International Sex Workers Day: આખરે 2 જૂને જ કેમ મનાવવામાં આવે છે આંતરરાષ્ટ્રીય સેક્સ વર્કર્સ દિવસ, શું છે તેનો ઈતિહાસ?

International Sex Workers Day 2024: આજે સમગ્ર વિશ્વમાં ઈન્ટરનેશનલ સેક્સ વર્કર્સ ડેની ઉજવણી કરવામાં આવી રહી છે, ચાલો જાણીએ કે આ દિવસનો ઈતિહાસ અને ઈન્ટરનેશનલ સેક્સ વર્કર્સ ડે ક્યારે ઉજવવામાં આવે છે.

International Sex Workers Day 2024:  આજે એટલે કે 2જી જૂને સમગ્ર વિશ્વ ઈન્ટરનેશનલ સેક્સ વર્કર્સ ડેની ઉજવણી કરી રહ્યું છે. આ દિવસ સેક્સ વર્કર માટે ખૂબ જ મહત્વ ધરાવે છે. કારણ કે આ દિવસ તેમના અધિકાર માટે છે. તે તેમના પ્રત્યે આદર દર્શાવવા માટે છે. વિશ્વના ઘણા દેશોમાં સેક્સ વર્કર સાથે ભેદભાવ કરવામાં આવે છે. તેમની સામે હિંસા કરવામાં આવે છે.

સાથે જ તેમની સામે થયેલા અત્યાચાર માટે તેમને ન્યાયિક સંસ્થાઓ તરફથી યોગ્ય ન્યાય પણ મળતો નથી. આ તમામ બાબતો માટે આજનો દિવસ ખૂબ જ મહત્વપૂર્ણ છે. કારણ કે આ દિવસે સેક્સ વર્કરોના અધિકારો માટે અવાજ ઉઠાવવામાં આવ્યો હતો. ચાલો જાણીએ કે આ દિવસનો ઈતિહાસ શું છે અને આંતરરાષ્ટ્રીય સેક્સ વર્કર્સ ડે ક્યારે ઉજવવામાં આવે છે.

આંતરરાષ્ટ્રીય સેક્સ વર્કર્સ ડેનો ઇતિહાસ
2 જૂન, 1975ના રોજ, ફ્રાન્સના લિયોનમાં ચર્ચ સેન્ટ-નિઝિયરમાં લગભગ 100 સેક્સ વર્કર્સ એકત્ર થયા હતા. અહીં તેઓએ સેક્સ વર્કરોની ખરાબ કામકાજની સ્થિતિને લઈને તેમની માંગણીઓ રજૂ કરી. આ ચળવળ દરમિયાન, સેક્સ વર્કરોએ ચર્ચના સ્ટીપલ પર એક બેનર લટકાવ્યું હતું જેમાં લખ્યું હતું, 'અમારા બાળકો નથી ઈચ્છતા કે તેમની માતા જેલમાં જાય'.

સેક્સ વર્કર્સ દ્વારા શરૂ કરાયેલું આ આંદોલન 8 દિવસ સુધી ચાલ્યું જેણે આખી દુનિયાનું ધ્યાન ખેંચ્યું. શરૂઆતમાં ફ્રાન્સની પોલીસે આ માંગણીઓને ફગાવી દીધી હતી અને સેક્સ વર્કરોને કાર્યવાહીની ધમકી આપી હતી. પોલીસે ચર્ચ પર હુમલો કર્યો અને સેક્સ વર્કરોને ચર્ચમાંથી બહાર કાઢ્યા.

પરંતુ ત્યાં સુધીમાં આ વાત ફ્રાન્સથી આગળ વધીને યુરોપના અન્ય દેશોમાં પણ ફેલાઈ ગઈ હતી. અને પરિણામે, ગ્લોબલ નેટવર્ક ઓફ સેક્સ વર્ક પ્રોજેક્ટ એટલે કે NSWP ની રચના થઈ. કારણ કે 2 જૂને આંદોલન શરૂ થયું હતું. તેથી જ સંસ્થા દ્વારા 2 જૂનને આંતરરાષ્ટ્રીય સેક્સ વર્કર્સ ડે તરીકે જાહેર કરવામાં આવ્યો હતો.

તે શા માટે જરૂરી છે?
સેક્સ વર્કરોનું કામ ઘણું મુશ્કેલ છે. અન્ય કામોની જેમ આ કામને પણ લોકો, સમાજ અને કાયદાનું સમર્થન મળતું નથી. વર્ષ 2023 ના ડેટા અનુસાર, વિશ્વના કયા દેશમાં વેશ્યાવૃત્તિના કામ એટલે કે સેક્સ વર્કર્સને કાયદેસર માન્યતા આપવામાં આવી છે.

આ કામને કાયદાકીય રીતે માન્યતા મળી હોવા છતાં, હજુ પણ સેક્સ વર્કર્સ સામે અનેક પડકારો છે. સેક્સ વર્કરોના અધિકારો વિશે તેમને જાગૃત કરવા દર વર્ષે આંતરરાષ્ટ્રીય સેક્સ વર્કર્સ ડેની ઉજવણી કરવામાં આવે છે. સેક્સ વર્કર્સ સ્વસ્થ જીવન અને કામ કરવાની પરિસ્થિતિઓના અધિકારી છે. તેમનું તેમના વ્યવસાયમાં વારંવાર શોષણ થાય છે. સેક્સ વર્કર્સને પણ ઘણી બીમારીઓ થવાની સંભાવના રહે છે. ઈન્ટરનેશનલ સેક્સ વર્કર્સ ડે સમગ્ર વિશ્વમાં સેક્સ વર્કર્સ દ્વારા સામનો કરવામાં આવતા પડકારો વિશે જાગૃતિ પેદા કરે છે અને આપણ તેમને મદદ કરવા માટે કેવી રીતે એકસાથે આવી શકીએ તે અંગે વાતચીત શરૂ કરે છે.