(Source: ECI | ABP NEWS)
બાંગ્લાદેશની નૉટો પર દેખાશે હિન્દુ અને બૌદ્ધ મંદિર, જાણો કયા-કયા દેશોની કરન્સી પર છે હિન્દુ દેવી-દેવતાઓની છાપ
ઇન્ડોનેશિયાના ચલણ પર ભગવાન ગણેશનું ચિત્ર છપાયેલું છે. જોકે, ભગવાન ગણેશનું ચિત્ર ફક્ત 20,000 રૂપિયાની નોટ પર જ છપાયેલું છે
બાંગ્લાદેશમાં શેખ હસીના સરકારના બળવા પછી મોહમ્મદ યુનુસ સરકારે બીજો મોટો નિર્ણય લીધો છે. રવિવારે બાંગ્લાદેશમાં નવી બેંક નૉટો બહાર કરવામાં આવી છે. ખાસ વાત એ છે કે આ નોટોમાંથી શેખ હસીનાના પિતા અને બાંગ્લાદેશના સ્થાપક શેખ મુજીબુરહમાનની તસવીર દૂર કરવામાં આવી છે. હિન્દુ અને બૌદ્ધ મંદિરોની સાથે બાંગ્લાદેશની નવી ચલણી નૉટો પર દેશના ઐતિહાસિક સ્થળો પણ છાપવામાં આવ્યા છે.
બાંગ્લાદેશની નવી ચલણી નૉટો બહાર પડ્યા પછી લોકો વિચારી રહ્યા છે કે દુનિયાના કયા દેશો છે જ્યાં ચલણી નૉટો પર હિન્દુ દેવી-દેવતાઓની છબીઓ છપાયેલી છે ? ચાલો જાણીએ એવા દેશો વિશે જ્યાંની નોટો પર હિન્દુ મંદિરો અને દેવી-દેવતાઓની છબીઓ છપાયેલી છે.
ઇન્ડોનેશિયા -
ઇન્ડોનેશિયાના ચલણ પર ભગવાન ગણેશનું ચિત્ર છપાયેલું છે. જોકે, ભગવાન ગણેશનું ચિત્ર ફક્ત 20,000 રૂપિયાની નોટ પર જ છપાયેલું છે. ખાસ વાત એ છે કે ઇન્ડોનેશિયા વિશ્વનો સૌથી વધુ મુસ્લિમ વસ્તી ધરાવતો દેશ છે. અહીં 87% થી વધુ વસ્તી મુસ્લિમ છે અને હિન્દુ વસ્તી લગભગ 1.7% છે. તેમ છતાં, અહીં હિન્દુ દેવી-દેવતાઓ અને પ્રતીકોનો ઉપયોગ ખૂબ સામાન્ય છે.
થાઇલેન્ડ -
ઇન્ડોનેશિયા ઉપરાંત, થાઇલેન્ડ પણ એક એવો દેશ છે જ્યાં ચલણમાં હિન્દુ દેવતાઓને સ્થાન આપવામાં આવ્યું હતું. થાઇલેન્ડના રાષ્ટ્રીય આર્થિક અને સામાજિક વિકાસ બોર્ડે 2011 માં 60મા સ્થાપના દિવસે 20 બાહ્ટનો સિક્કો બહાર પાડ્યો હતો. આ સિક્કાની એક બાજુ ત્રિમૂર્તિ એટલે કે બ્રહ્મા, વિષ્ણુ અને મહેશના ચિત્રો કોતરેલા હતા.
રાજા રામ મુદ્રા -
યુનાઇટેડ સ્ટેટ્સમાં, 2001 માં મહર્ષિ મહેશ યોગી સાથે સંકળાયેલા એક NGO એ રાજા રામ મુદ્રા શરૂ કરી. જો કે, તેનો ઉપયોગ ફક્ત આશ્રમની અંદર જ થતો હતો. 2002 માં, શહેર પરિષદે રામ મુદ્રા સ્વીકારી અને 1 રામ મુદ્રાનું મૂલ્ય 10 યુએસ ડૉલર માનવામાં આવ્યું. તે યુરોપમાં પણ સ્વીકારવામાં આવ્યું. જો કે, આ ચલણ રાજ્યમાં દરેક જગ્યાએ સ્વીકારી શકાતું નથી, તે એક સ્થાનિક ચલણ છે, જેનો ઉપયોગ ફક્ત આશ્રમ સંબંધિત સ્થળોએ જ થાય છે.
ટોપ સ્ટોરી
ટ્રેન્ડિંગ સમાચાર
