Donald Trump U-Turn: હોર્મુઝ સ્ટ્રેટના 20% ટેરિફ પર ટ્રમ્પનો યુ-ટર્ન, જાહેર કર્યો નવો પ્લાન

Donald Trump: ખાડી દેશો ટોલ ચૂકવવાને બદલે અમેરિકામાં અબજો ડોલરનું રોકાણ કરશે, ઈરાન પર મૂકાયા આકરા પ્રતિબંધો.

Donald Trump Strait Of Hormuz Toll U Turn Gulf Investment Plan

Source : ai

Show Quick Read

Key points generated by AI, verified by newsroom

• ટ્રમ્પે હોર્મુઝ સ્ટ્રેટ કાર્ગો જહાજો પરનો ટોલ નિર્ણય બદલ્યો.
• ખાડી દેશોએ ટોલના બદલે અમેરિકામાં મોટા રોકાણની ઓફર કરી.
• ટ્રમ્પે પ્રસ્તાવ વધાવ્યો, ઈરાની જહાજો પર આકરા પગલાં લીધાં.

Donald Trump: અમેરિકાના રાષ્ટ્રપતિ ડોનાલ્ડ ટ્રમ્પે મધ્ય પૂર્વ (મિડલ ઈસ્ટ) ની રાજનીતિમાં મોટો ધમાકો કરતા એક અણધાર્યો નિર્ણય લીધો છે. મંગળવારે (14 જુલાઈ, 2026 ના રોજ) વ્હાઇટ હાઉસ ખાતે ઇરાકના વડાપ્રધાન સાથેની પ્રેસ કોન્ફરન્સમાં ટ્રમ્પે જાહેરાત કરી કે, તેઓ હોર્મુઝ સ્ટ્રેટમાંથી પસાર થતા કાર્ગો જહાજો પર 20% ટોલ લગાવવાનો પોતાનો નિર્ણય પાછો ખેંચી રહ્યા છે. આ નિર્ણયના બદલામાં હવે ગલ્ફ કોઓપરેશન કાઉન્સિલ (GCC) ના દેશો અમેરિકા સાથે મોટા વેપાર અને રોકાણ કરારો કરશે.

માત્ર 24 કલાકમાં જ બદલ્યો નિર્ણય

નોંધનીય છે કે, આ પ્રેસ કોન્ફરન્સના બરાબર એક દિવસ પહેલા જ એટલે કે સોમવારે (13 જુલાઈ) ટ્રમ્પે હોર્મુઝ સ્ટ્રેટમાંથી પસાર થતા તમામ જહાજો પર 20% ટોલ (ટેક્સ) વસૂલવાની કડક જાહેરાત કરી હતી. પરંતુ, ગણતરીના કલાકોમાં જ તેમણે આ નિર્ણય પર યુ-ટર્ન લઈ લીધો છે.

ખાડી દેશોની ઓફર અને ટ્રમ્પનો આવકાર

પોતાનો નિર્ણય બદલવા પાછળનું કારણ જણાવતા ટ્રમ્પે કહ્યું કે, ખાડી દેશોના નેતાઓએ તેમનો સંપર્ક કર્યો હતો. આ દેશોએ સ્પષ્ટ કહ્યું કે, "અમે દરેક જહાજ પર ટોલ ચૂકવવાને બદલે આ બાબતને અલગ રીતે સંભાળવા માંગીએ છીએ. અમને ફી વસૂલવાનો વિચાર પસંદ નથી, તેના બદલે અમે અમેરિકામાં અબજો ડોલરનું સીધું રોકાણ કરવા ઈચ્છીએ છીએ." આ પ્રસ્તાવને વધાવતા ટ્રમ્પે કહ્યું કે, જો હોર્મુઝ સ્ટ્રેટની સુરક્ષાના બદલામાં અમેરિકામાં મોટું રોકાણ આવતું હોય, તો અમે તેનું દિલથી સ્વાગત કરીએ છીએ.

આ પણ વાંચોઃ ટ્રમ્પનો સૌથી મોટો ધડાકો: અમેરિકા હોર્મુઝ સ્ટ્રેટ પર કબજો કરશે, સુરક્ષાના નામે વસૂલશે પૈસા

ઈરાન પર લેવાયા આકરા પગલાં

આ જ પ્રેસ કોન્ફરન્સમાં ટ્રમ્પે ઈરાન સામે પણ લાલ આંખ કરી છે. તેમણે હોર્મુઝ સ્ટ્રેટમાં ઈરાન સાથે જોડાયેલા કોઈપણ જહાજ સામે કડક કાર્યવાહી કરવાની જાહેરાત કરી. નવા નિયમ મુજબ, હવેથી ઈરાનના કોઈપણ બંદર પરથી આવતા-જતા અથવા તો ઈરાનનો માલસામાન લઈ જતા કોઈપણ જહાજને હોર્મુઝ સ્ટ્રેટમાં પ્રવેશવા દેવામાં આવશે નહીં. ટ્રમ્પના આ નિર્ણયથી મધ્ય પૂર્વમાં આર્થિક અને રાજકીય સમીકરણોમાં મોટા ફેરફારો જોવા મળી શકે છે.

આ પણ વાંચોઃ ત્રીજા વિશ્વયુદ્ધના એંધાણ? અમેરિકા-ઈરાન તણાવ વચ્ચે રશિયાએ તેહરાન મોકલ્યું ‘ડૂમ્સડે’ વિમાન