કિમ જોંગ ઉનનો ખતરનાક પાવર શો! 1, 2 નહીં પણ સીધી 10 મિસાઈલો છોડી, જાપાનથી દક્ષિણ કોરિયા સુધી...

એક તરફ મધ્ય પૂર્વમાં યુદ્ધનો તણાવ છે, ત્યારે બીજી તરફ અમેરિકા અને દક્ષિણ કોરિયાની સેનાની જોઈન્ટ કવાયત વચ્ચે ઉત્તર કોરિયાએ મિસાઈલ હુમલાઓ કરીને એશિયામાં પણ ગરમાવો લાવી દીધો છે.

north korea 10 missile launch kim jong un 2026

Source : Twitter

Show Quick Read

Key points generated by AI, verified by newsroom

• ઉત્તર કોરિયાએ 10 બેલિસ્ટિક મિસાઈલો છોડી, એશિયામાં તણાવ વધ્યો.
• મિસાઈલ પરીક્ષણ અમેરિકા-દક્ષિણ કોરિયાની સંયુક્ત કવાયત વચ્ચે થયું.
• અમેરિકાએ THAAD સિસ્ટમ હટાવતા દક્ષિણ કોરિયાની ચિંતા વધી.
• જાપાનના EEZ બહાર મિસાઈલો પડી, જાનહાનિ નથી.

અત્યારે આખી દુનિયાની નજર મધ્ય પૂર્વમાં ચાલી રહેલા ઈરાન અને ઈઝરાયલ-અમેરિકાના યુદ્ધ પર છે, ત્યારે એશિયામાં પણ તણાવ વધતો જોવા મળી રહ્યો છે. ઉત્તર કોરિયાના સરમુખત્યાર કિમ જોંગ ઉને ફરી એકવાર પોતાની મનમાની કરતા 1-2 નહીં, પરંતુ એકસાથે 10 મિસાઈલો સમુદ્ર તરફ છોડી છે. આ મિસાઈલ પરીક્ષણ એવા સમયે કરવામાં આવ્યું છે જ્યારે અમેરિકાએ દક્ષિણ કોરિયામાંથી પોતાની થાડ (THAAD) મિસાઈલ ડિફેન્સ સિસ્ટમ હટાવી લીધી છે અને બંને દેશોની સેનાની વાર્ષિક સંયુક્ત કવાયત ચાલી રહી છે. કિમ જોંગ ઉનના આ આક્રમક પગલાથી પાડોશી દેશો દક્ષિણ કોરિયા અને જાપાનમાં ભારે ડર અને ચિંતાનો માહોલ ઉભો થયો છે.

મિસાઈલ પરીક્ષણ અને તેનો ટાઈમિંગ

ઉત્તર કોરિયા દ્વારા સમુદ્ર તરફ મિસાઈલ છોડવી એ કોઈ નવી વાત નથી, પરંતુ આ વખતનો સમય ઘણો સૂચક છે. અલ અરેબિયાના રિપોર્ટ મુજબ, ઉત્તર કોરિયાએ 10 જેટલી બેલિસ્ટિક મિસાઈલો ફાયર કરી છે. મધ્ય પૂર્વમાં પરિસ્થિતિ પહેલેથી જ ખૂબ જ તંગ છે, અને એવામાં અમેરિકા તથા દક્ષિણ કોરિયા આ અઠવાડિયે તેમની વાર્ષિક મોટી લશ્કરી કવાયત શરૂ કરી ચૂક્યા છે. આ લશ્કરી કવાયતનો વિરોધ દર્શાવવા અને પોતાનો દબદબો બતાવવા જ કિમ જોંગ ઉને આ મિસાઈલો છોડી હોવાનું મનાય છે, જેનાથી એશિયાના આ વિસ્તારમાં યુદ્ધ જેવો તણાવ વધી ગયો છે.

દક્ષિણ કોરિયાની ચિંતાનું અસલી કારણ

દક્ષિણ કોરિયા લાંબા સમયથી અમેરિકાનો સાથી દેશ છે અને ત્યાં અમેરિકાનો મોટો લશ્કરી થાણો છે, જેમાં 28,500 જેટલા સૈનિકો અને ફાઈટર જેટ્સ તૈનાત છે. જ્યારે બીજી તરફ, ઉત્તર કોરિયાને રશિયા અને ચીનનું પીઠબળ છે. દક્ષિણ કોરિયાની ચિંતા અત્યારે એટલા માટે બેવડાઈ ગઈ છે કારણ કે અમેરિકાએ પોતાની અત્યાધુનિક એન્ટી-મિસાઈલ ડિફેન્સ સિસ્ટમના અમુક ભાગોને દક્ષિણ કોરિયાથી હટાવીને મધ્ય પૂર્વમાં શિફ્ટ કરવાનો નિર્ણય લીધો છે. સુરક્ષા કવચ હળવું થવાથી સિઓલમાં ગભરાટ છે.

દક્ષિણ કોરિયાના જોઈન્ટ ચીફ્સ ઓફ સ્ટાફના જણાવ્યા મુજબ, શનિવારે બપોરે 1:20 વાગ્યે ઉત્તર કોરિયાની રાજધાની પ્યોંગયાંગ પાસેના વિસ્તારમાંથી પૂર્વ કિનારા તરફ આ મિસાઈલો છોડવામાં આવી હતી. અગાઉ 27 જાન્યુઆરીએ પણ ઉત્તર કોરિયાએ 2 બેલિસ્ટિક મિસાઈલો છોડી હતી.

જાપાન પર અસર અને નિવેદન

જાપાનના સંરક્ષણ મંત્રાલયે પણ શનિવારે થયેલા આ મિસાઈલ પ્રક્ષેપણની પુષ્ટિ કરી છે. નિક્કી એશિયાએ સૂત્રોના હવાલાથી જણાવ્યું છે કે આ શંકાસ્પદ બેલિસ્ટિક મિસાઈલો જાપાનના એક્સક્લુઝિવ ઈકોનોમિક ઝોન (EEZ) ની બહાર પડી હતી. જોકે, રાહતની વાત એ છે કે આ ઘટનામાં કોઈ જાનહાનિ કે નુકસાનના અહેવાલ નથી.

આ પણ વાંચો

ઈઝરાયલ-ઈરાન યુદ્ધ: 'અમેરિકા હવે ભારત પાસે ભીખ માંગી રહ્યું છે', જાણો ઈરાનના વિદેશ મંત્રીએ આવું કેમ કહ્યું