યા હતા. બે કેદીઓને બે સીમકાર્ડ આપનાર તેમના બે સ્વજનોની પોલીસે આ મામલે હવે ધરપકડ કરી છે. ગઇ ૨૪-૨૫ની માર્ચે રાજ્યોની તમામ જેલમાં ગૃહમંત્રી હર્ષ સંઘવીના આદેશથી સરપ્રાઇઝ ચેકિંગ હાથ ધરાયુ હતુ. લાજપોર જેલમાંથી ૧૦ અલગ અલગ બેરેકમાંથી ૧૦ મોબાઇલ ફોન ઉપરાંત નશીલા પદાર્થ પણ મળી આવ્યા હતા.
જેલમાં મોબાઇલ ફોન મળવાના ગુનાની ક્રાઇમ બ્રાન્ચ તપાસ કરી રહી હતી, સુરતના ડિંડોલી મહાદેવનગરના ગણેશ દિલીપ કુંભારકર અને લિંબાયત સ્લમબોર્ડના સજ્જાદ મુખ્તાર શેખની ધરપકડ કરી છે. ખાસ વાત છે કે, ગણેશનો માસીનો પુત્ર અજય ઉર્ફે જાકીયા ગુલાબ ખરે છેલ્લાં ત્રણ વર્ષથી હત્યાના ગુનામાં લાજપોર જેલમાં બંધ છે, જોકે, તે પોતાના ઘરે વાત કરી શકે તે માટે કોર્ટની તારીખમાં આવ્યો ત્યારે તેને ગુપચુપ સીમકાર્ડ અપાયુ હતુ. સજ્જાદનો મિત્ર ફારૂખ પાર્સલ પણ હત્યાના ગુનામાં જેલમાં હતો અને તેને પણ માર્ચ મહિનામાં પોલીસે રેઇડ કરી તેના એક મહિના પહેલાં સીમકાર્ડ આપ્યુ હતુ.
Surat: કપડાં બદલતો અશ્લીલ વીડિયો ઉતારી પરિણીતાનું બ્લેકમેઇલિંગ કરતાં શખ્સ સામે ગુનો દાખલ, કરતો હતો બિભત્સ માંગણીઓ
Surat: સુરતમાંથી અશ્લીલ વીડિયો ઉતારીને પરિણીતાને બ્લેક મેઇલિંગ કરવાનું ષડયંત્ર બહાર આવ્યુ છે, પરિણીતાનો કપડાં બદલતો અશ્લીલ વીડિયો ઉતારીને એક શખ્સે તેને બ્લેકમેઇલિંગ કર્યુ હતુ, યુવકે પરિણીતા સામે અભદ્ર માંગણીઓ શરૂ કરી દીધી હતી, સમગ્ર મામલો બહાર આવ્યા બાદ આ અંગે પોલીસ ફરિયાદ નોંધાઇ છે, અને તપાસ હાથ ધરવામાં આવી છે. માહિતી પ્રમાણે, સુરતમાં કપડાં બદલતો અશ્લીલ વીડિયો ઉતારી કતારગામની પરિણીતાનું બ્લેકમેઇલિંગ કરવાની ઘટના સામે આવી છે. છેલ્લા કેટલાક દિવસોથી સુરત કતારગામની પરિણીતાનો કપડાં બદલતો અશ્લીલ વીડિયો ઉતારી બ્લેકમેઇલિંગ કરવામાં આવી રહ્યું હતુ, એટલુ જ નહીં અભદ્ર માંગણી કરતા જૂનાગઢના યુવક સામે બાદમાં આ અંગે ગુનો દાખલ કરવામાં આવ્યો હતો.
માહિતી પ્રમાણે, સુરતના કતારગામમાં રહેતી ૨૨ વર્ષીય પરિણીતા પ્રિયા હૉસ્પીટલમાં રિસેપ્સનિસ્ટ તરીકે કામ કરે છે. ગઇ ફેબ્રુઆરી માસમાં તેના લગ્ન થયા હતા. વર્ષ ૨૦૧૮માં તે ભટાર ખાતે ખાનગી કંપનીમાં નોકરી કરતી હતી, ત્યારે સરકારી NIRR પ્રૉજેક્ટના લીડર હિરેન મહેતા સાથે પરિચય થયો હતો. મોબાઇલ પર તેઓ નિયમિત વાતચીત કરતા હતા. હિરેને વૉટ્સએપ પર મેસેજ કરી પ્રેમનો પ્રસ્તાવ પ્રિયા સમક્ષ મૂક્યો હતો. જે-તે સમયે હિરેને પ્રિયાનો કપડાં બદલતો વીડિયો મોબાઇલમાં ઉતારી લીધો હતો. જે વીડિયો થકી તે વારંવાર પરિણીતા પ્રિયાને બ્લેકમેઇલ કરતો હતો, અને વધુ અશ્લીલ ફોટા-વીડિયો મોકલવા માંગણી કરતો હતો. પરિણીતાએ હિરેન સાથે સંબંધ તોડી નાંખ્યા હતા. લગ્ન થઇ ગયા બાદ પણ હિરેને પરિણીતાને જૂનો બિભત્સ વીડિયો મોકલી બીજા વીડિયો મોકલવા માંગણી કરતો હતો, એટલુ જ નહીં વીડિયો વાયરલ કરવાની પણ ધમકી આપવા સાથે અભદ્ર માગંણી કરતો હતો. આખરે પરિણીતાએ પતિને વાત કરતા સમગ્ર મામલો પોલીસ સ્ટેશન પહોંચ્યો હતો. કતારગામ પોલીસે હિરેન દેવેન્દ્ર મહેતા સામે આ મામલે છેડતીનો ગુનો નોંધીને આગળની તપાસ હાથ ધરી હતી. પોલીસે ટેકનિકલ સર્વેલન્સના આધારે તપાસનો ધમધમાટ પણ શરૂ કરી દીધો છે.