Iran Israel: ઈઝરાયલ પર ઈરાન-હિઝબુલ્લાહનો એક સાથે હુમલો, કહ્યું-'વળતો પ્રહાર કરશો તો તબાહી મચાવીશું'

Iran Israel: રવિવારે મોડી રાત્રે ઇઝરાયલ પર બે બાજુથી એક સાથે હુમલો કરવામાં આવ્યો. ઇરાને ઇઝરાયલ તરફ મિસાઇલો છોડી હતી

ઇરાને ઇઝરાયલ તરફ મિસાઇલો છોડી હતી

Source : ABPLIVE AI

Show Quick Read

Key points generated by AI, verified by newsroom

• ઇરાન અને હિઝબુલ્લાહે ઇઝરાયલ પર એકસાથે મિસાઇલ હુમલો કર્યો.
• લેબનોનમાં કાર્યવાહી રોકવા ઇરાને હુમલો કર્યો; ઇઝરાયલે રોક્યા.
• ઇઝરાયલે બદલો લેવાની જાહેરાત કરી, ક્ષેત્રમાં તણાવ વધ્યો.

Iran Israel: મધ્ય પૂર્વમાં ફરી તણાવ વધ્યો છે. રવિવારે મોડી રાત્રે ઇઝરાયલ પર બે બાજુથી એક સાથે હુમલો કરવામાં આવ્યો. ઇરાને ઇઝરાયલ તરફ મિસાઇલો છોડી હતી. દરમિયાન લેબનોનથી હિઝબુલ્લાહે પણ મિસાઇલ અને ડ્રોનથી હુમલા કર્યા હતા. આ પછી ઇઝરાયલની ડિફેન્સ સિસ્ટમ એક્ટિવ થઈ હતી અને અલગ અલગ શહેરોમાં સાયરનનો અવાજ સંભળાયો હતો. મીડિયા રિપોર્ટ અનુસાર, ઇરાને ઉત્તર ઇઝરાયલ તરફ ચાર બેલિસ્ટિક મિસાઇલો છોડી. ઇઝરાયલનો દાવો છે કે એપ્રિલમાં યુદ્ધવિરામ પછી ઇઝરાયલ પર આ પહેલી વાર મિસાઇલો છોડવામાં આવી છે. ઇરાને લેબનોનને કારણે ઇઝરાયલ પર આ હુમલા કર્યા હતા. ઇરાન ઇચ્છે છે કે ઇઝરાયલ લેબનોનમાં લશ્કરી કાર્યવાહી બંધ કરે. જોકે, ઇઝરાયલે હિઝબુલ્લાહ અને ત્યાંના અન્ય લક્ષ્યો પર હુમલો કરવાનું ચાલુ રાખ્યું હતુ. તાજેતરના હુમલાઓ લેબનોનની રાજધાની બૈરુતમાં કરવામાં આવ્યા હતા.

ઇરાની વિદેશ પ્રધાને ઇરાન અને લેબનોનના ધ્વજનો એક સાથે ફોટો પોસ્ટ કર્યો

દરમિયાન, ઇરાની વિદેશ પ્રધાન સૈયદ અબ્બાસ અરાઘચીએ ઇરાની અને લેબનોનના ધ્વજનો એક સાથે ફોટો પોસ્ટ કર્યો હતો. હુમલાઓ વચ્ચે ઇરાનના સુપ્રીમ લીડર મોજતબા ખામેનેઈના સલાહકાર મોહસેન રેઝાઈ દ્વારા પણ એક નિવેદન જાહેર કરવામાં આવ્યું હતું. તેમણે કહ્યું કે ઇરાને વારંવાર ચેતવણી આપી હતી કે તે યુદ્ધવિરામ ઉલ્લંઘન અને લેબનોન પર હુમલાઓને સહન કરશે નહીં. હુમલાખોરોને આજે રાત્રે તેમનો જવાબ મળ્યો.

pic.twitter.com/8vpGXiayxz

— Seyed Abbas Araghchi (@araghchi) June 7, 2026

દરમિયાન ઈરાનના IRGCએ જણાવ્યું હતું કે ઈઝરાયલ અમેરિકાની મિલીભગત અને આંતરરાષ્ટ્રીય મંચોના મૌનના કારણે વારંવાર યુદ્ધવિરામનું ઉલ્લંઘન કરી રહ્યું છે અને લેબનોનના પીડિત લોકો સામે તેની ક્રૂરતા સતત વધારી રહ્યું છે અને ફોસ્ફરસ બોમ્બ સહિતના પ્રતિબંધિત શસ્ત્રોનો ઉપયોગ કરીને યુદ્ધ ગુનાઓ કરી રહ્યું છે.

Iran launches missiles at Israel, first attack since April 8 ceasefire

Read @ANI Story| https://t.co/2ziTpTsIfO #Iran #Israel #FirstAttack pic.twitter.com/n2SP8SGkt2

— ANI Digital (@ani_digital) June 7, 2026

તેમાં વધુમાં જણાવાયું છે કે, "ઈરાનની અગાઉની ચેતવણીઓ છતાં બેરૂતના બહારના વિસ્તારોમાં હુમલો કરવામાં આવ્યો હતો. ઇઝરાયલે બધી 'લક્ષ્મણ રેખા' (લાલ રેખાઓ) પાર કરી દીધી છે અને દક્ષિણ લેબનોનમાં હુમલાઓ તીવ્ર બનાવ્યા છે. અમે પહેલાથી જ ચેતવણી આપી હતી કે જો બેરૂતના બહારના વિસ્તારોમાં હુમલો કરવામાં આવશે તો અમે હુમલો કરીશું."

આ પણ વાંચોઃ Iran-US War News: કુવૈતમાં મિસાઈલ અને ડ્રોનથી હુમલો, ઈરાને કહ્યું- 'બદલો લીધો'

ઇઝરાયલમાં જોવા મળેલી મિસાઇલો

ઈરાને ચેતવણી પણ આપી હતી કે જો ઇઝરાયલ વળતો પ્રહાર કરશે તો અમે જવાબ આપશે. હિઝબુલ્લાહે દાવો કર્યો હતો કે તેણે ડ્રોન અને મિસાઇલોથી ઇઝરાયલી સૈનિકોને નિશાન બનાવ્યા હતા. રાષ્ટ્રપતિ ટ્રમ્પને ઇઝરાયલ અને ઈરાન વચ્ચે વધતા તણાવ અંગે માહિતી આપવામાં આવી છે.

ઇઝરાયલ બદલો લેશે

બીજી બાજુ, ઇઝરાયલી સૈન્યએ કહ્યું હતું કે તેણે અત્યાર સુધી ઈરાન તરફથી છોડવામાં આવેલી બધી મિસાઇલોને અટકાવી દીધી છે. ઇઝરાયલે સ્પષ્ટપણે કહ્યું છે કે તે ઈરાન સામે બદલો લેશે.

આ પણ વાંચો

ઈરાન-અમેરિકા વચ્ચે મહાયુદ્ધના એંધાણ: USનો રડાર પર હુમલો, કુવૈતમાં 7 મિસાઈલો તોડી પડાઈ

America Iran: અમેરિકાના વિમાનને તોડી પાડ્યાનો ઈરાનનો દાવો, USએ કર્યો ઈનકાર