કોણ છે જ્યોર્જિયા મેલોની? મોદી સાથે તસવીર થઈ વાયરલ, જાણો બારટેન્ડરથી PM બનવા સુધીની સફર વિશે

Giorgia Meloni: બારટેન્ડરથી લઈને વડાપ્રધાન બનવા સુધીની સંઘર્ષમય સફર, જાણો મેલોનીની લાઈફસ્ટાઈલ, પરિવાર અને કુલ સંપત્તિ.

giorgia meloni age family lifestyle net worth

Source : Twitter

Show Quick Read

Key points generated by AI, verified by newsroom

• જ્યોર્જિયા મેલોની ઇટાલીના પ્રથમ મહિલા વડાપ્રધાન છે.
• તેમણે બારટેન્ડરથી શરૂઆત કરી રાજકીય કારકિર્દી બનાવી.
• ૩૦ વર્ષની ઉંમરે સંસદ સભ્ય, પછી યુવા મંત્રી બન્યા.
• ૪૯ વર્ષીય મેલોની હાલમાં સિંગલ મધર તરીકે જીવન જીવે છે.

Giorgia Meloni: તાજેતરમાં વડાપ્રધાન નરેન્દ્ર મોદીના ઇટાલી પ્રવાસ દરમિયાન રોમમાં તેમનું ભવ્ય સ્વાગત કરનાર ઇટાલિયન પ્રધાનમંત્રી જ્યોર્જિયા મેલોની હાલમાં ભારે ચર્ચામાં છે. પીએમ મોદી સાથે સોશિયલ મીડિયા પર ફોટો શેર કરીને "રોમમાં આપનું સ્વાગત છે, મારા મિત્ર" લખનારી આ 49 વર્ષીય નેતા ઇટાલીના ઇતિહાસમાં પ્રથમ મહિલા વડાપ્રધાન છે. બાળપણમાં પિતાની છત્રછાયા ગુમાવવાથી લઈને દેશના સર્વોચ્ચ પદ સુધી પહોંચનારી જ્યોર્જિયા મેલોની કોણ છે, તેમની સંપત્તિ કેટલી છે, તેમનો પરિવાર કેવો છે અને તેઓ કેવું જીવન જીવે છે; ચાલો આ બધી જ વાતો વિગતે જાણીએ.

બારટેન્ડરથી વડાપ્રધાન સુધીની સફર

જ્યોર્જિયા મેલોનીનો જન્મ 5 જાન્યુઆરી, 1977ના રોજ રોમમાં થયો હતો. મધ્ય રોમના ગાર્બેટેલા વિસ્તારમાં તેમનું બાળપણ ખૂબ જ સંઘર્ષપૂર્ણ રહ્યું હતું. જ્યારે તેઓ માત્ર 1 વર્ષના હતા, ત્યારે જ તેમના પિતા પરિવાર છોડીને ચાલ્યા ગયા હતા. તેમની માતાએ જ તેમને અને તેમની બહેનને એકલા હાથે ઉછેર્યા હતા. માતા-પિતાના અલગ થવાનું દુઃખ સહન કરવાની સાથે ઘરની આર્થિક જવાબદારીઓ ઉપાડવા માટે જ્યોર્જિયાએ નાની ઉંમરે નાઇટક્લબમાં બારટેન્ડર તરીકે પણ કામ કર્યું હતું. બાળપણના આ સંઘર્ષોએ જ તેમને ભવિષ્ય માટે વધુ મજબૂત બનાવ્યા.

રાજકીય કારકિર્દી અને સફળતા

જ્યોર્જિયાએ માત્ર 15 વર્ષની ઉંમરે જમણેરી પક્ષ 'ઇટાલિયન સોશિયલ મૂવમેન્ટ' (MSI) સાથે જોડાઈને રાજકારણમાં પગ મૂક્યો હતો. તેમની મહેનતના જોરે વર્ષ 2006માં, એટલે કે 29 વર્ષની ઉંમરે તેઓ સંસદ સભ્ય બન્યા અને ત્યારબાદ બર્લુસ્કોની સરકારમાં સૌથી યુવા મંત્રી બનવાનું ગૌરવ મેળવ્યું. વર્ષ 2012માં તેમણે પોતાની નવી પાર્ટી 'બ્રધર્સ ઓફ ઇટાલી' બનાવી અને 2014થી તેઓ તેનું નેતૃત્વ કરી રહ્યા છે. વર્ષ 2022 તેમની કારકિર્દીનો સૌથી મોટો ટર્નિંગ પોઈન્ટ સાબિત થયો, જ્યારે તેઓ ઇટાલીના પ્રથમ મહિલા વડાપ્રધાન બન્યા.

આ પણ વાંચોઃ પીએમ મોદી અને ઇટલીના વડા પ્રધાન જ્યોર્જિયા મેલોની વચ્ચે ફોન પર થઈ વાતચીત, જાણો શું થઈ ચર્ચા?

કેટલી છે કુલ સંપત્તિ?

જો તેમની કમાણી અને સંપત્તિની વાત કરીએ તો, વર્ષ 2026 સુધી તેમની વાસ્તવિક કુલ સંપત્તિનો સત્તાવાર આંકડો જાહેર કરાયો નથી. પરંતુ વડાપ્રધાન અને લાંબા સમયથી સંસદ સભ્ય તરીકેના તેમના પદ મુજબ, તેમની વાર્ષિક કમાણી આશરે 99,000 યુરો (અંદાજે ₹9.3 કરોડ) જેટલી થાય છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Giorgia Meloni (@giorgiameloni)

અંગત જીવન અને પરિવાર

અંગત જીવનની વાત કરીએ તો, 49 વર્ષીય મેલોની હાલમાં સિંગલ છે. ઓક્ટોબર 2023માં તેમણે પોતાના લાંબા સમયના પાર્ટનર અને ટીવી પત્રકાર એન્ડ્રીયા ગિયામ્બ્રુનો સાથેના લગભગ 10 વર્ષ જૂના સંબંધોનો અંત આણ્યો હતો. એક ટીવી ટેલિકાસ્ટ દરમિયાન ઑફ-એર લીક થયેલી કેટલીક અશ્લીલ અને વાંધાજનક ટિપ્પણીઓ બાદ મેલોનીએ આ કડક નિર્ણય લીધો હતો. હાલમાં તેઓ એક સિંગલ મધર છે અને પોતાની પુત્રી ગીનેવરા (જેનો જન્મ 2016માં થયો હતો) નો એકલા હાથે ઉછેર કરી રહ્યા છે.

આ પણ વાંચોઃ ઇટાલિયન પીએમ મેલોનીએ રામ મંદિર માટે ભારતીયોને અભિનંદન આપ્યા? શું છે આ વાયરલ દાવાની સત્યતા, જાણો

કેવી છે લાઈફસ્ટાઈલ?

આટલા મોટા દેશના વડાપ્રધાન હોવા છતાં જ્યોર્જિયા મેલોની એકદમ સાદું અને શિસ્તબદ્ધ જીવન જીવવાનું પસંદ કરે છે. તેઓ પોતાની વ્યાવસાયિક જવાબદારીઓ અને પરિવારના સમય વચ્ચે અદભુત સંતુલન જાળવી રાખે છે. આ ઉપરાંત, તેઓ કૌટુંબિક મૂલ્યો અને પરંપરાગત ઇટાલિયન સંસ્કૃતિના ખૂબ જ મજબૂત સમર્થક માનવામાં આવે છે.