San Diego Shooting: અમેરિકાના સાન ડિએગોમાં મસ્જિદ બહાર હુમલો, ફાયરિંગમાં બે સંદિગ્ધ સહિત પાંચના મોત

San Diego Shooting: સોમવારે કેલિફોર્નિયાના સાન ડિએગો કાઉન્ટીની સૌથી મોટા ઇસ્લામિક સેન્ટરની બહાર બે કિશોર બંદૂકધારીઓએ ગોળીબાર કર્યો હતો

આ ભયાનક હુમલામાં એક સુરક્ષા ગાર્ડ સહિત ત્રણ લોકોનું ઘટનાસ્થળે જ મોત થયું હતું

Source : ફોટોઃ AP

Show Quick Read

Key points generated by AI, verified by newsroom

• સાન ડિએગો મસ્જિદ બહાર ગોળીબારમાં ત્રણ મૃત્યુ.
• બે કિશોર બંદૂકધારીઓએ આત્મહત્યા કરી લીધી.
• FBI તેને હેટ ક્રાઈમ તરીકે તપાસી રહી છે.
• સુરક્ષા ગાર્ડે ઘણા લોકોને બચાવ્યા હતા.

San Diego Shooting: અમેરિકામાં ગન વાયલન્સ અને હેટ ક્રાઈમ સાથે જોડાયેલી એક ભયાનક ઘટના સામે આવી છે. સોમવારે કેલિફોર્નિયાના સાન ડિએગો કાઉન્ટીની સૌથી મોટા ઇસ્લામિક સેન્ટરની બહાર બે કિશોર બંદૂકધારીઓએ ગોળીબાર કર્યો હતો. આ ભયાનક હુમલામાં એક સુરક્ષા ગાર્ડ સહિત ત્રણ લોકોનું ઘટનાસ્થળે જ મોત થયું હતું. હુમલા પછી બંને હુમલાખોરોએ નજીકની શેરીમાં પોતાને ગોળી મારીને આત્મહત્યા કરી લીધી. FBI અને સ્થાનિક પોલીસ આ ઘટનાની તપાસ મુસ્લિમ સમુદાયને નિશાન બનાવીને કરાયેલા શંકાસ્પદ હેટ ક્રાઈમ માનીને તપાસ કરી રહી છે.

A shooting at a mosque complex in California killed three people Monday, with two suspected teenage gunmen later found dead in a car from self-inflicted gunshot wounds, police said. ➡️ https://t.co/uZy6v6JA7i pic.twitter.com/QQT76MqPvn

— AFP News Agency (@AFP) May 18, 2026

બપોરની નમાજ પહેલા હુમલો 

આંતરરાષ્ટ્રીય સમાચાર એજન્સી રોઇટર્સ અનુસાર, આ ઘટના સ્થાનિક સમય અનુસાર, બપોરે 12:00 વાગ્યા પહેલા બની હતી, જ્યારે લોકો મસ્જિદ પરિસરમાં હાજર હતા. અચાનક ગોળીબાર થવાથી લોકોમાં અફરાતફરી મચી ગઈ હતી. સાન ડિએગો પોલીસ વડા સ્કોટ વાહલે જણાવ્યું હતું કે હુમલા પછી તરત જ પોલીસ ઘટનાસ્થળે પહોંચી હતી. મસ્જિદ સંકુલની અંદર ડે સ્કૂલમાં ભણતા તમામ બાળકોને સુરક્ષિત રીતે બહાર કાઢવામાં આવ્યા હતા, જેમાં કોઈને ઈજા થઈ ન હતી.

જ્યારે પોલીસ પહોંચી ત્યારે તેમને મસ્જિદની ઇમારતની બહાર ત્રણ પુરુષોના મૃતદેહ મળ્યા, જેમના મોત ફાયરિંગમાં થયા હતા. મૃતકોમાં એક મસ્જિદ સુરક્ષા ગાર્ડ હતો. અધિકારીઓએ જણાવ્યું હતું કે આ બહાદુર સુરક્ષાકર્મીએ પોતાનો જીવ જોખમમાં મૂકીને હુમલાખોરોને મુખ્ય ઇમારતમાં પ્રવેશતા અટકાવ્યા, જેના કારણે મોટો હત્યાકાંડ ટળી ગયો.

આ પણ વાંચોઃ ‘તોફાન પહેલાની શાંતિ...’ ડોનાલ્ડ ટ્રમ્પની સોશિયલ મીડિયા પોસ્ટે મચાવ્યો હડકંપ, ઈરાન પર ફરી હુમલો?

કારમાંથી હુમલાખોરોના મૃતદેહ મળી આવ્યા

હુમલા પછી થોડા સમય પછી તપાસકર્તાઓને નજીકની શેરીમાં પાર્ક કરેલી શંકાસ્પદ કારમાંથી બે કિશોરો (17 અને 19 વર્ષના) ના મૃતદેહ મળી આવ્યા. પોલીસનું માનવું છે કે આ બે મુખ્ય શૂટર હતા જેમણે હુમલા પછી પોતાને ગોળી મારી હતી.

આ ઘટનાથી થોડે દૂર એક લેન્ડસ્કેપરને પણ ગોળી મારવામાં આવી હોવાના અહેવાલ છે. જો કે, તે સુરક્ષિત છે અને પોલીસ તપાસ કરી રહી છે કે તે મસ્જિદ હુમલા સાથે જોડાયેલો છે કે કેમ. FBI અને સ્થાનિક એજન્સીઓ હાલમાં આ જઘન્ય ગુના પાછળના હેતુ અને કાવતરાને સંપૂર્ણપણે ઉજાગર કરવા માટે હુમલાખોરોના ડિજિટલ રેકોર્ડની તપાસ કરી રહી છે.

આ પણ વાંચો

US એર શોમાં સામસામે ટકરાયા બે F-18 ફાઈટર જેટ, પાયલટ્સનો થયો બચાવ, VIDEO

અમેરિકા અને ઈરાન વચ્ચે ડીલની શક્યતા, ટ્રમ્પ આ પ્રતિબંધ હટાવવા તૈયાર થતાં ચર્ચા!