Iran-US War News: કુવૈતમાં મિસાઈલ અને ડ્રોનથી હુમલો, ઈરાને કહ્યું- 'બદલો લીધો'

Iran-US War News: ઈરાને કુવૈત અને બહેરીનમાં મિસાઈલ અને ડ્રોનથી હુમલા કર્યા હતા. જેનાથી ભયંકર યુદ્ધ શરૂ થયું છે.

ઈરાને કુવૈત અને બહેરીનમાં મિસાઈલ અને ડ્રોનથી હુમલા કર્યા હતા. જેનાથી ભયંકર યુદ્ધ શરૂ થયું છે.

Source : ABPLIVE AI

Show Quick Read

Key points generated by AI, verified by newsroom

• ઈરાને કુવૈત અને બહેરીનમાં યુએસ બેઝ પર મિસાઈલ હુમલા કર્યા.
• ઈરાનનો દાવો, અમેરિકાની કાર્યવાહીના જવાબમાં હુમલા કરવામાં આવ્યા.
• એર ડિફેન્સ સિસ્ટમ સક્રિય, મિસાઈલોને રોકવાનો પ્રયાસ.
• અમેરિકાનો દાવો, ઈરાની મિસાઈલો લક્ષ્ય સુધી પહોંચી નહોતી.

Iran-US War News: પશ્ચિમ એશિયામાં યુદ્ધની આગ ફરી ભડકી ઉઠી છે. શાંત થવાને બદલે આગ વધુ ભડકી રહી હોય તેવું લાગે છે. ઈરાને કુવૈત અને બહેરીનમાં મિસાઈલ અને ડ્રોનથી હુમલા કર્યા હતા. જેનાથી ભયંકર યુદ્ધ શરૂ થયું છે. ઈરાને કુવૈત અને બહેરીનમાં યુએસ બેઝ પર મિસાઈલ હુમલા કર્યા છે. આ તાજેતરનો મિસાઈલ હુમલો ઈરાનનો છેલ્લા અઠવાડિયામાં કુવૈતમાં અમેરિકન લશ્કરી બેઝ પર ત્રીજો હુમલો છે. મંગળવારે રાત્રે ઈરાને યુએસ લશ્કરી બેઝને નિશાન બનાવીને બીજો મિસાઈલ હુમલો કર્યો ત્યારે ગલ્ફ ક્ષેત્રમાં તણાવ અચાનક વધી ગયો છે.

ઈરાન તરફથી કુવૈતના અલ સાલેમ એર બેઝ અને બહેરીનના ઈસા એર બેઝને નિશાન બનાવ્યું હતું.  તેને ઈરાને અમેરિકાની કાર્યવાહીનો બદલો ગણાવ્યો હતો. જે  પર્સિયન ગલ્ફ, સ્ટ્રેટ ઓફ હોર્મુઝ અને કેશમ ટાપુ નજીક અમેરિકાની "કાર્યવાહી" નો જવાબ ગણાવ્યો છે. IRGC અનુસાર, કેશ્મ દ્ધીપ પર અમેરિકન હુમલાના જવાબમાં અમેરિકન નેવીના પાંચમા ફ્લીટ હેડક્વાર્ટર અને એરબેઝ પર મિસાઈલ-ડ્રોન હુમલો કર્યો છે. જો કે, ઈરાની હુમલા બાદ કુવૈતમાં ઘણા મોટા વિસ્ફોટ થયા હતા. ત્યારબાદ એર ડિફેન્સ સિસ્ટમ એક્ટિવ કરવામાં આવી છે. 

ઈરાને મિસાઈલ ફાયર કરી

સોશિયલ મીડિયા પર ફરતા વીડિયોમાં જોવા મળી રહ્યું છે કે અમેરિકન અને સાથી દળોએ ઈરાની મિસાઈલ ખતરાનો સામનો કરવા માટે MIM-104 પેટ્રિઅટ એર ડિફેન્સ બેટરીથી ઇન્ટરસેપ્ટર મિસાઈલ ફાયરિંગ કરતા દર્શાવવામાં આવ્યા છે. કેટલાક રિપોર્ટમાં દાવો કરવામાં આવ્યો છે કે અમેરિકન એર ડિફેન્સ મિસાઈલ આવનારી મિસાઈલને અટકાવવામાં નિષ્ફળ ગઈ અને બિન-લશ્કરી વિસ્તારમાં પડી ગઈ. હજુ સુધી જાનહાનિ કે નુકસાન થયાની પુષ્ટી થઈ નથી. 

Kuwait neutralises "hostile missile and drone attacks" as Iran claims strikes on US bases

Read @ANI Story |https://t.co/WmKBRb46cL#Kuwait #Missile #DroneAttacks #Iran #USBases #WestAsiaConflict pic.twitter.com/KuM50jN8GR

— ANI Digital (@ani_digital) June 3, 2026

કુવૈત અને બહેરીનમાં હાહાકાર

બહેરીનમાં એર રેડ સાયરન વાગવાના અહેવાલોએ પણ મિસાઈલ ખતરા વધુ વધવાની આશંકા વ્યક્ત કરી છે. પ્રાદેશિક દળોએ પરિસ્થિતિ પર નજર રાખી હોવાથી ઈરાકના એર્બિલના રહેવાસીઓને પણ એલર્ટ મળ્યું છે. મિસાઈલ હુમલા બાદ કુવૈતના સંરક્ષણ મંત્રાલયે જાહેર જનતાને એર ડિફેન્સ ઈન્ટરસેપ્શનના કારણે પડતા કોઈપણ કાટમાળ અથવા અજાણી વસ્તુઓથી દૂર રહેવાની અપીલ કરી છે, કારણ કે આ જાહેર સલામતી માટે ગંભીર ખતરો ઉભો કરી શકે છે. મંત્રાલયે નાગરિકો અને રહેવાસીઓને સલાહ આપી છે કે કોઈપણ શંકાસ્પદ વસ્તુઓ અથવા મિસાઈલના ટુકડા જોવા મળે તો તાત્કાલિક 112 પર ફોન કરીને અથવા સંબંધિત અધિકારીઓને જાણ કરવામાં આવે. 

અમેરિકાએ પશ્ચિમ એશિયાઈ દેશોમાં અમેરિકન બેઝ પર ઈરાની હુમલા અંગે એક નિવેદન જાહેર કર્યું છે. અમેરિકાનું કહેવું છે કે ઈરાની મિસાઈલો તેમના લક્ષ્ય સુધી પહોંચી શકી નથી. યુએસ સેન્ટ્રલ કમાન્ડે જણાવ્યું હતું કે મધ્ય પૂર્વમાં ઈરાનના પ્રયાસોના જવાબમાં યુએસ દળોએ અનેક ઈરાની બેલિસ્ટિક મિસાઈલો અને ડ્રોનને સફળતાપૂર્વક નષ્ટ કર્યા હતા.