અમેરિકામાં વ્યસ્ત રસ્તા પર પ્લેનનું ઈમરજન્સી લેન્ડિંગ, અનેક કાર સાથે ટકરાયું, જુઓ વીડિયો
અમેરિકાના જ્યોર્જિયામાં એક વિમાન વ્યસ્ત રસ્તાની વચ્ચે લેન્ડ થયું હતું. ત્યારબાદ તે અનેક વાહનો સાથે અથડાયું હતું
સોમવારે અમેરિકાના જ્યોર્જિયામાં એક વિમાન વ્યસ્ત રસ્તાની વચ્ચે લેન્ડ થયું હતું. ત્યારબાદ તે અનેક વાહનો સાથે અથડાયું હતું. પોલીસના જણાવ્યા અનુસાર, વિમાનમાં એરપોર્ટ સુધી પહોંચવા માટે કોઈ પાવર બચ્યો નહોતો. આ ઘટનાનો એક વીડિયો સોશિયલ મીડિયા પર શેર કરવામાં આવી રહ્યો છે, જેમાં વિમાન એક વ્યસ્ત રસ્તા પર ઉતરતું અને પછી અનેક વાહનો સાથે અથડાતું દેખાય છે. પોલીસે જણાવ્યું હતું કે આ અકસ્માતમાં ઘણા લોકોને નાની-મોટી ઇજાઓ થઈ હતી.
#BREAKING : Video shows the moments a small plane on a training flight made an emergency crash landing on a busy street in Gainesville, Georgia.#Georgia #Gainesville #emergency #crash #landing #Plane #street pic.twitter.com/4XfzFDVFip
— mishikasingh (@mishika_singh) February 10, 2026
પોલીસે જણાવ્યું હતું કે લેન્ડિંગ પછી વિમાનની જમણી પાંખ એક વાહન સાથે અથડાઈ હતી અને વિમાનનું ફ્યુઅલ ટેન્ક લૂઝ થઈને એક SUVના પાછળના ભાગમાં ઘૂસી ગયું હતું. પ્લેન લેન્ડિંગ બાદ રસ્તાને બંધ કરી દેવામાં આવ્યો હતો અને લોકોને વધુ ટ્રાફિકમાં વિલંબ થવાની જાણ કરાઈ હતી.
અકસ્માત ક્યારે થયો?
વિમાન ગેન્સવિલે લી ગિલ્મર મેમોરિયલ એરપોર્ટથી કેન્ટનના ચેરોકી કાઉન્ટી રિજનલ એરપોર્ટ તરફ જઈ રહ્યું હતું ત્યારે અકસ્માત થયો હતો. પ્રસ્થાન પછી થોડા સમય પછી પાયલટને એન્જિનમાં સમસ્યાનો અનુભવ થયો. ત્યારબાદ તેણે ગેઇન્સવિલે તરફ પાછા ફરવાનું નક્કી કર્યું. આ મામલો હાલમાં તપાસ હેઠળ છે. મીડિયા રિપોર્ટ્સ અનુસાર, પોલીસે જણાવ્યું હતું કે સિંગલ-એન્જિન પ્લેનનું બ્રાઉન્સ બ્રિજ રોડ અને પર્લ નિક્સ પાર્કવે પર ઇમરજન્સી લેન્ડિંગ કરવામાં આવ્યું હતું. રિપોર્ટ અનુસાર, ફેડરલ એવિએશન એડમિનિસ્ટ્રેશન (FAA) એ જણાવ્યું હતું કે હોકર બીચક્રાફ્ટ BE-36 ઉડાવતા પાયલટે બપોરે 12:10 વાગ્યે એન્જિનમાં ખામીની જાણ કરી હતી.
વિમાનનું શું થયું?
યુએસ નેશનલ ટ્રાન્સપોર્ટેશન સેફ્ટી બોર્ડ (NTSB) અનુસાર, વિમાન ગેઇન્સવિલેના લી ગિલ્મર મેમોરિયલ એરપોર્ટથી રવાના થયું હતું અને કેન્ટનના ચેરોકી કાઉન્ટી રિજનલ એરપોર્ટ તરફ જઈ રહ્યું હતું. NTSB એ જણાવ્યું હતું કે વિમાનમાં એન્જિનમાં ખામી સર્જાઈ હતી અને હવામાં રહેવા માટે પૂરતી શક્તિનો અભાવ હતો. આના કારણે વિમાનને રસ્તા પર ઇમરજન્સી લેન્ડિંગ કરવાની ફરજ પડી હતી. રસ્તો વ્યસ્ત હતો, એટલે કે વાહનો તેના પર આગળ વધી રહ્યા હતા. ઇમરજન્સી લેન્ડિંગ પછી વિમાન ત્રણ વાહનો સાથે અથડાયું હતું.
NTSB એ જણાવ્યું હતું કે, "ટેકઓફ કર્યાના થોડા સમય પછી પાયલટને એન્જિનમાં ખામી હોવાની જાણ થઈ હતી. એટલાન્ટા ન્યૂઝ ફર્સ્ટ અનુસાર, એર ટ્રાફિક કંટ્રોલ દ્વારા પ્રાપ્ત થયેલા ઓડિયોમાં પાયલટ મદદ માંગી હતી. આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે જેમાં વિમાન વ્યસ્ત રસ્તા પર ઉતરતું અને પછી અનેક વાહનો સાથે અથડાતું દેખાય છે. પોલીસે જણાવ્યું હતું કે અકસ્માતમાં ઘણા લોકોને સામાન્ય ઇજાઓ થઈ હતી.
ટોપ સ્ટોરી
ટ્રેન્ડિંગ સમાચાર
