Elon Musk and Trump Dance Video: એલોન મસ્ક તેના પોતાના સોશિયલ મીડિયા પ્લેટફોર્મ X (ટ્વીટર) પર વારંવાર ટિપ્પણીઓ અથવા પોસ્ટ કરતા રહે છે, જેને વાંચીને વિશ્વભરના વપરાશકર્તાઓ હસીને લોટપોટ થઈ જાય છે. આ વખતે ઈલોન મસ્કનો એક AI વીડિયો વાયરલ થઈ રહ્યો છે, જેમાં ઈલોન મસ્ક અને અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ વિશ્વ પ્રસિદ્ધ ડાન્સર માઈકલ જેક્સનની જેમ ડાન્સ કરતા જોવા મળી રહ્યા છે.
એલોન મસ્ક અને ડોનાલ્ડ ટ્રમ્પનો AI વિડિયો
આ વીડિયો સોશિયલ મીડિયા પ્લેટફોર્મ પર ખૂબ જ ઝડપથી વાયરલ થઈ રહ્યો છે. એલોન મસ્ક અને ડોનાલ્ડ ટ્રમ્પનો આ વીડિયો એઆઈ દ્વારા જનરેટેડ વીડિયો છે. આ વીડિયોમાં, એલોન મસ્ક અને ડોનાલ્ડ ટ્રમ્પ બંને સૂટ- બૂટ પહેરેલા છે અને ઐતિહાસિક બી ગીઝના સુપરહિટ ગીત સ્ટેઈંગ અલાઈવ પર માઈકલ જેક્સન ટાઈપ ડાન્સ મૂવ્સ કરતા જોવા મળે છે.
માઈકલ જેક્સનની જેમ ડાન્સ કર્યો
પહેલી નજરે આ વીડિયો બિલકુલ અસલી વીડિયો જેવો જ લાગશે. તમને લાગશે કે વાસ્તવમાં એલોન મસ્ક અને ડોનાલ્ડ ટ્રમ્પ જ માઈકલ જેક્સનની જેમ ડાન્સ કરી રહ્યા છે. આ વિડિયો પોતે એલોન મસ્ક દ્વારા X પર પોસ્ટ કરવામાં આવ્યો હતો અને કેપ્શનમાં લખ્યું હતું કે, "હેટર્સ કહેશે આ AI છે". આવો અમે તમને આ બંન્નો આ ખાસ ડાન્સ વીડિયો પણ બતાવીએ, જે AI સાથે બનાવવામાં આવ્યો છે.
આ વીડિયોને 96 મિલિયનથી વધુ લોકોએ જોયો છે
આ વીડિયો એક્સ પર પોસ્ટ કરવામાં આવ્યો હતો આ સમય દરમિયાન આ વીડિયોને 96.5 મિલિયન વ્યૂઝ અને 1.4 મિલિયન લાઈક્સ મળ્યા હતા. આ વીડિયો પર લોકો તરફથી ઘણી ફની પ્રતિક્રિયાઓ આવી રહી છે. નોંધનીય છે કે, એલોન મસ્ક સોશિયલ મીડિયા પર ખુબ એક્ટિવ રહે છે અને સમયે સમયે તે આવી પોસ્ટ કરતા રહે છે. જેને યૂઝર્સ તરફથી સારો પ્રતિસાદ પણ મળે છે.
આ પણ વાંચો...