Vadodara: વડોદરાના કરજણમાં સીએનજી કારમાં બ્લાસ્ટ, ગેસ ભરાવતી વખતે CNG સિલિન્ડર ફાટ્યો

Vadodara News: વડોદરામાં ફટાકડા બજાર ધમધમ્યું! ખરીદી માટે લોકોની ભારે ભીડ

gujarati.abplive.com — Fri, 6 Nov 2026 22:56:09 +0530

Vadodara News: વડોદરામાં ફટાકડા બજાર ધમધમ્યું! ખરીદી માટે લોકોની ભારે ભીડ

Vadodara News: વડોદરામાં અનોખું ગૌપૂજન! ધનતેરસે કામધેનુ ગાયની જોડીની કરી પૂજા

gujarati.abplive.com — Fri, 6 Nov 2026 22:54:57 +0530

Vadodara News: વડોદરામાં અનોખું ગૌપૂજન! ધનતેરસે કામધેનુ ગાયની જોડીની કરી પૂજા

Vadodara: દિવાળી ટાણે જ CNG અને PNGના ભાવમાં થયો વધારો, વડોદરામાં 90.50 રૂ. પ્રતિ કિલો મળશે CNG

એબીપી અસ્મિતા વેબ ટીમ — Mon, 2 Nov 2026 12:17:38 +0530

Vadodara Gas Price Hike: દિવાળી પહેલા જ વડોદરાવાસીઓને મોંઘવારનો વધુ એક માર સહન કરવો પડશે, તહેવારો ટાણે જ ઇંધણના ભાવમાં વધારો ઝીંકાતા લોકોના બજેટ પર અસર પહોંચી છે. વડોદરામાં PNG અને CNGના દરોમાં વધારો કરવામાં આવ્યો છે.

વડોદરા ગેસ લિમિટેડ દ્વારા દિવાળીના તહેવાર ટાણે જ વડોદરામાં સીએનજીના ભાવમાં 1.50 રૂપિયા અને ઘરેલુ પીએનજીના ભાવમાં 50 પૈસાનો વધારો ઝીંકવામાં આવ્યો છે, જે આજથી જ સમગ્ર શહેરમાં અમલી બન્યો છે.

મળતી વિગતો અનુસાર, તહેવારોની મોસમ શરૂ થાય તે પહેલા જ વડોદરા ગેસ લિમિટેડ (VGL) દ્વારા સામાન્ય જનતા અને વાહનચાલકો પર આર્થિક બોજ વધારતો મોટો નિર્ણય લેવામાં આવ્યો છે. આ નવા ભાવવધારાને કારણે અગાઉ જે સીએનજી (CNG) પ્રતિ કિલો 89 રૂપિયાના ભાવે મળતો હતો, તે હવે વધીને 90.50 રૂપિયા પ્રતિ કિલો મળશે. બીજી તરફ, રસોઈ ગેસ તરીકે વપરાતો ઘરેલુ પીએનજી (PNG) જે અગાઉ 55.74 રૂપિયા પ્રતિ કિલો હતો, તે હવે વધીને 56.24 રૂપિયા પ્રતિ કિલોના ભાવે ઉપલબ્ધ થશે. કંપની દ્વારા લેવાયેલા આ અચાનક નિર્ણયથી રોજિંદા મુસાફરી કરતા વાહનચાલકો, નોકરિયાત વર્ગ અને મધ્યમ વર્ગીય પરિવારોનું માસિક બજેટ સીધું જ ખોરવાઈ જશે, કારણ કે તહેવારોની ખરીદી વચ્ચે ઈંધણ પાછળ વધુ ખર્ચ કરવો પડશે. સ્થાનિક નાગરિકો અને ગ્રાહકો દ્વારા આ અચાનક કરાયેલા વધારા સામે ભારે નારાજગી વ્યક્ત કરવામાં આવી રહી છે, કારણ કે તહેવારોની ખુશીઓ વચ્ચે આ વધારાનો આર્થિક ભાર પરિવારના આયોજનને વેરવિખેર કરી નાખે છે.

આ ભાવવધારાના કારણે સામાન્ય નાગરિકોના ખિસ્સા પર વધારાનો આર્થિક ભાર પડશે, જેનાથી આગામી દિવસોમાં મોંઘવારી સામેની ચિંતા વધુ તીવ્ર બનશે અને તહેવારોની ઉજવણીના આયોજન પર પણ તેની પ્રતિકૂળ અસર જોવા મળશે.

વડોદરામાં હચમચાવતી ઘટના: સોની પરિવારના 3 સભ્યોએ એકસાથે ગળાફાંસો ખાઈ જીવન ટૂંકાવ્યું

gujarati.abplive.com — Wed, 28 Oct 2026 19:46:36 +0530

Vadodara mass suicide case: વડોદરા શહેરમાંથી એક અત્યંત ચોંકાવનારા અને હૃદયદ્રાવક સમાચાર સામે આવ્યા છે. શહેરના માંડવી વિસ્તારમાં આવેલા દલા પટેલની પોળ (નરસિંહજીની પોળ) માં રહેતા એક જ સોની પરિવારના 3 સભ્યોએ એકસાથે ગળાફાંસો ખાઈને સામુહિક આત્મહત્યા કરી લીધી છે.

આ ઘટનાને પગલે સમગ્ર વિસ્તારમાં અને વડોદરા શહેરમાં ભારે ચકચાર મચી જવા પામી છે. તહેવારોની મોસમ વચ્ચે બનેલી આ કરુણ ઘટનાથી દલા પટેલની પોળમાં ભારે શોક અને ગમગીનીની લાગણી ફેલાઈ ગઈ છે.

મળતી પ્રાથમિક માહિતી અનુસાર, આ પરિવારમાં 50 વર્ષીય માતા આરતીબેન સોની, તેમનો મોટો દીકરો નીલકંઠ સોની અને નાની દીકરી જેની સોની રહેતા હતા. આ ત્રણેય જણાએ પોતાના જ ઘરમાં પંખા સાથે લટકીને અગમ્ય કારણોસર પોતાનું જીવન ટૂંકાવ્યું હતું.

કામવાળા બહેને દરવાજો ખખડાવ્યો ત્યારે ભાંડો ફૂટ્યો

આ હચમચાવી દેનારી ઘટનાની જાણ ત્યારે થઈ જ્યારે તેમના ઘરે રોજિંદું કામ કરવા આવતા કામવાળા બહેન ત્યાં પહોંચ્યા. કામવાળા બહેને ઘરનો દરવાજો ખખડાવ્યો હતો, પરંતુ અંદરથી કોઈ જ પ્રત્યુત્તર મળ્યો ન હતો.

ઘરમાં એસી (AC) ચાલુ હોવાનો અવાજ સ્પષ્ટ આવતો હતો, પરંતુ લાંબા સમય સુધી દરવાજો ન ખૂલતાં આસપાસના લોકો ત્યાં ભેગા થઈ ગયા હતા. કંઈક અજુગતું બન્યાની શંકાના આધારે દરવાજો ખોલવાનો પ્રયાસ કરવામાં આવ્યો હતો.

જ્યારે સ્થાનિક લોકોની મદદથી ઘરનો દરવાજો ખોલવામાં આવ્યો, ત્યારે અંદરનું દૃશ્ય જોઈને સૌના પગ નીચેથી જમીન ખસી ગઈ હતી. ઘરમાં માતા, પુત્ર અને પુત્રી ત્રણેયના મૃતદેહ પંખે લટકતી હાલતમાં જોવા મળ્યા હતા. આ ભયાનક દૃશ્ય જોયા બાદ તાત્કાલિક પોલીસને જાણ કરવામાં આવી હતી.

પિતાના નિધન બાદ પરિવાર પર તૂટી પડ્યો હતો પહાડ

આ સામુહિક આત્મહત્યા પાછળનું ચોક્કસ કારણ હજુ સુધી જાણી શકાયું નથી. પરંતુ સ્થાનિક લોકો અને પાડોશીઓ પાસેથી મળતી માહિતી મુજબ, આ પરિવારના મોભી એટલે કે આરતીબેનના પતિનું આશરે 1 વર્ષ અગાઉ હાર્ટ એટેકના કારણે દુઃખદ અવસાન થયું હતું.

ઘરના મોભીની છત્રછાયા ગુમાવ્યા બાદ આખો પરિવાર આર્થિક અને માનસિક રીતે ભાંગી પડ્યો હોય તેવી શક્યતાઓ સેવાઈ રહી છે. જોકે, માતાએ પોતાના યુવાન દીકરા અને દીકરી સાથે આટલું મોટું અને અંતિમ પગલું કેમ ભર્યું, તે હજુ પોલીસ તપાસનો મુખ્ય વિષય છે.

પોલીસ અને એફ.એસ.એલ. (FSL) ની ટીમ દ્વારા સઘન તપાસ

આ બનાવની જાણ થતાં જ વડોદરાના ડીસીપી (DCP) સહિત ઉચ્ચ પોલીસ અધિકારીઓનો મોટો કાફલો તાત્કાલિક ઘટનાસ્થળે દોડી આવ્યો હતો. ડીસીપીએ પોતાના પ્રાથમિક નિવેદનમાં પુષ્ટિ કરી છે કે એક જ પરિવારના 3 વ્યક્તિઓએ ગળાફાંસો ખાઈને આપઘાત કર્યો છે અને હાલ તપાસ ચાલુ છે.

ઘટનાની ગંભીરતાને ધ્યાનમાં રાખીને સાયન્ટિફિક તપાસ માટે એફ.એસ.એલ. (FSL) ની ટીમને પણ તાત્કાલિક બોલાવવામાં આવી હતી. એફએસએલની કામગીરી અને જરૂરી પંચનામું પૂર્ણ કર્યા બાદ ત્રણેય મૃતદેહોને પોસ્ટમોર્ટમ (PM) માટે વડોદરાની એસ.એસ.જી. (SSG) હોસ્પિટલ ખાતે ખસેડવામાં આવશે.

Jitu Vaghani on Yusuf Pathan: યુસુફ પઠાણના પ્લોટ વિવાદ પર જીતુ વાઘાણીનો કોંગ્રેસને જવાબ

gujarati.abplive.com — Wed, 21 Oct 2026 23:29:17 +0530

Jitu Vaghani on Yusuf Pathan: યુસુફ પઠાણના પ્લોટ વિવાદ પર જીતુ વાઘાણીનો કોંગ્રેસને જવાબ

Yusuf Pathan : TMC છોડનાર સાંસદ યુસુફ પઠાણ પર વડોદરા મનપા મહેરબાન

abp asmita — Tue, 20 Oct 2026 23:25:40 +0530

સાંસદ અને પૂર્વ ક્રિકેટર યુસુફ પઠાણની જમીનના વિવાદનો અંત લગભગ નક્કી.. વડોદરાના તાંદલજા નિવાસસ્થાન પાસેના પાલિકાનો પ્લોટ ફાળવવાની 14 વર્ષ બાદ ફરી કવાયત શરૂ થઈ છે.. મહાનગરપાલિકા કમિશનર અરુણ બાબુ તરફથી રજુ કરવામાં આવેલી નવી દરખાસ્ત મુજબ વિવાદાસ્પદ પ્લોટમાંથી 500 ચોરસ મીટર જમીન યુસુફ પઠાણને ભેટ સ્વરૂપે અપાશે.. જ્યારે બાકીની 478 ચોરસ મીટર જમીન તેના હાલના વેલ્યુએશનના 55 ટકા રકમ વસુલીને ફાળવવામાં આવશે.. આ દરખાસ્તને આખરી મંજૂરી માટે મહાનગરપાલિકાની સ્ટેન્ડિંગ કમિટી સમક્ષ મુકવામાં આવી છે.. તાંદલજ ટીપી-22ના ફાઈનલ પ્લોટ નંબર 90ના 978 ચોરસ મીટર પ્લોટની કિંમત 2.10 લાખ પ્રતિ ચોરસ મીટર લેખે 20.53 કરોડ આંકવામાં આવી હતી.. સ્ટેન્ડિંગ કમિટીના ચેરમેન વર્ષા વ્યાસ બોલ્યા કે દેશ માટે ક્રિકેટ રમ્યા એટલે સરકારે ગિફ્ટ આપી છે..

Car Accident: ભરૂચ નજીક દિલ્હી-મુંબઈ એક્સપ્રેસ વે પર કાળમુખો અકસ્માત, વડોદરાના PSI સહિત ત્રણના મોત

એબીપી અસ્મિતા વેબ ટીમ — Tue, 20 Oct 2026 13:13:08 +0530

Car Accident News: ભરૂચ નજીક દિલ્હી-મુંબઈ એક્સપ્રેસ વે પર મનુબર ગામ પાસે વડોદરાથી ભરૂચ તરફ આવી રહેલી એક કાર અને ટેમ્પો વચ્ચે અકસ્માતની ઘટના ઘટી છે. ગમખ્વાર અકસ્માતમાં કારમાં સવાર વડોદરાના પીએસઆઈ યશ પટેલ સહિત ત્રણ યુવકોના ઘટનાસ્થળે જ કરૂણ મોત નીપજ્યા છે, જ્યારે અકસ્માત એટલો ભીષણ હતો કે કારનો કચ્ચરઘાણ નીકળી ગયો હતો.

આ ઘટનાની વિગતવાર વાત કરીએ તો, વડોદરાથી ભરૂચ તરફ જઈ રહેલી કારમાં કુલ ચાર લોકો સવાર હતા. દિલ્હી-મુંબઈ એક્સપ્રેસ વે પર મનુબર ગામ પાસે પહોંચતા જ પુરઝડપે દોડતી કાર અચાનક આગળ જઈ રહેલા ટેમ્પો સાથે ધડાકાભેર અથડાઈ હતી. આ ભીષણ ટક્કરને કારણે કારનો સંપૂર્ણ કચ્ચરઘાણ નીકળી ગયો હતો અને તેમાં સવાર ચાર પૈકી વડોદરામાં પોલીસ સબ-ઇન્સ્પેક્ટર (PSI) તરીકે ફરજ બજાવતા યશ પટેલ, પાર્થ પટેલ અને અસફાક મોનીન એમ ત્રણેય યુવકોના ઘટનાસ્થળે જ કમકમાટીભર્યા મોત થયા હતા. અકસ્માતની આચલક માહિતી મળતા જ સ્થાનિક પોલીસ અને રાહત ટીમ તાત્કાલિક ઘટનાસ્થળે દોડી આવી હતી અને ઈજાગ્રસ્ત તેમજ મૃતકોને બહાર કાઢવાની કામગીરી હાથ ધરી હતી.

આ કરૂણ માર્ગ અકસ્માતે ફરી એકવાર હાઇવે પરના વાહનવ્યવહાર અને ઓવરસપીડની ગંભીર સમસ્યાને ઉજાગર કરી છે. યુવાન પોલીસ અધિકારી સહિત ત્રણ મૂલ્યવાન જીવોના અચાનક અકાળ અવસાનથી મૃતકોના પરિવારજનોમાં ભારે શોકનું મોજુ ફરી વળ્યું છે, જે સમગ્ર પોલીસ બેડા અને સમાજ માટે અસહ્ય અને ક્યારેય ન ભરાઈ તેવી ખોટ સાબિત થઈ છે.

Vadodara: તરસાલી વિસ્તારમાં અશાંતધારાની માંગને લઈ આક્રોશ, સ્થાનિકો ઉતર્યા રસ્તા પર

gujarati.abplive.com — Sun, 4 Oct 2026 16:16:07 +0530

Vadodara: વડોદરાના છાણી ટીપી 13 વિસ્તાર બાદ તરસાલી વિસ્તારમાં અશાંતધારાની માંગને લઈ આક્રોશ જોવા મળી રહ્યો છે, સુદર્શન પાર્કમાં વિધર્મીને મકાન વેચવાના આક્ષેપથી વિવાદ વકર્યો છે. જેને લઈને સ્થાનિકો રસ્તા પર ઉતર્યા હતા અને કલેક્ટરને રજૂઆત કરી હતી. સમગ્ર તરસાલી વિસ્તારને અશાંતિધારામાં સામેલ કરવાની માંગ કરવામાં આવી રહી છે.

તમને જણાવી દઈએ કે, સુદર્શન પાર્ક સોસાયટીમાં કુલ 26 જેટલા મકાનો આવેલા છે અને તે પૈકી એક મકાન વિધર્મીને વેચાયું હોવાનો સ્થાનિકોનો દાવો છે. મકાનના દસ્તાવેજો પણ સબ રજિસ્ટ્રાર સમક્ષ રજિસ્ટર્ડ થયાના આક્ષેપ સાથે આજે સ્થાનિકોએ વિરોધ નોંધાવ્યો હતો.

આ પણ વાંચો...ઊંઝા ઉમિયાધામ ટ્રસ્ટના નવા પ્રમુખની જાહેરાત,આ પૂર્વ IAS અધિકારીને મળી કમાન

વડોદરાના તરસાલી વિસ્તારમાં સંઘર્ષ સમિતિના બેનર હેઠળ સ્થાનિકોએ વિરોધ પ્રદર્શન કર્યું હતું. સ્થાનિકોનું કહેવું છે કે, તરસાલી, નુતનપાર્ક અને વિશાલનગર સહિતના વિસ્તારોમાં અશાંતધારાનો અમલ હોવા છતાં નિયમોનું ઉલ્લંઘન થઈ રહ્યું છે. 500 મીટરના રેડિયેશનમાં અન્ય ધર્મના વ્યક્તિને મકાન ન વેચી શકાય છતાં પણ મકાન વેચાયું છે. 65 લાખનું મકાન 1 કરોડ 11 લાખમાં વિધર્મીને વેચાયું જયારે મકાનની જંત્રી કરતા ઊંચા ભાવે મકાન વેચાયું હોવાના આક્ષેપ છે.

આ સમગ્ર મામલે સોસાયટીના રહિશોએ મિલકતની તબદીલી રોકવા, સર્વે અને તપાસ કરાવવા તેમજ જવાબદારો સામે કાર્યવાહી કરવાની માંગ કરી છે. વડોદરાના તરસાલી વિસ્તારમાં અશાંતધારા કાયદાના ભંગના આક્ષેપ સાથે સ્થાનિકો રસ્તા પર ઉતર્યા છે. સુદર્શન પાર્ક સોસાયટીમાં વિધર્મીને મકાન વેચવાના મામલે વિરોધ કરવામાં આવ્યો છે. આ મિલકત તબદીલ કરતા પહેલા જરૂરી પરવાનગી લેવામાં આવી કે નહીં તે અંગે સવાલો ઉઠાવવામાં આવ્યા છે.

અશાંતધારા વિસ્તારમાં મિલકતની તબદીલી પહેલા નિયમ મુજબ પરવાનગી લેવી જરૂરી છે. સમગ્ર મામલે તપાસ કરી યોગ્ય નિર્ણય લેવામાં આવે અને ત્યાં સુધી મિલકતની તબદીલી અટકાવવામાં આવે. જોકે દસ્તાવેજ થઇ ગયો હોવાની પણ વિગતો સામે આવી છે. સ્થાનિકોનો વધુ આક્ષેપ છે કે, જો આવા કિસ્સાઓમાં નિયમોનું પાલન નહીં થાય તો ભવિષ્યમાં વિસ્તારમાં શાંતિ અને કાયદો-વ્યવસ્થાની સ્થિતિને અસર થઈ શકે છે. સમગ્ર તરસાલી વિસ્તારને અશાંતધારામાં સામેલ કરવા માંગ ઉઠી છે. 40 જેટલી સોસાયટીના રહીશોની સહી સાથે કલેક્ટરને રજુઆત પણ કરાઈ છે. સમગ્ર મામલે તંત્ર દ્વારા તપાસ બાદ શું કાર્યવાહી કરવામાં આવે છે તેના પર સૌની નજર છે.

Vadodara: CNG પંપ પર કારમાં પ્રચંડ વિસ્ફોટ, ગાડીના ફૂરચે-ફૂરચા ઉડી ગયા, જુઓ વીડિયો

gujarati.abplive.com — Sat, 3 Oct 2026 11:06:32 +0530

Vadodara: વડોદરા જિલ્લાના કરજણમાંથી એક રુંવાડા ઉભા કરી દે તેવી મોટી દુર્ઘટના બની છે. કરજણ નેશનલ હાઈવે-48 પર આવેલા ટીંબા કંપની નજીક એક સીએનજી પંપ પર અચાનક પ્રચંડ બ્લાસ્ટ થવાની ઘટના સામે આવી છે. જેના લાઈવ સીસીટીવી ફૂટેજ પણ સામે આવ્યા છે. પંપ પર ગેસ પુરાવા આવેલા એક ફોર-વ્હીલર વાહનમાં ગેસ લીકેજ થવાને કારણે આ જોરદાર ધડાકો થયો હતો.

અહીં જુઓ વીડિયો...Vadodara: વડોદરાના કરજણમાં સીએનજી કારમાં બ્લાસ્ટ, ગેસ ભરાવતી વખતે CNG સિલિન્ડર ફાટ્યો

અચાનક થયેલા આ ધડાકાને કારણે પંપ પર ભારે અફરાતફરી મચી ગઈ

નોંધનિય છે કે, આ વિસ્ફોટ એટલો શક્તિશાળી હતો કે કારનો મધ્ય અને પાછળનો ભાગ સંપૂર્ણપણે ઉડી ગયો હતો. કારમાં લગાવેલી સીએનજી ટેન્કના બે ટુકડા થઈ ગયા. ટેન્કનો એક ટુકડો પંપ પર જ પડ્યો હતો જ્યારે બીજો ટુકડો હવામાં ફંગોળાઈને દૂર જઈને પડ્યો. આ ગંભીર બ્લાસ્ટની ઝપેટમાં આવવાથી તેની પાછળ ઉભેલા અન્ય બે વાહનોને પણ નુકસાન પહોંચ્યું છે. અચાનક થયેલા આ ધડાકાને કારણે પંપ પર ભારે અફરાતફરી અને દોડધામ મચી ગઈ હતી. આ દુર્ઘટનામાં એક વ્યક્તિ ઈજાગ્રસ્ત થતાં તેને ત્વરિત સારવાર માટે હોસ્પિટલ ખસેડવામાં આવ્યો છે. ઘટનાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે દોડી ગઈ હતી અને સ્થિતિને કાબૂમાં લીધી હતી.

આ પણ વાંચો....Amreli: અમરેલી વિસ્તારમાં વિફરેલી સિંહણનો આતંક: વનકર્મી સહિત 5 લોકો પર કર્યો હુમલો

પંપના CNG વિભાગને બંધ કરવામાં આવ્યો

તો બીજી તરફ આ ઘટના બાદ પંપના CNG વિભાગને બંધ કરવામાં આવ્યો છે.કરજણ ફાયરની ટીમે આ મામલે તપાસ શરુ કરી છે. બ્લાસ્ટની ઘટનાને લઈને સમગ્ર વિસ્તારમાં અફરાતફરી મચી ગઈ હતી અને પંપ પર હાજર લોકોમાં ગભરાટ ફેલાયો હતો. સૌથી મોટી રાહતની વાત એ છે કે, જ્યારે કારમાં બ્લાસ્ટ થયો ત્યારે કોઈ વ્યક્તિ અંદર હાજર ન હતો જેથી જાનહાની ટળી. તમને જણાવી દઈએ કે, નિયમ મુજબ CNG પુરાવતી વખતે મુસાફરો કારની બહાર ઊભા હોવાને કારણે કોઈપણ વ્યક્તિને ગંભીર ઈજા થઈ નથી, જેને પગલે સૌએ રાહતનો શ્વાસ લીધો હતો. તો બીજી તરફ આ બ્લાસ્ટ કેવી રીતે થયો તેની તપાસ ચાલી રહી છે. તપાસ બાદ જ સામે આવશે કે આખરે આ વિસ્ફોટ થવાનું કારણ શું હતું.

Vadodara: વડોદરાના કરજણમાં સીએનજી કારમાં બ્લાસ્ટ, ગેસ ભરાવતી વખતે CNG સિલિન્ડર ફાટ્યો

એબીપી અસ્મિતા વેબ ટીમ — Sat, 3 Oct 2026 10:53:48 +0530

Vadodara: નેશનલ હાઈવે 48 પર કરજણ નજીક એક અત્યંત ભયાનક અને કાળજું કંપાવી દેનારી દુર્ઘટના સામે આવી છે. હાઈવે પર આવેલી જિંદાલ કંપની સામેના પેટ્રોલ-સીએનજી પંપ પર ગેસ રિફિલિંગ દરમિયાન એક કારમાં અચાનક પ્રચંડ ધડાકા સાથે બ્લાસ્ટ થયો હતો. એક કારચાલક પોતાની સીએનજી ગાડીમાં ગેસ પુરાવવા માટે જિંદાલ કંપની પાસે આવેલા પંપ પર ઊભો હતો. કર્મચારી જ્યારે નોઝલ લગાવીને ગેસ ભરી રહ્યો હતો, ત્યારે અચાનક કોઈ અગમ્ય ટેકનિકલ ખામી કે અતિશય પ્રેશરને કારણે કારમાં સીએનજી ટેન્ક ધડાકાભેર ફાટી હતી.વિસ્ફોટ એટલો શક્તિશાળી હતો કે કારના પતરાં અને કાચ દૂર-દૂર સુધી ઊડીને પડ્યા હતા. આ ધડાકાની ઝપેટમાં આવી જતાં બાજુમાં ઊભેલી અન્ય બે કારોને પણ મોટું નુકસાન પહોંચ્યું હતું.